¹ Asibanasu nkea mvey lokumu su nkeanga su mbala emuu? Kaku su na mfunu e enkean eyim etay gnu, kamsi vear amuu? ² Gnu oliagni onkean esu, emifugn su n'itura isu, eli vear ankum wamijia mpi wamitanga. ³ Mpi yegnagni gnugnu olagni onkean omog e Kristu, emipea su. Afugn wo, epa ne vay enkean ve, kansi na Mpeve e Nzeam e luzingu. wakafugn wog ne dzug atari ve, kansi afugn wo n'itura i vear. ⁴ Mpi yenagni ekaagn elisu na wo na Nzeam ne mbug e Kristu. ⁵ Epa ntuba ve sikug nkeang su na nkie vim emog eyim ya su nkeang su . biu esu eyim etay ya Nzeam. ⁶ Elie Nzeam emitekie siyii wa nsadi e nde e ngagn e mpa. Ene eli ngangn epa elim n'okean kansi ya Mpeve; Djwi onkean e ya djag, kansi Mpeve apea luzingu. ⁷ Opeane, otshia eyipiike ewa eyifugn wo n'enkeana ne dzug atari ayiwo na nkembo djwi aman Israel wakafikug ndir Moizen'elung ve. Ene eli djwi na nkembo eli n'elung ende, nkembo ewo ayiwo na nsuka. ⁸ Mbala kwe esilenga otshia elekii Mpeve? ⁹ Djwi, yug otshia eyipiike vear ewu ayiwo na nkembo, mby mbala kwe eslilenga etshia e masonga n'osiang! ¹⁰ Djwi, vim eyiike na nkembo, kaku diaka nkembo ve, ko djwi na nkembo ene emolenga. ¹¹ Djwi, yug vim eyiike na nsuka ayiikiwo na nkembo, mbala kwe eslinga nkembo eli konso ntangu! ¹² Oshin oli su n'ekaagn, sili na kikesa. ¹³ Epa sili kamsi Moize ve, edzub eleama n'elung ende, djwi vear Israel wakwon ndir elung ende djwi wakayen nsuka e nkembo esishir. ¹⁴ Kansi nginu iwo ayiwo ngitshung. Ata tii eshu e lwo, eleama ewo eyiidzub wo eliko ne ntangu etanga wo alien ayii ntama. Etongam ve, ko djwi ne dzin i Kristu mby asitsawo ntu. ¹⁵ Kansi, ata lwo ene, ntangu enkum etsawo ntanga vii ayiifugn Moize, eleama emog atsawo ndzub itura iwo. ¹⁶ Kansi, yug ko wur emog atitshima etura ende etay e Nkum, eleama enagn atsawo ndim. ¹⁷ Nkum ali Mpeve. Ondii oli Mpeve e Nkum, ondii onagn vear apa wali ngitshung ve. ¹⁸ Sankum, eli vear wayen ilung isu ngingam, silayen nkembo e Nkum. Waletesogni sikum oshin omog ti nkembo ewo, yim nkembo ene, sikum ne nkembo emuu, djwi eyim ya Nkum nde wur eli Mpeve.