¹ Ne mby e nshu itean, Ananiasi, nkum e wa nganga-nzambi ti ndambu antsuru na wur etuba ejia ntuba dzin inde ; Tertuilles'atshui wo. Vear ane s'afugniki wo Paulu eyay e Vuy. ² Ntangu emikum Paulu n'enteang vuy, tertulle s'ofugnikinde ndenden ; Eli ne grasia eyie , sili na ngemba enen mpi oshin eyie enkie oyi vara vi a wuo ne buu esu. ³ Si ndima vi ankum akieyie nkum Felix. ⁴ Kansi djwi n'okuon onkir yie entsign , ndawugna ya yie na nzug mpayia otey ve . ⁵ Ayen su wur ene ali kamsi nkeang, avie wa Yuda ebuu opfugn watomboki . ali nkum e kimvuka e vear a Nazareen. ⁶ A napiyi nde tempelo mpi s'otshung su. ⁷ Kansi Lysia, nkum e ayer-nkuu ntangu emikum nde s'okuminde ne mbuo i su na biu s'ovarinde. ⁸ Ntangu e soyue yie na vi ankum ane , yie mpi ajia yie itsin i djwi imofugn su. ⁹ Wa yuda enkum wafugn Paulu mpi watuba vi ankum eli vi-avi. ¹⁰ Ntangu emoshuong vuy ewuo djwi na ntuba, Paulu s'akearinde : Ayug me oli zuzi e buu ene mvuye entsign , mpi ndi na kiese onkaba mimemien . ¹¹ Osikug na nzue kaku ata nshu djum n'ipe etoling'i emivean me yeruzalem djwi na mfukimina Nzeam. ¹² Mpi ntangu e monzen wo na Tempelo , nka tubaka ata na wur ve nka kie ata vim djwi vear wa tomboki ve; epa ata ne Synagoga ve, ata na wiya enin ve. ¹³ wapakug nzegne vi amifugn wo ene ve. ¹⁴ Kansi ndajir ne nteang eyie , me atsame nsama Nzeam e wa Tea su n'oshin eviewo kimvuka a vear (secte) . Atsame ndjir vi ankum amifugn wo n'enkeana e nsiku ti n'enkeana e wa ngunsa. ¹⁵ Ndi ekaagn oshino mog ya Nzeam djwi vear ane wa yug, vear a wuo na vear apwo ayakea wo mby n'ewa. ¹⁶ Wog enagn etsame nkie biu djwi na etura e me nkuon ngia na ipuo ne nteang e Nzeam e vear. ¹⁷ Mby e mvuye entsign, ntiyia mpea makabu ti nsadisa buu eme. ¹⁸ Ntangu emikieme ngy , wa yuda imuu iyim Azia wangien ne tempelo ntangu eshwi wo djung; epa n'ikina i vear ve ata oshuru ko ve. 9 Vear ane opeane wa fuete n'ongien ne nteang eyie nge eliwo na wo na me , yug wali nawo. ²⁰ Vear ane wa fuete ntuba vi a miyen ipwo e me ntangu etshui me tuminar. ²¹ Tuba ko yug djwi na otuba eyidzami me ne kati ewo memen; Eli djwi na eyakeamby vear n'ewa emitum gnu ne tuminar. ²² Felix ajikinde along anagn . Mby akaba wa yuda wakung. Atuba : Ntangu eyia Lysias nkum ayer-nkuu ne Yeruzalem , asi bag me vi a gnu. ²³ Mby atum nkum ayer-nkuu wa wum Paulu , wayii yande wuo, wakuon mpum vear yug waleye ondir. ²⁴ Ne mby nshu , Felix akea nda wear nde Drusilla ali oyuda, mby avie Paulu , oyug djwi na lukwikilu etay Yezu-Kristu. ²⁵ Kansi Paulu atubikinde djwi na masonga i Nzeam, mpi n'ewu e nzeam eyayia ne mby i nshu, Felix s'ayug nde womo , ndenden; Tolim ne ntangu ene : kansi ntangu e mby ayokeame omvie. ²⁶ Ekaagn e nde ayiwo abansa Paulu asopea nde ekri; Yoyina aletumikinde vear mbala na mbala n'omvie djwi na nsula ti nde. ²⁷ Kansi ne mby i mvuye ipe , PorciusFestus akum vuy n'ondag e Felix. Kansi Felix alingikinde wa yuda woyen wur wuo asasugn Paulu ne bolog.