¹ Ntangu emituba wo wuwun sishwe n'ashwa djwi na ntsa Italia, 'apiwo Paulu ti vear amuu a bolog ne mbwo i nkum ayer-nkuu eyike mbeama na vuy Auguste, dzin inde Jlius. ² Sishwe n'ashwa e Adramite, ayiwo eletsu n'abunga e Azia. Mby s'atshisu ne mbing e vay a nzey enen. Ayisu ti Aristarke, wur e Masedonia eyim Tesalonika. ³ Eshu elani , siyima ne Sidon, ondag e Julius avey nde Paulu na wuo enkum mpi opea mbug na ntsa etay atwung nde djwi wo sarisi. ⁴ Yim kog ,sitsa ne nzey inenen (mer) mpi sikri mbeama esiang e Chypre djwi opepe epikum , djwi opepe aleyikiwo etay e su . ⁵ ntangu emishir su mbag nzey eli n'ikri i Cilicia n pamphilia, sikum Mira ne Lucia. ⁶ Kog ,nkum ayer-nkuu ayen ashua amog e Alexandria eletsu Italia , ashuer vear neti. ⁷ Silekien ko okuog-okuog ntsu entsign, sikum etitign e Cnide, opepe ekapea vear mbug na nshem ne nky ve. Sitear mbeama n' e esiang e Krete, mbeama na Salmoni. ⁸ Sitear na mpay , sikum n'ondii omog eviewo fair Havens eli mbeama wiya eviewo Lasee. ⁹ avey su ntangu entsign , ntangu i nkn okio e yuda ayiwo emilig , ayiwo mpi womo na ntear. Mby Paulu akaba. ¹⁰ Ndenden vear ane, nda yen voyage elig na su na nkie epayia wuo ve mpi avirisa vim entsign epa ko vim emivarasu ti ashua , kansi na luzingu e su. ¹¹ Kansi nkum ayer-nkuu akaleang nzug otuba o Paulu ve, ayug ko wur evara ashua na nkea ashua. ¹² Djwi ibung'iwo ikayia wuo ve na gneme neti ne nshu i mpio( hiver), vear entsign waleang wuwun ekug silim n'ibunga, sikum ata wiya enen e Fenix, djwi signemi mpiog ne nshuu i mpio. Fenix eli ibunga ili ne Krete, elirelung ewo etay e sud-weste ti nord-weste. ¹³ Ntangu emibana ivim opepe emog eyim etay e sud, vear ashwa abansiwo wali na vim aliwo na wo mfunu. Mby, s'alimiwo lungu, ashwa s'aletshikiwo n'ikri i nky e Krete. ¹⁴ Kansi etean kaku, opepe emog eninen eviewo Erakilon (nord-est), eyim n'esiang enagn, ekra ya su. ¹⁵ opepe ekir ashwa, ashwa apikug na nkien diaka ve, s'asiangisu opepe etevari. ¹⁶ Sileg ne ngie imon isiang imog iviewo Cloda, akiisu mpay entsign djwi na mvea vim asisiab na wo ne dzug i vay djwi sivug. ¹⁷ Ntangu emijir su vim enagn, sivea vim esitshung su kamsi okaba n'ashwa. Ayiwo na womo djwi na ndog ne zelo i Syrte mby wabin ashwa, s'akiyi etay eleama eninen djwi opepe eletevarike. ¹⁸ Opepe ategnug nde biu-biu, mby mpimpign enagn, vera ashwa s'atwomikiwo vim awo ne vay. ¹⁹ Eshu otatu, vear ashwa s'atwomikiwo wavim ashwa na mbwo iwo wemie. ²⁰ Sikie nshuu entsign, spikafiyen vuna ve ti weer, kansi opepe elelig ko biu, silima ekaagn susun ene sipafivug ve. ²¹ Nshuu entsign sipikafila ve, mby Paulu s'ayiminde nengnina e vear ashwa ndenden: "Vear ane, wuo anangyug gnu me, sipinalimaka ne Krete ve, djwi sipinayenaka mpay ine ve ti na