¹ Silajia susun yug evuru esu epier su ne buu eli ngibia, sili n'evuru emikie Nzeam. Eli evuru eli wakakie na mbwo i vear ve, kansi evuru e mvwe na mvwe ne dzug olung. ² Djwi n'itsug inagn silagnie, sileang na ndwer evuru esu e dzug olung. ³ Sileang wog, djwi ntangu esilwer su, wapateyen ve kamsi sikwon ileama. ⁴ Djwi e vi-avii, ntangu elisu neti itsug inagn, silagnie, silevari odzuru engilega. Situn na ngya vear akwon ileama. Kansi sileang siyii n'ileama, djwi vim etsangwaeshwi ne kati e lunzingu. ⁵ Wur etewong na vim ankum ane eli Nzeam, nde wur eletepii Mpeve kamsi elaga e vii aleye. ⁶ Wog enagn, yiagni ko n'ekaagn; jiagni gnugnun ntangu elisu ne djuung ine, sili etey na Nkum. ⁷ Djwi, silekien ne lukwikilu kansi epa na ngyen na viy ve. ⁸ Wog enagn, sili na ekaagn. Sileang siyii etey na djuung mpi siyii ti Nkum. ⁹ Eli wog enagn itsin isu i djwi, ata sili ne djuung ine ata n'ondii omuu, djwi n'ompea osiang. ¹⁰ Djwi sankeankum ayapwesu ne nteang e nkway ekub e tuminar e Kristu, djwi wur na wur avey vii amikiewo ne djuung, ata ne vii awuo ata ne vii apwo. ¹¹ Mby, oshin ojiasu womo e Nkum, s'alevarisu vear. Oshin oli su, Nzeam awung ngyen wuo, ndi n'ekaagn eli oshin omog ne nginu ignu. ¹² Sipafovaragni gnu mbala emuuiky ve djwi ojiagni gnugnun sili vear a masonga. Kansi, olagni na ntina e ngya n'osiang djwi na su, djwi oveagni mvutu djwi na vear atsankie omwong ne vim aleyen wo na viy, kansi epa eli neti etura. ¹³ Djwi yug sili ibwunu, eli djwi na Nzeam; mby yug sili na vii a wuo, eli djwi na gnu. ¹⁴ Djwi, ngaagn e Kristu elatum vear djwi siladjir wog: yug wur emog atiwa djwi na vear ankum, enagn eli vear ankum watiwa. ¹⁵ Mpi Kristu amiwa djwi na vear ankum, wog enagn vear ali ne luzingu wapafizinga djwi na wo wemie ve, kansi djwi na wur eyiwi mpi emikeambiy n'ewa. ¹⁶ Wog enagn, bana opeane, sipabag ewu e wur n'oshin oli vear ve, ata ntama alirikisu Kristu oshin onagn. Kansi, opeane, sipabag ewu e vear oshin onagn ve. ¹⁷ Mby yug wur ali ne kati e Kristu, atikum wur empa. Vii a ntama atileg; yenaka etikum vii ampa. ¹⁸ Vim ankum anagn ayim ya Nzeam, nde wur emikea ntsug vear ondii omog ti nde ne mbug e Kristu, mpi amitepea otshia e ntsug vear ondii omog. ¹⁹ Eling ntuba, na Kristu, Nzeam alatsug vear ankum a buu ondii omog ti nde ndemie, apikafiyen ve ipwo iyikikiwo etay ende. Amitepea oshwong o ntsug vear ondii omog. ²⁰ Wog enagn, amiteson kamsi vear amivey ondii o Kristu, eli kamsi Nzeam avie vear ne mbug esu. Siloleamagni djwi na ngaagn e Kristu, "Keagni ondii omog ti Nzeam." ²¹ Akinde Kristu akum empeab djwi na masumu isu. Ali wur ekakie disumu, akinde djwi su siyi vear a wuo ne nteang e Nzeam ya nde.