¹ ntangu emilim su ne kigonsa enagn, mby s'ajiisu susun esiang ewo dzin iwo Malta. ² Vear apier n'esiang enagn watevey wuo, ntangu eyiteangike mvuyewayung tshia eninen siyor sankum djwi mpio ayiwo biu. ³ Paulu atsa ntongo nkugn, ntangu emitwomo nde ne tshiya, itshwe apwe ne ekugn na nkeanga e tshiya enagn, okama n'ewuo. ⁴ Ntangu emiyen ankea wiya itshwe atileme n'ewuo ende, watuba wog na wog wuwun: "Vi-a-vii, wur ene ali wur ali wur etsandjag vear ata ativug ne nzey, djwi ewu e Nzeam epopinde mbug na nzinga ve." ⁵ Mby, atwomo njua enagn ne tshiya, kaku ata vim eyokinde ipwo ve. ⁶ Akungikiwo wuwun mbala emuu asikon nde jing, go asiwande opeama. Kansi wakung, wakung, wakayen ata vim emog eyilog ya nde ve, watshima otuba wuwun wur ene ali nzeam. ⁷ Etitign enagn, ayiwo n'evur e nkea esiang enagn, wur ewo dzin inde Publius. Ateyama n'evuru ende nshu isar. ⁸ Tea e Publius ayikinde na jing mpi alekiikinde apuu. Ntangu emitsa Paulu n'evuru ende, asama djwi na nde, oyab mbwo s'avug nde. ⁹ Ne mby ewo, vear amuu a nkeang ayii n'esiang enagn wayia mpi,s'avug wo. ¹⁰ Vear anagn watepea osiang entsign. Ntangu eyii siling nkea nshwe n'ashwa, watepea vim ayisu na wo mfunu. ¹¹ Ne mby e ngwon isar, sishwe n'ashwa amog e Alexadria, ayikiwo n'esiang enagn ne nshu i mpio, ashwa awo dzin iwo Aman a Mapasa. ¹² Mby sitsa nshem ne wiya enen e Sirakusi, sikie nshu isar. ¹³ Yim kog, sishwe n'ashwa, sikum ne wiya enen e Reggio. Ne mby e eshu emog, opepe eyim sud eleg, sikie nshu ipe s'akum su wiya enen e Puzzole. ¹⁴ Neti, siyen atwung, waling sikii nshu ishiambia ti wo. Mby otshwag eyikum su Roma. ¹⁵ Yim kog, atwung ayiyugike watuba djwi na su, wayia nsanga ti su na ilaga iAppiusi ti mvuru angingien asar. Paulu ntangu emiyen nd atwung, akeara Nzeam nsag-na-viye mpi akea mvea kikesa. ¹⁶ Ntangu emishwesu ne Roma, wapea Paulu mbug na gneme n'evuru emuu ndemie, ti iyer-nkuu emog esoliraka. ¹⁷ Ne mby e nshu isar, avie ankum a waYuda, ntangu emisanga wo, atuba ndenden: "Atwung, ata nkatuba djwi ipwo ya waYuda ve, ata na vii a wiya ateasu, akum me wur e bolog ne Yeruzalemne mbwo i vear a Roma. ¹⁸ Ntangu emisama me, anansianga wodjwi ekayia na djwi ipwo enakug wo ntum me n'ewa ve. ¹⁹ Kansi ntangu ekaleang wa yuda , aling me sitsu etay e Cesar, nkayiaka ata na nginu i mfugn buu eme ve . v 20 Eli djwi na wo , mpi , aling me n'ongienagni mpi mokabagni, djwi na ekaagn e Israel ndi ngatshung ne chene ene. ²¹ Mby , wokaba : sitovey ata onkeana omog yim yudea ve djwi na yie kaku ko ata otwung omog ve emiyia nkaba vear djwi ipwo djwi na yie ve. ²² Kansi siling ndzug ya yie nge bansa yie na kimvuka e vear anagn , djwi si jia waletun etay enkum. ²³ s'opiwo eshu emog , vear entsign wayia n'ondii eyiyinde. A ma kaba mpi apea ntiegn e ekub e Nzeam . Aleling'ikinde n'enkeana e nsiku i Moise ti n'enkeana e wa ngunsa ,oshin osakeya nde itura djwi na vi a Yezu yim suka ti epiekuo. ²⁴ Amuu wa djir na vi ayitubinde, kansi amuu waka kwikila ve. ²⁵ Wakayokana ve wog na wog , wa lim ntangu eyitubi Paulu vi anagn. eli oshin onagn eyitubi Mpeve-Santu na wa Tea su n'odzum e ngunsa Esaya. ²⁶ Ndenden ; tshuag etay e vear ane mpi kaba wo , ayayug gnu n'atii a gnu , kansi opajiagni ata djwi ; ayalir gnu na vy kansi opayenagni ve. ²⁷ Djwi itura i vear ane eyikum nsug, wamikna atii a wo , wamidzub vy a wo djwi wakayen mpi wakayug n'atii mpi wakajia n'itura wo mpi wakatshima itura, djwi mavug. ²⁸ Jiagni gnugnun evug e Nzeam ene, amitum ya empaagn mpi ayoyug wo nde. ²⁹ Ntangu emituba nde vi anagn, wa yuda wakien ; wog na wog wabana na ntsia. ³⁰ Paulu asatsug'a mvuye ipe opfugn n'evuru eyi futilikinde mpi ayamikinde vear ankum aleyike etay e nde. ³¹ Alelong ekub Nzeam mpi alelong na vi a nkum Yezu-Kristu kaku wur otshung ve . kaku wur obag mbug ve.