¹ Ntangu eminam su ti wo, emishwesu n'ahwa, sivey mbug e wiya enen e Kos. Mby, mpimping enagn sikum wiya enen e Rodes, yim kog, sikum wiya enen e Patara. ² Ntangu emiyen su ashwa amog elebag na ntsaFenisia, sivean neti mby s'akien su. ³ Ntangu emikum su mbeama n'esiang e Shipre, sisasugn ne wear ewuo, s'atshisu etay e Siria mpi sishem ne Tyr, djwi ashwa ayiwo afwete nkey vim amuu kog. ⁴ Ntangu emiyensu walongoki, s'agnemisu kog nshuu ishiambia. Walongoki inagn watuba wa Paulu na Mpeve wuwun akwon ntsa Yeruzalem. ⁵ Ntangu emikum su ne eshu e nsuka, s'alim su kog, sikien. Wankum, ti avear awo ti aman awo wayia ntekey nelien e wiya enen. Mby sifukama n'ikri i vay, sisama mpi sipea mbea vear na vear. ⁶ Sikuna n'ashwa mby s'akey wo ntsa epeang ewo. ⁷ Ntangu emishira su ekien esu e ashwa yim Tyr, sikum Ptolemaisi. Sipea mbea ya atwung ali kog, sikie eshuu emog ti wo. ⁸ Silim mpimpign enagn s'atshisu Sezare. Sishwe n'evuru e Filipuwur eyilongike oshwong o wuo. Ayiinde emog ne kati e vearashiambia ayison wo ne Yeruzalem. s'ayikisu n'evuru ende. ⁹ Wur enagn ayinde n'asig ankear anign, abikulikiwo. ¹⁰ Emikiesu nshuu entsign n'evuru enagn, ngunsa emog dzin inde Agabusakrakog yim yudea. ¹¹ Ayia etay eli su, avey okaba o Paulu. Atshung okaba owo ne mbwo ti nkuu inde, ndenden: "Mpeve-Santu atuba ndenden: waYuda ili ne Yeruzalem ayatshung wo nkea okaba one ko oshin one ngean mby ayopeawo ne mbwo empaagn." ¹² Ntangu emiyug su vii anagn, na su, na vear ayike n'ondii onagn siwigna ya Paulu na nkwon ntsa Yeruzalem. ¹³ Mby Paulu s'akearinde ndenden: "Nge ekiegnu, eliyegnu olempiyagni etura? Djwi me, ndakung, epa ko djwi wantshung ve, kansi mpi djwi na ngwa ne dzin i Nkum Yezu." ¹⁴ N'oshin okakugaka su n'okeya nde etura ve, sikafitsug inaagn ve mby s'atubisu susun: "Nzeam akii ko luzolo ende." ¹⁵ Ne mby i nshuu inagn, s'aveysu abwomo asu, s'avean su Yeruzalem. ¹⁶ Walongoki imuu iyim Yeruzalem wayia mpi ti su. Ayiwo ti wur emog dzin inde Mnason, wur e Chipre, ayinde longoki emog e ntama efwete su nsatsuga ti nde. ¹⁷ Ntangu emikum su ne Yeruzalem, atwung wateyama n'osiang. ¹⁸ Mpimpign enagn, Paulu atevey sitsa etay Jaki; antsuru ankum a dibundu ayiiwo kog. ¹⁹ Ntangu emishirsu na mpea wo mbea, s'akabikinde djwi imog-imog imikie Nzeam ya empaagn ne kati otshia onde. ²⁰ Ntangu emoyug wo, wapea Nzeam lokumu wa nde wuwun: "Otwung, yen oluy o waYuda emidjiir ene, waling ko wakir wansiku. ²¹ Wamiyug wuwun olelong ya waYuda ikum ilepier ne kati e empaagn na ntun nsiku i Moize mpi olaakabi na nkwon mbag aman awo ti na nkwon ndana enkwon esu e ntama. ²² Kog sikii esinge? Vear entsign asisanga wo, kaku esiy ve, djwi asijia wo emiyia yie