¹ Sambu koso mfumu wu ba nganga Nzambi, ba solo ku batu, ba musianga mu kuhoyi mu zini di bawu mu nkati ka bimi bi tadidi Nzambi, mu pidi yi ku hana mbala mosi makabu we ku dihana mudiambu di ma sumu. ² Fwene ku songili kiese ku batu bana ba kondele yi mayele we ba baladidi nzili mudiambu yandi bene kene mutu wu kondo ngolo. ³ Mudiambu di bwa bunu, bunu ka hana makabu ma batu bene yi masumu, yandi bene pe ka hana makabu mudiambu di masumu ma yandi. ⁴ Kwaku mutu fwene ku disai ha kiziki kiakini ki dikumu, mana kwene Nzambi solanga batu buno kasolele Aloni. ⁵ Mu pidi yini Kidisitu ka di heloko di kumu sambu di yandi bene nganga Nzambi. Mana, Nzambi wu mu kembe : Wene mwana mene, leluki nkunimi tata nge. ⁶ Bunu ka hoyele dihiki ha kiziki ki hiki : we mfumu ba nganga Nzambi wu mvulu yi mvulu mulongo mosi we nganga Nzambi Melikisedeki. ⁷ Tangu ka kele ha nsi ntoto ka sambidingi Nzambi wunu fwene ka mu hulusu u difwa, yi ndingi ngolo, we mansanga ku mesu. Mana Nzambi ka hudingi bi sambu bi yandi sambu di mbunwandi yi bunkete ⁸ Ata ka kele mwana Nzambi mapasi makulu kamwene ka yebe ku mulemvukidi. ⁹ Bu ka kumini mutu wu bunkete fwene ka hulusu batu bakulu ba mu lemvukelele. ¹⁰ Nzambi ka musolele na nganga Nzambi wu mbutu mu mulongo Melekisedeki. ¹¹ Twene yi misamu mingi mi ku hoyi mu ma matadidi Yesu, mana kwene pasi muku lutendululu mudiambu lusimbaku yi kwanga misamu. ¹² Mana mu tangudi benu ba luzolele ku kuma milongi, lwene yi mfunu di hiki ka lu longo malongi ma ntete ma Nzambi. Lweku yi mfumu yi kudia bini bi kabala, mana lu fwene ba luheke mayenu. ¹³ Mutu wunu mwa kaka mayenu kene mwana nkeke ka fwenoko ku yaba misamu mi bunkete holo mi mbi. ¹⁴ Mana ba mbutu ba fwene kudia bini bi kabala. Sambu di ngolo za bawu ba yebe ku kabisi misamu mi bunkete we misamu mi mbi.