¹ Mpi Festus ayia ne province , ne mby nshu isar , avean ne Cesareene Yeruzalem. ² Nkum e wa nganga-nzambi ti ankum anen e wa yuda wafugn Paulu etay e Festus mpi wa tuba mbala entsign. ³ Wawugna ya nde aji Paulu ne Yeruzalem djwi wo djag n'embug. ⁴ Kansi Festus akeara ndenden Paulu ali ne bolog ne Cesaree ndi ndemie alekintsa mpiog. ⁵ Atuba ndenden: "Vear aleang waye ti su. Mpi yug eli na djwi ipwo na wur ene ofugn." ⁶ Ne mby emikiende nshuu iniani go djum ne kati ewo, s'akrinde Sezaree. Mpimpign enagn, agneme ne tuminar, atum vear waye ti Paulu. ⁷ Ntangu emikum nde, waYuda i Yeruzalem wayia mbeama na nde, wofugn na vii a biu na e womo entsign, eli kaku oshin oyegne wo masonga i vii awo ve. ⁸ Paulu aplege n'oshin onde, ndenden: "Kaku ipwo imikieme ve na dzin i waYuda, ata djwina Tempelo, ata djwi na Cezar." ⁹ Kansi Festus, oshin oling nde waYuda woyen wur ewuo, akeara Paulu ndenden: "Oleang ovean Yeruzalem djwi osami vii ane ne nteng eme?" ¹⁰ Paulu ndenden: "Wuo nsami ne tuminar e Cezar, enagn ondii osibag wo ewu eme. Djwi me, ntokii ata ipwo imog ve ya waYuda, n'oshin owung yie njia mpi. ¹¹ Kansi, yug mikie ipwo mpi yug mikie djwi ekug ya me na ngwa, epa ntun na ngwa ve. Kansi yug vii amifugn wo eli oyang, kaku wur esikug mpea me ne mbwo iwo ve. Wuo ntsi nsama ne ntang e Cezar." ¹² Mby Festus s'asulikinde ti ankum anagn, akeara ndenden: "Otileang ntsa nsama etay e Cezar, asitsayie etay e Cear." ¹³ Ne mby i nshuu, vuy Agrippa ti Bernisi wayia ne Sezaree, ayiwo ndir Festus. ¹⁴ Emikiewo nshuu entsign, Festus s'akbinde vuy vii a Paulu. Atuba ndenden: "Eli na wur e bolog emog nendien eyisasugn Felix. ¹⁵ Ntangu eyikime ne Yeruzalem, antsuru a wanganga-Nzambi ti antsuru a waYuda afugn wo wur ewo ya me, aling wo ko mobag ewu. ¹⁶ Akearime memen ya su vear a Roma, wapitsimbag wur ewu ve yug atosami ne nteang e vear ayofugn, djwi wue enagn afwete nsama na vii ayofugn wo." ¹⁷ Wog enagn, ntangu emiyiawo wankum nendien, vim ekakungaka me ve, kansi mpimpign enagn, ntigneme ne tuminar, s'atum me vear waye ti wur ewo. ¹⁸ Ntangu emiyia vear ayofugn, ayen me kaku ata djwi imog ipwo ya nde ve. ¹⁹ Atsugikiwo ko esiy djwi n'oshin osamawo Nzeam ewo, mpi djwi na Yezu emog awinde, mby Paulu atuba ndenden ali ne luzingu. ²⁰ Ntikum ontwong ngiyung na ndir vii awo wuo-wuo, mby s'ojwiime yug aleang ntsa Yeruzalem djwi atsi nsama vii awo mpiog. ²¹ Kansi Paulu aling wowum ne bolog, akung oshin osituba Vuy, , mby s'atubime wowum tii ko eshuu eyotum me Cezaree." ²² Agrippa atuba nda Festus ndenden: "Nding ntoyug mpi wur ewo." Festus okeara ndenden: "Nampign, ayoyug yie." ²³ Mpimpign enagn, Agrippa nda Bernisiwayia na oluy o vear ne mby ewo; washwe n'ondii osmawo vii ti ankum ayer-nkuu, ti ankum anen-anen a wiya enagn. Wayia ti Paulu oshin oyitum Festus. ²⁴ Festus atuba ndenden: "Vuy Agrippa ti gnu gnankum ali nendien ti su, oyenagni wur ene; oluy o waYuda ayiwo ngyen me ne Yeruzalem ti nendien mpi wadzama wuwun wur ene apikug nzinga diaka ve. ²⁵ Kansi ajiime memen kaku djwi ipwo emikiende ve esikug nde na ngwa; kansi, djwi aleang ntsa nsama ne nteang e vuy, s'amituba me atsi mpiog. ²⁶ Kansi, kakume na itsin i djwi isifugname vuy ve. Wog enagn emojiagnime wur ewo ne nteang egnu, nshun ewo, ya yie vuy Agrippa, djwi sijii vim nge esikug su na mfugn n'onkeana ne vii ane. ²⁷ Djwi, epa eli wuo ve na ntum wur e bolog ko mpama, nkwon nkab ipwo imikiende."