¹ Ndaleang otovaragni ivim obwunu eyim ya me ene.Omveyagni n'itura ignu wuo! ² Djwi ndi na dzua djwi na gnu. Ndi na dzua e Nzeam djwi na gnu, djwi molienagni wum emog. Apiime elaag moyegnagni etay e Kristu kamsi osig onkear eli kaku mbin. ³ Kansi ndi na womo oshin onkum, kamsi ndjua eyidjim nde Eva na waagn onde opwo, nginu ignu mpi ekatsa n'ikri, ekasapea okuongo ya Kristu. ⁴ Yug kamsi wur emog atiyia ondongagni Yezu emuu eli epa ndug eyolongagni su ve. Go kamsi omiveyagni mpeve emuu eli epa eyiivey gnu ve. Situbi mpi ata along ali epa eyiivey gnu ve. Veyagni vim ane wuo n'itura ignu. ⁵ Djwi, ndabansa epa ndi ne ngie e vear ayen kamsi wali ne dzug i wantumua ve. ⁶ Kansi ata mpikug na ntuba ne viy a vear ve, epa eli na vii a njia ve. Ne vim ankum ti n'oshin o nkum, okabagni su djwi ojiagni. ⁷ Nge akiime disumu ntangu emikrame memie djwi gnu oveanagni dzug? Djwi olongakagni me along a Nzeam ngor. ⁸ Akumime mvuru i Nzeam imuu djwi ndjir vim awo n'opeagni gnu. ⁹ Ntangu eyiime ne kati egnu ti na mpuy e vim, nkayia odzuru djwi na wur emog ve. Djwi vim ayike na mfunu eli atwung a Masedonia vear ampike. Ne vim ankum, nkaleang ngya odzuru ve djwi na gnu, mpi ayakiakame ko oshin onagn. ¹⁰ Kamsi masonga e Kristu eli ya me, omuong o wur epaleg mpama ve ne buu e Akai. ¹¹ Djwi na nge ? Eli djwi mpoleangagni ve? Nzeam ajia. ¹² Mpi vim akieme, ayakiakame djwi na ndima nginu iling wo nkie (wayen kamsi wakie otshia omog ti su). ¹³ Djwi vear oshin one wali wantumua ipuo, vear akie otshia oyang. Walekum kamsi wantumua i Kristu. ¹⁴ Enagn epa vii a ngituka ve, djwi satana ndemie atsande nkum wazio epea oveanga. ¹⁵ Epa vim e ngituka ko ve yug vear ande otshia mpi walekum vear otshia e masonga. Nsuka ewo ayayia wo ko oshin okiewo etshia ewo. ¹⁶ Ndakea ntuba, kaku wur emog ve engyen ndi obwunu, kansi yug eli oshin onagn, onveyagni kamsi wur obunu djwi mvey ivim i lokumu. ¹⁷ Etuba me djwi n'ekaagn emiyuo n'omuong, Nzeam apileang wog ve, kansi nda tuba kamsi obwunu. ¹⁸ Djwi vear entsign walevey lokumu ewo oshin oleang djung iwo, me ko asivey me lokumu. ¹⁹ Djwi gnu oleveyagni n'itura ignu ankea ibwunu n'osiang. Oleagni vear a waagn ne vi agnu ngemie. ²⁰ Djwi olejiragni wuo wur eloveyagni kamsi mpfumi, yug alevey ne dzin ignu, yug alayen ali ne dzug i gnu, yug olonangagni mbata. ²¹ Ndi na nsogn na ntuba memen kaku biu ya su ve. Eli oshin onagn, yug wur atuba n'omuong ( ndatuba kamsi wur ibuma), asituba me mpi n'omuong. ²² Wali vear a Yuda? Ti me mpi. Wali vear Israel ? Ti me mpi. Wali okuo e Abraham? Ti me mpi. ²³ Wali vear otshia e Kristu? (nda tuba kamsi obwunu). Epa ndi diaka obwunu ve. Ayikime n'etshia e biu entsign, ne wa bolog, n'isur eshin n'eshin, mbala entsign ko mbeama n'ewa. ²⁴ Ya waYuda, anang wo ankomo "Onign lima emog" mbala itean. ²⁵ Mbala isar anangikiwo mbor. Mbala emog ambug wo atari. Mbala isar adzig me ne vay. Akime eshu emog otshu ti mbiiy ne kati e vay anen. ²⁶ Akien me entsing, ayikime n'ondii e mpay ne vay, n'ondii o mpay ti ankea wumu, ondii o mpay ti vear a wiya su, n'ondii o mpay ti empaagn, n'ondii o mpay ne wiya enen, n'ondii o mpay ne buu e ndzum, n'ondii o mpay ne nzey enen, n'ondii o mpay ya atwung apwo. ²⁷ Ayikime n'etshia e biu ti ne mpay, ti etshu entsign ekavurakame luong, ti nziya ti mpuy e vay, ntangu enkum n'okio, ne mpio ti iyikwonikime ileam indwer. ²⁸ Mpi, ne mby e vim ane ankum, nshu inkum ayikime na ngy n'etura eme djwi na mvuru i Nzeam inkum. ²⁹ Nagn ekwon biu, yug epa me ve? Nagn emitum wur alog ne disumu, yug mpologo ne tshiya ve? ³⁰ Yug ekug mvey lokumu, asivey me djwi n'olem eme. ³¹ Nzeam Tea e Nkum Yezu, eli na lokumu e mvwe na mvwe ajia ndenden apa ndakie oyang ve! ³² Ne Damasi, nkum eli ne mby e vuy Aretas atsug nde vear na ndir wiya enen e vear a Damasi djwi wantshung me. ³³ Kansi wantsug neti osiana wa nkra ne madikisi (fenetre) n'epy e opeang, mby s'alur me ne mbwo inde.