¹ Akanime, djwi na me, na nkwon mfikea etay egnu ne kati e wampay. ² Yug opiagnime mpay, nagn esifimpea me osiang, epa ko wur emipea me mpay? ³ Afugn me kamsi eyiikime, djwi ntangu eyayiame etay egnu, vear afwete mpeame osiang wakwon mfipea me osayu n'etura. Ndi n'ekaagn ya gnu memen osiang olime na wo eli mpi ya gnu. ⁴ Djwi ntofugnangi na mpay ininen, ti etura osayu, ti viey ne viy. Nkaleang ompiyagni mpayi. Kansi alingikime ojiagni ngaagn eli me na wo djwi na gnu. ⁵ Yug eli na wur emipea mpay, atopii mpay ko ya me memie ve, epa oyang ve, eli djwi na gnu gnankum. ⁶ Ndola e wur enagn ekug vear entsign wopii. ⁷ Opeane, ata ndola ewo, ofwete ondolulagni mpi peagni nde biu. Kiagni wog djwi akwon ngya na ngy entsign. ⁸ Mbiy ndawigna ya gnu ne ngyegne ne viy a vear vear ngaagn egnu etay ende. ⁹ Ene eli wog itsin i djwi ifugn me, djwi n'ontesagni mpi na ndir yug atsagnu ndemfuka ne vim ankum. ¹⁰ Djwi yug otilolulagni wur, me mpi asololula me. Mby vim emilolula me, ntilolula djwi na gnu ne nteang e Kristu. ¹¹ Eli djwi okwon mpeagni satana mbug, djwi sipijing ve vii amiwong nde. ¹² Nkum angami nde epfug emog ntangu eyime ne viya enen e Troas djwi na ndong oshwong e Kristu. ¹³ Oshin omog, nkayia na ngemba e mpeve djwi nkayen otwung ome Tito. Mby masasugn mpi nkea Masedonia. ¹⁴ Kansi nsag-na-vie sikeari ko ya Nzeam, nde wur elepii vear lunungu ntangu enkum ne dzin i Kristu. Ne mbug esu alemuang nsuu e wuo e njia vii ande etay enkum. ¹⁵ Oniang, sili djwi na Nzeam nsuu e wuo e Kristu ne kati e vear amivug ti vear afwete ngwa. ¹⁶ Djwi na vear afwete ngwa, eli nsuu odjuu djwi n'ewa. Djwi na vear ayavug, eli nsuu e luzingu. Nagn ekug na vii ane ? ¹⁷ Djwi su epa silesar otuba o Nzeam ve kamsi elekii vear entsign, kansi siletubi djwi na Kristu kamsi vear ayitum Nzeam ne viy a Nzeam.