¹ Ne mby ewo , Paulu alim n'athena mpi s'atshinde Kolinto. ² Mpiog , ayen Yuda emog dzin i nde Akilasi ayim wiya e nkling'i, ayinde yim italia kaku etean ve, nda wear a nde Priscille, djwi clode apinde nsiku ya Yuda enkum na ndim ne Roma. Paulu s'akaminde nda wo. ³ Paulu a gneminde nda wo aletung'ikiwo Mvuru i kapo. ⁴ Paulu atubinde n'evuru e Nzeam konzo obing, alekiyikinde itura i wa Yuda na i wa Greki n'along nde. ⁵ Kansi ntangu eyikum Silasi nda Timotei yim Masedonia , Mpeve-Santu atuba nda Paulu na nkaba wa Yuda Yezu ali Kristu. ⁶ Kansi wa Yuda n'oshin oyituniki wo mpi otuekiwo , Paulu asapub ko ileam i nde mpi atuba: " Alung a gnu akey ndog n'ote e gnu, me mpijia djwi ve, opeane ndetsu etay e wa empaagn. ⁷ Emilag nde kog , s'ashuinde n'evuru e Titus Justus, ayinde wur elur Nzeam. Evuru e nde ayiwo ko mbeama na evuru e Nzeam. ⁸ Kripus nkum evuru e nzeam ti familia e nde wa kwikila na Nkum. Na vear amuu a kolinto ayiyug along a Paulu wa kwikila mpi wa vey mbotika. ⁹ Nkum akaba Paulu otshu onkum ne ndoy ndenden : Oyayug womo ve kansi tuba oyatshung odzum ve. ¹⁰ Djwi me ndi na yie kaku wur esokie yie ipwo ve ndi na vear entsing ne wiya ene. ¹¹ Paulu a gneme kog , mvuye emog na ngwon isom, alelong otuba e Nzeam ne kati ewo. ¹² Ne ntangu emikum Gallion vuy e Achaie , wa yuda wa tomboka wankum wa Paulu mpi wovara ne tuminar . ¹³ wuwun: Wur ene alelong vear wa sami Nzeam n'oshin opileang nsiku ve. ¹⁴ Paulu anang'ama nde odzum na ntuba, kansi Gallioni atuba na nda wa yuda ndenden: Yug etoyia atikie djwi ipwo , ekug wuo atubi nda gnu. ¹⁵ kasi yug eli djwi na vi elir otuba ti wa dzin mpi ne nsiku i ignu, iloliragni gnu . mpikug mbag ewu e vi anagn ve. ¹⁶ Gallioni s'spura ne tuminar. ¹⁷ Mby wankum s'akir wo Sosthene, nkum e evuru e nzeam, wodjag isur ko nteang e tuminar, kansi Gallioni akayen ata pay na wo ve. ¹⁹ Ntangu emikum wo Efezo, Paulu sasugn nde Aquilas ti Priscillia kog, djwi alingikinde ashue ndemien n'evuru e nzeam mpi atubi na wa Yuda. ²⁰ Wawugna ya paulu atukakie mau nshue , akaleang ve. ²¹ S'akien nde, ndenden : Ayikea me na gnu yug Nzeam ayi leang." S'alim nde n'Efezo. ²³ Mby ekie nshue kog , Paulu akir mbug , atear Ngalatia na Phrygie mpi alepi wa longiki biu. ²⁴ Oyuda emog dzin i nde Apollosi, wur Alexandria ayiyia n'Efezo. Ajia ntuba mpi biu n' enkeana . ²⁵ Apollosi olong wo ne mbug e Nzeam. Wur e yuo na Mpeve, atubikinde wuo wuo vi a lir Yezu kansi ajikinde ko mbotika e Yoani. ²⁶ Apollosi abandinde na ntuba akaluraka ata wur ve n'evuru e Nzeam. Ntangu emiyug Priscillia ti Aquilasi, wakien na nde mbug emog wolag wuo wuo mbug e Nkum. ²⁷ Ntangu emileande alag ne mbug e Achaie, atwung wo pea biu mpi wafugn enkeana an walongoki e Achaie woyami. Ntangu emikum nde, vear ankum eyikwikili ne grasia ala sarisa entsign. ²⁸ Apollosi atubikinde na wa yuda ko ne vi a vear na grasia e biu mpi n'oshin nde ngiegn ne mbug enkean Yezu ali Kristu.