¹ Paulu alir vear ankum amisanga anagn, atuba ndenden: "Atwung, mizinga ne nteang e Nzeam n'etura e wuo tii eshuue lwo ene. " ² Intsuru i wanganga-Nzambi Ananiasi atum djwi na n'onang n'odzum. ³ Nzeam ayonang nde yie, oli kamsi epiy e evuru e siy. Oyigneme kog djwi na mbag me ewu n'oshin oleang nsiku, kansi yie olepiy nsiku otum ko vear wandjag me?" v 4 Vear ayi mbeama na nde wuwun: Eli oshino nagn e tue ye nkum e wa nganga Nzambi ? ⁵ Paulu ndenden : Atwung nkajia ve mimim ali nkum e wa nganga Nzambi. Djwi wamifugn n'onkeana e Nzeam wuwun ; Opayatuba djwi ipwo ve ya nkum e buu egnu. ⁶ Paul ntangu emijia nde ndenden ne kati e vear ane amuu wali wa Saduse amuu wa farize , adzama na biu : Atwung , me ndi Farize , mon e Farize, ko djwi na ekaagn emitsug me djwi na eyakea mby vear n'ewa s'amimpea wo ewu. ⁷ Ntangu e mituba ngy , oshuru epwe ne kati e wa Farize na wa Saduse, wakum akab ape. ⁸ Djwi wa Saduce atsawo ntuba wuwum vear wapayakea mby n'ewa ve, ata wa banzio , ata Mpeve , kansi wa Farize wa tuba vi angn eleko. ⁹ Ekum oshuru oninen , mby wa long i nsiku imuu iyi etay e wa farize wayima, s atsug wo esy eninen wuwun : Sipiyen ata djwi emog ipwo ya wur ene ve. nagn ejia yug mpeve emog to wanzio emog atituba nda nde. ¹⁰ Nkum ayer-nkuu ntangu emiyen nde esy ewo eletsu ko nteang , ayug womo ndenden wadjag Paulu , s'stum nde ayer-nkuu watsamvey Paulu s'okeariwo neti evuru e biu(forteresse) . ¹¹ Otshuonkum elani , Nkum apue ya Paulu okaba ndenden: Oya yug womo, oshin oyipii yie ntiegn i vi a me ne yeruzalem, ayatsa yie mpea ntiegn oshin omog ne Roma. ¹² ntangu emikean vuna, wa yuda washue mpfug , wakana wog na wog wuwun wapatola ve , wapatognua ve yug watodjag Paulu ve. ¹³ vear ayishue mpfug enagn ayiwo etitign e vear onign. ¹⁴ Watsa ngien ankum a wa nganga-nzambi na antsuru a dibundu , wakaba wuwun : Siti yokana na mpea djung i so mpay , sipatola ve yug sitodjag Pauluve. ¹⁵ Gnu tshuakagni n'ankum e triminar opeane , kabagni nkum e ayer-nkuu aya nda nde kamsi oling'agni nkea ndir vi a nde . mpi si wong djwi n'odjag ne ntangu esivang'a nde ne ndien. ¹⁶ Kansi wankar e Paulu ompeam emiyug nde ilung imipig wo , ashue n'evuru e biu ( forteresse) mpi akaba Paulu . ¹⁷ Paul avie nkum emog ayer-nkuu , okaba ndenden: Vara onkuo one etay e nkum ayer-nkuu , ali na djwi onkaba. ¹⁸ Nkum ayer-nkuu avey mon ompeam enagn s'ovarinde etay e nkum ewo , ndenden: Paulu wur bolog amvinde djwi mvari mon ompeam ene etay e yie , ali na djwi onkaba. ¹⁹ Nkum ayer-nkuu avey onkuo enagn okir n'ewo, watsa n'ikri mpi oyue ndenden: Nge eling yie nkaba me? v 20 Onkuo mpeam a keara ; Wa Yuda watiwong wuwun ovari Paulu nampign ne tuminar kamsi wur esisama ne nteang ewo. ²¹ Kansi oyayug vi a wo ve , djwi vear etitign e onign watsug ilung . Wa pea djung iwo mpay ,wapatola ve , wapatognua ve yug watodjag Paulu ve. Opeane wakung ko etay e yie. ²² Nkum ayer-nkuu asiang'a mon ompeam enagn akien , ntangu emoshir nd onkaba , atuba nda nde na nkuon nkaba ata wur emog ve vi amokaba nde enagn . ²³ Mby avie ankum ayer-nkuu ape ndenden : vey ayer-nkuu nkama ipe wonga'gni oletsuagni Ceasare, ti ayer-nkuu a dzug i mpunda oshambia , mpi n'ampeam asikir akuong nkama ipe . Atsa gnu ne ntangu isar otshu . ²⁴ Veyagn mpunda emog esivean Paulu , varagni nde wuo wuo akum etay e vuy Felix. ²⁵ Afugn onkeana, atuba ngean: " ²⁶ Claude Lysias na vuy enen Felix, Mbea. ²⁷ Wur ene eyitshung wa Yuda alodjg wo ntangu emijia me ntum ayer-nkuu s'ovug wo djwi ayug me ali wur Roma. ²⁸ Aling'ike me njia nge i kie nde , mby s'ovarime ne tuminar . ²⁹ Ankabi wo ofugn wo na vi alir nsiku iwo, kansi kaku ipwo imikiende ve esikug wo ondjag to wotsug ne bolog. ³⁰ Ntangu emiyug me watopig ilung , mby ntotum mbala emog etay eyie, ntisakaba vear amofugn na mvara ofugn ewo ne nteang e yie. Etishir. ³¹ Ayer-nkuu k'oshin oyitubi nkum ewo , s'avey wo Paulu otshu onagn ,s'ovariwo tii ne Antpatrisi. ³² mpimpign enagn, wa ayer-nkuu wasugn vear a mpunda watsu na nde, mby wo s'akey wo n evuru enen ( forteresse) . ³³ Ntangu emikum vear a mpunda Cesaree , mpi wa pea vuy onkean , mpi woyegne Paulu. ³⁴ Ntangu emishir ntang'a vuy onkean , ayue Paulu ali wur ntn enkagn. Ntangu emijia nde ali wur e cilicie, ³⁵ Atuga ndenden; Ayoyug me tii ne nsuka ntangu eyayia vear eyofugn yie nendien . mby atum vear wa wum Paulu n'opeang e vuy Herodi.