mpiy vimane ve. ²² Opeane, ndawigna ya gnu, yiagni na kikesa, kaku wur esiwa ve ne kati egnu, kansi asikwon su ko ashwa. ²³ Otshu one, wanzio emog e Nzeam etsame mfukimina mpi ali me wur ende, (wanzio ende atimpwe) ²⁴ atuba ndenden: "Oyayug womo ve, Paulu. Ofwete nsama ne nteang e Cezar mpi yen, Nzeam na wuo onde atopea vear ankum aliyie ti wo ene. ²⁵ Wog enagn, vear ane, yiagni na kikesa, djwi ndajdir ya Nzeam memen asiyiawo ko oshin omituba wo enagn. ²⁶ Kansi eli na esiang emog sipakug ve." ²⁷ Otshu e djum n'inign, ntangu emitevara opepene nzey e Adriatiki, ne ngnina otshu, vear ashwa abansiwo wuwun silevangi mbeama na nky. ²⁸ Watwomo ewuu emog emitshung wo n'oshing, wayer wayen nzig e vay etikum ne metelo osar n'ishiambia, wakea ntwomo ontinteang, wayen etikum ne metelo omab n'iniani. ²⁹ Na womo eyiwo na wo wuwun asitag wo atari, s'atwomiwo walungu inign ne vay, wasakung ko vuna ekagni nkeam eveang-eveang. ³⁰ Vear ashwa waling ondii nge esisawosugn ashwa, watwomi vim alesiabike ne vay, mby wadjim wuwun waling ntsa ntsug walungu ne nteang e ashwa. ³¹ Mby Paulu s'akabinde nkum ayer-nkuu ti ya ayer-nkuu ndenden: "Yug vear ashwa ane wakasatsuga n'ashwave, opavugagni mpi ve." ³² Mby, ayer-nkuu s'abag wo eshing e barje enagn, wasianga s'aletshikiwo ne vay. ³³ Vuna eling nkeam, Paulu s'akabinde vear na nda. Atuba ndenden: "Lwo ene eli eshu e djum n'inign elekung gnu, otiziragni na nziya entsign, opilagni ve. ³⁴ Ndawigna ya gnu na mvey vim agnu lagni, djwi eli mfunu djwi na evug egnu; mpi kaku ata iwuu imog ve n'ote egnu esitsa ntu." ³⁵ Ntangu emishir nde ntuba ngean, avey mampa, akeara nsag-na-viye ya Nzeam ne nteang e vear ankum, mby abag, s'abanikinde na nda. ³⁶ Mby, wankum s'avey wo kikesa, wavey mpi vim anda s'aliwo. ³⁷ Ayisu vear nkama ipe na oshiambia n'isom ne kati e ashwa anagn. ³⁸ Ntangu emiwung wo nda, s'atwomikiwo abwomo a ble ne nzey djwi sahwa asatsuga kwaya. ³⁹ Ntangu emikeam vuna, vear ashwa wakayenaka buu ve, kansi wayen ikwogo imog etey, ti zelo imog, wuwun wuo sitsi nshem ashwa neti. ⁴⁰ S'apubiwo eshing e walungu inagn, wasianga eletsu ne nzey. Ne ntangu enagn mpi, wanama eshing eyikirike yina e ashwa, watshung eleama dzug djwi opepe elavarike etay eli zelo inagn. ⁴¹ Kansi emikum wo n'etima ondii omisanga vay ape, mby ashwa adzig. Aswa afeme, kaku mpila efikeawo mvey ve, eting e mby emog itign-itign na mbonge e vay. ⁴² Nginu e ayer-nkuu ayiwo wuwun wadjag vear a bolog anagn djwi wur emog akakim na djwag. ⁴³ Kansi nkum ayer-nkuu aling nde na mvuga Paulu, seyapum nde na nginu iwo inagn, atuba nda vear ajia djwa na ndog ne vay nteang, wakum ne nky. ⁴⁴ Mby vear amuu asisatsuga wakuni ne dzug i abaya ata n'itign ashwa. Wog enagn, s'asab su sankum ne nky wuo.