¹ Asikug me ntuba n'omuong, kansi mpaviya vim ve na nkie wog. Kansi asiyiame onkabagni ti wa ndoy, ti vii amingyegne Nkum. ² Ndajia wur emog amidjir Kristu, emileg mvwe djum n'inign, ovariwo ne paradiso, yug ayiwo ne djung inde go ne mpeve, mpijia ve, ko Nzeam ajia. ³ Mpi ndajia wur ewo (yug ne djuung inde to ne mpeve, mpijia ve, ko Nzeam ajia) ⁴ ovariwo ne paradisu mpi ayug nde vim a wuo- wuo eli wur apikug nkab ve. ⁵ N'oshin o wur enagn, asitubame n'omuong. Kansi mpantuba n'omuong djwi na me ve, kansi ko djwi n'olem eme e djuung. ⁶ Yug alakieme omuong, mpinayiaka obwunu ve; djwi asikab me ko masonga. Kansi na magne odzum na nkwon ntuba n'omuong, djwi wur akavea mbug engyen me kamsi ndi ne dzug i vear na vii asiyen nde ya me ti esiyug nde ya me. ⁷ Djwi nkwon ngyia n'omuong, djwi wuo e wa ndoy. Mpi mpa to yuo n'omuong ve, djwi wamintsuga itiene ne djung, wanzio emog e satana djwi ampiike mpay, djwi nkwon nkum wur omwong entsign. ⁸ Mbala isar ngwigna ya Nkum ne bisamu djwi na wo, djwi alimi etsu etey na me. ⁹ Kansi nda me ndenden, "Ngrasia eme eli ya yie etikug, djwi biu eme atsawo ngia n'olem e wur." Mby asiyiame n'omuong djwi n'olem e me, djwi biu e Nzeam epier ya me. ¹⁰ Wog enagn ndi n'osiang djwi n'olem eme, n'oshin olentwiwo, ne mpay ilempiiwo eshin n'eshin djwi na Kristu; djwi ntangu eli me n'olem, enagn wog ntangu eli me na biu. ¹¹ Ntikum obwunu! Eli gnu vear amintsug obwunu. Eli gnu vear anatuba djwi na me. Djwi kaku vim emog ve elime ne ngie e wantumua imuu ata ndi wur e mpama. ¹² Etshia e wuo e ntumwa eyikwungikisu ayen wog ne kati egnu, bidimu eshin n'eshin. ¹³ Ne djwi nge eyoveyakagni wo ne ngie mvuru i nzeam imuu, lima ko djwi nkayia odzuru djwi na gnu ? Ondololagni djwi ipwo inagn! ¹⁴ Yenagni! Ntiwong na ntsa etay egnu djwi na mbala otatu. Mpi mpayia odzuru djwi na gnu ve, djwi epa vim agnu eling me ve, eli gnu gnemie. Djwi epa aman vear atsa ngwum djwi n'atea ti amea awo ve; kansi eli wa tea ti amea vear atsa ngwum djwi n'aman awo. ¹⁵ Ayapurme enkum elime na wo, mpi ayapurme djwi na moyo egnu. Yug ndoleangagni entsign, nge gnu asindeang gnu me fioti? ¹⁶ Kansi, n'oshin ekug, nkopeagni odzuru o me ve, kansi djwi ndi waagn, oviyagnime ko na waagn. ¹⁷ Mivey vim egnu emog ne kati e vear ayitum me etay egnu? Sikakienaka ti gnu oshin omog? Sikakienaka ti gnu mbug emog? ¹⁸ Atum me Tite aye etay egnu mpi atum me wur emuu ti nde. Nge Tite aling nde vim emuu ya gnu? Sikakien ti gnu oshin omog? Sikakien ti gnu mbug emog? ¹⁹ Obansagni ntangu enkum ene alingikisu lunungu ne nteang egnu? Ne nteang e Nzeam, e Kristu, atubisu vim ankum djwi oyiagni biu. ²⁰ Djwi ndayug womo yug ntikum mokwon ongyenagni oshin eleang me ve. Ndayug womo mpi gnu onkwon ngyenagni oshin oleang gnu. Ndayug womo nkayia ngyen ashia, na dzua, nkier, omvuyi, otuba opuo, mbeam vear vii, omuong opwo, mbaagn. ²¹ Ndayug womo ne ntangu eyakeame, Nzeam eme akampea nsogn ne nteang egnu. Ndalur nkakum ngy, djwi na vear entsign wamikie masumu, watotshimi itura iwo ve na nsianga vii a mbin, kinduma ti mpuy iwo i djuung ipiyur wo vii amikiakawo.