¹ Ene mbala isar eleyime etay egnu. Djwi inkum ilignu na wo asibag gnu ko yug otiyugagni otuba e ntiegn ipe to isar. ² Atubi me ya vear ayikii masumu, mpi ti amuu amisatsuga, ntangu eyime mbala ozole, mpi ndatuba diaka: Ntangu eyayiame mbala emuu, mpayayug ngy ve. ³ Ndokabagni oshin onagn djwi oyalingagni na njia yug Kristu atsande ntuba ne kati eme. Apa ali ngilem etay egnu ve; kansi ali biu ya gnu. ⁴ Djwi okuog wo ne kulunsi djwi na olem ende, kansi ali ne luzingu na biu e Nzeam. Djwi sili mpi ngilem ya nde, kansi ayakeasu ne luzingu ti nde na biu e Nzeam, ne kati egnu. ⁵ Liragni nkeangagnu djwi na njia yug olagni ne kati e lukwikilu. Tesakagni nkeangagnu. Opijiagni ve gnugnun Yezu-Kristu ali ne kati egnu? Aliko, tubagni ko yug kaku lukwikilu ya gnu. ⁶ Kansi ndadjir memen ayajiagnu gnugnun sipikwon lukwikilu ve. ⁷ Opeane, sisama Nzeam djwi okwon nkiagni ata vim epwo. Epa ndasama djwi wayen silivear a wuo ve, kansi ndasama djwi okiakagni vii a wuo, ata wateyen kamsi sikwon lukwikilu. ⁸ Djwi sipikug nkie ata vim emog ve etun masonga, kansi sikii ko djwi na masonga. ⁹ Djwi atsasu ngya n'osiang yug kaku su na biu, kansi gnu, olagni na biu. Atsasu nsama mpi djwi otsagni ko nteang. ¹⁰ Vii afugn me ene djwi ndi etey na gnu, djwi ntangu eyayiame ondii omog ti gnu, mpafingnianga na biu vedjwi ekub eyimpii Nkum eli djwi motsugagni ondii omog kansi epa djwi na mpagna vear ve. ¹¹ Ntangu ene, atwung, yiagni n'osiang! Kiagni otshia djwi na ntsa nteang, yiagni na kikesa, yiagni wur emog gnug na gnug, pieragni na ngemba. Mby Nzeam e ngaagnti e ngemba asiyiande ti gnu. ¹² Peagni mbea gnug na gnug, peagni mua e santu. ¹³ Wasantu inkum watotumagni mbea. ¹⁴ Ngrasia e Nkum Yezu-Kristu, ngaagn e Nzeam ti ngaagn e Mpeve-Santu etsug nde vear ondii omog eyii ya gnu gnankum.