¹ Ntangu eyi apollosi ne kolinto , Paulu a ntear wa province e dzug s'akum nde ne Efezo mpi asang'a nda walongiki. ² Paulu nda wo ndenden : Nge omiveagni Mpeve-santu ntangu ekwikili gnu ? wokeara wuwun : Sitoyug ata oshuong o Mpeve-santu ve. Paulu nda wo ndenden mbotika nge eyiveyignu? wokeara : mbotika e Yoani. ⁴ Mby Paulu atuba ndenden : Yoani apinde mbotika e ntshima etura. Atubikinde nda vear eyikog wa fuete na nkwikila na wur eyia mby e nde , wur ewo Yezu. ⁵ Ntangu emiyug wo otuba enagn, wa vey mbotika ne dzin Nkum Yezu . Ntangu Paulu emayab nde mbuo , Mpeve-santu ayia ne kati ewo , mpi watubike na etuba emuu, wabikula. ⁷ Wakum ayiwo vear djum na ape. ⁸ Paulu ashue n'evuru e nzeam mpi atubikinde na ngagn enkum nguon isar. Atubikinde ko vi a ekug e nzeam. ⁹ Kansi amuu wadzing itura, wakaleang nkwikila ve, ne vi ya vear wabana na ntuba ipwo, mby Paulu alim ondii onagn, mpi aveara wa longoki etey na wo. s'alongikinde konso eshu ne nzonkanda i Tyrannus. ¹⁰ Ekie mvuye ipe ,mby vear ankum ayipierike n'Asia , w yuda ti wa greki, wayug otuba e Nzeam ¹¹ Nzeam akikinde bidimbu entsign ne mbuo i Paulu. 2 Ti vear ankeang avug'ikiwo mpi Mpeve ipwo apuekiwo ntangu eveyikiwo wa kitambala akuekiwo ne djung e paulu. ¹³ kansi, ayiwo kog vear alog e wa yuda etearike buu enagn , ne dzin e Yezu djwi n'etshia ewo . N'avear ayiki na mpeve ipwo ; atubikiwo : Nda tuba ma gnu ne dzin e Yezu elelong Paulu. ¹⁴ Avear a kieke vi anagn eli amana achambiya a sceva, nkum e wa nganga -Nzambi e wa yuda. ¹⁵ Mpeve ipwo okeara : ndajia Yezu , ndajia ko Paulu ali nagn; kansi gnu olagni wa nagn? ¹⁶ Mpeve epwo eyike ya wur enagn akir vear anagn, akum nkum ewo, adjag isur. Mby s'akim wo aveang epuu-epuu ti wampura ne djuung. ¹⁷ vear ankum s'ayug wo, waYuda ti waGrekieyiike n'Efeso. Wayug womo entsign mpi s'apikiwo luzitu ne dzin i nkum Yezu. ¹⁸ Mby vear entsign eyidjiir vii anagn s'ayikiwo ntsug mfunguna, walekab vii apwo amikiewo. ¹⁹ Vear amuu ayikike alog s'ayikiwo n'enkeana ewo, wabag tshia ne vy a vearankum. Isuu i enkeana ewo ayiwo etitign e ekri awugu otean. ²⁰ Otuba o nkum s'alepagnikiwo na biu o Nzeam. ²¹ Ntangu emishira Paulu etshia ende n'Efeso, s'avey nde nginu i ntsa Yeruzalem, aleg ne Masedonia ti ne Akai ndenden: "Yug ntitsa mpiog, ekug ntsi ngyen Roma." ²² Paulu atum walongoki inde ipe watsa Masedonia, ayiwo Timotei ti Erastewog vear ayosarisike. Kansi nde, atosande tsuga ivim i nshuu ne Azia. ²³ Ne nshuu inagn, mavuanga ininen alog wo n'Efesodjwi n'otuba o Nzeam. ²⁴ Wur emog dzin inde Demetriusi, alekikinde watempelo i mpalata djwi na Diane, vear ande otshia aviyikiwo ekri entsign djwi na wo. ²⁵ Atsug vearangn ankum akie otshia omog onagn ndenden: "Vear ane, ojiagni gnungun asiveasu ekri entsign ko n'otshia one. ²⁶ oyenagni mpi oyugagni gnugnun epa ko n'Efeso ve, kansi n'buu enkum e Azia. Paulu ene amikeya itura i vear entsign, amajinga mbug. Atuba ndenden kaku nzeam eli wamokie na mbwo ve. ²⁷ Vim eli womo nendien, epa ko djwi n'otshia osu asiwawo ve, kansi eli mpi djwi na tempelo e nzeam e onkear eninen kamsi Diane asoyen wo kaku diaka lokumu ve. Lokumu ende asishir wo, nde etsawo ndemfuka ne Azia ti ne buu opfugn." ²⁸ Ntangu emiyug wo vii anagn, s'ayug wo nkier, s'adzamikiwo wuwun: "Diane e vear a Efeso ali onen!" ²⁹ Wiya enen opfugn wapijia nge esifikiewo ve. S'atshiwo nkie ikie-kie wankum, watshung vear alekienike ti Paulu: Gaiusi ti Artistarki, wo vear ayim Masedonia. ³⁰ Paulu anashwende ne kati-kati e oluy o vear, kansi walongoki wopum. ³¹ mby ankum amuu ayim buu e Azia ayike iwur i Paulu watum vear n'onkaba akwon nshwe ne vii awo anagn. ³² Vear agni watsug elie oshin owo, amuu mpi watsug elie oshin owo, mavanga ilog, djwi vear entsign wakajia ve itsin i djwi imiyiawo nsanga kog. ³³ WaYuda s'apur wo Alexandre ne kati e oluy o vear anagn. Alexandre akie n'ewuo djwi na nding mpea ntendula ya vear. ³⁴ Kansi ntangu emijiawo wuwun ali Yuda, watsug elie wankum mbala emog tii ata ntangu ipe wuwun: "Diane e vear a Efeso ali onen!" ³⁵ Mby, kalag e wiya enen akeya oshuru owo, atuba ndenden: "Gnug, vear a Efeso, nagn epijia ndenden Wiya enen e Efeso elewum tempelo e Diane eninen ene ti ignignig inde iyilog yim dzug? ³⁶ Kaku wur esikug ntsug esiy ve, yiagni pwo mpi oyakiagni vii eveang- eveang ve. ³⁷ Djwi otiyiagni ti vear ane ne nteang e tempelo, apa wali ata ankea vimu ve, watotwi mpi ata mzeam esu e onkear ene ve. ³⁸ Yug Demetriusi ti vear ande otshia waling mfugn wur, tuminar ili ngingam mpi vear a samisa waleko. Watsu nsama wog na wog. ³⁹ Kansi, yug olagni na vii amuu antuba, ayatuba su n'ewu eninen n'oshin otuba nsiku isu. ⁴⁰ Djwi wakatuba wuwun sug vear amikie ote biu na vii ane. Kaku itsin i djwi imipur oshuru one ve, mpi sipakug na ntendula wog ve. ⁴¹ Ntangu emishir nde ntuba, mby s'apagninde oluy o vear ankum.