nendien. ²³ Yie, kie oshin okabasu opeane: sili na vear anign wamila lusilu. ²⁴ Vey wo, suyagni djuung ti yie, ti wo, futa ekri djwi na wo, wabag awuu klongo-klongo n'ote. Mby vear ankum asijia wo wuwun vii ayiyug wo djwi na yie eli oyang. Wayen mpi wuwun ti yie mpi olelani ko wansiku. ²⁵ Kansi djwi na empaagn emidjiir, atubisu mpi simafugna enkeana susun wakwon nda wagnam imipeawo n'empeab ya wabiteke, wakwon nda aluung, wakwon nda wagnam imiwaka epeama, wasiangi kinduma." ²⁶ Mby Paulu s'avey nde vear anagn, wayog vay mby s'atshinde ne tempelo ti wo djwi na nkaba nshuu i nsuy djuung, mpi s'apiiwo makabu i wur na wur. ²⁷ Ntangu emishir nshuu ishiambia inagn, waYuda imuu iyim Azia , ntangu emiyen wo Paulu ne tempelo, s'akabiwo vear amuu agni ankum watomboki djwi na Paulu, mby s'eyotshung wo. ²⁸ Atsugikiwo elie wuwun: "Vear Israel, yagagni! Yenagni wur elelong etay enkum ya vear vii apileang su, wansiku mpi djwi na ondii one. Mpi emuu diaka, atishwer waGreki ne kati e tempelo atipiy ondii e santu ene." ²⁹ Djwi, ayen wo nteang Trofime wur e Efeso ti nde ne wiya enen, mby s'abansi wo wuwun Paulu atoshwer ne tempelo. ³⁰ Wiya enkum egnug, vear wayia n'aveang djwi watshung Paulu. Wopur nelien e tempelos'atshung ipfug eveang-eveang. ³¹ N'oshin elolingikiwo n'ondjag nde, oshwong s'akum wo tii ya Kapitene, nkum e ayer-nkuu wuwun Yeruzalem enkum etignug. 2 Ko ne ntangu enagn, avey ayr-nkuuti ankum ayer-nkuu, s'akrinde etay eli oluy o vear anagn. Vear ntangu emiyen wo nkum ayer-nkuu ti ayer-nkuu, wasianga na ndjag Paulu isur. ³³ Mby nkum ayer-nkuu ayia mbeama na Paulu, s'otshung nde, akaba vear nade n'ontshung na nkori ipe. Ajue yug nde ali nagn mpi nge emikie nde. ³⁴ Kansi n'oluy o vear anagn, agni watsug elie watuba ngean, amuu watsug elie watuba oshin owo. N'oshuru onagn, nkum ayer-nkuu akakug na ntuba ata djwi ve, s'akabinde vear ande na mvara Paulu neti evuru enen. ³⁵ Ntangu emikum nde ne wa escaliers, ayer-nkuu s'ovariwo djwi vear akum wo na nkier entsign. ³⁶ Djwi oluy o vear aleyikiwo mby, wuwun: "Djagagni nde!" ³⁷ Ntangu efwete wo nshwer Paulu neti evuru enen, atuba nda nkum ayer-nkuu ndenden: "Asikug me n'onkaba djwi imog?" Nkum ayer-nkuu ndenden: "Atsayie ntuba otuba o waGreki? ³⁸ Yie, epa oli wur e Ejipiti ve, eyipur mobulu mpi eyivari awugu anign a vear apwo ne buu e ndzum?" ³⁹ Paulu atuba ndenden: "Ndi Yuda, e wiya enen e Tarsi ne buu e Silisia. Ndi wur emog e wiya enen e mfunu. Ndawigna ya yie, ompii mbug na ntuba ya vear ane." ⁴⁰ Ntangu emopea nkum ayer-nkuu mbug nantuba, Paulu ayima ne wa escalier, akie n'ewuo ya vear anagn djwi wayii pwoo. Wankum s'ayiiwo pwo, mby s'atubikinde n'otuba e waYuda, ndenden: