¹ Yi bwa bunu, lukebe holo mutu mosi mu nkati ka benu ka monoko kiziki ki kulembe we Nzambi. ² Mudaimbu nsangu sa bunkete batu kembe bunu ba kembe bawu. mana nsangu za ba sadisiku mu ba bakondele ku kala kiziki ki mosi mu kutambusulu we ba ba lemvukelele. ³ Mana betu ba tutambusele, kwene kaka betu tu koto mu kiziki ki yandi ki kulembe. Ata bwa bunu bi salu bi yandi bi kasadidi ke biwanisi ha ka sadidi nsi. ⁴ Mana ka hoyele kiziki kihiki mu mi mitadidi kilumbu kinsambwadi : Nzambi ka lembele mu kilumbu ki nsambwadi mu bisalu bi yandi bwakulu. ⁵ Ka hoyele di hiki ba koto mu kiziki ki mene ki kulembe. ⁶ Yi bwa bunu bunu ka ba swekidi batu ba hiki ba koto mu kiziki ki yandi ki kulembe, mana batu ba Nazaleti bengi ba wudi nsangu za bunkete mana ba koteloko mudiambu ba mu lemvekeleloko, ⁷ Yi bwa bunu, Nzambi ka sidi di hiki kilumbu ki batelanga na kilumbu ki lelu ki. Kumanimi, ma ba mvulu mengi Nzambi ka hoyelele mu muwa Tavidi, mi miene misamu lu hoyelenge ntete, na : ho lu wudi ndingi mene leluki, lukadieku mbundu zaka bala. ⁸ Mana Yoswa kele ba hele kiziki ki kulembe, Nzambi ka nka hoyiloko diaka kilumbu kihiki. ⁹ Bwa bunu, bu tuku songili na batu ba Nzambi ba lembe, ku lembe kunu balembe ku kala hoyi na ku lembe kunu ka nka lembe Nzambi mu kilumbu ki nsambwadi. ¹⁰ Mana mutu wukoto mu kiziki ki kulembe ki Nzambi ka koto pe mu biziki bi kulembe bi kisalu ki yandi, bunu kasididi Nzambi kisalu ki yandi ki kulembe. ¹¹ Mana tu sia kwanga mu ku koto mu kiiki ki yandi ki kulembe mudiambu ata mutu mosi ka bweku bii ba budi bawu mu mutwa ngolo. ¹² Mudiambu ndingi Nzambi yene moyi we ngolo mana yene we menu ku hioko mbele yi menu molo. Yi kotanga we munu nkati ka kiziki kiene moyi we pefi. Ti munu mumfwa we mu buwongo bu mimfwa. Nsangu zana za sambisanga nsala za mbundu za betu we ma banza ma mbundu za betu. ¹³ Kweku kini ki fwene ku swama ku mesu ma Nzambi. Mana, bia kulu bi monikanga ha penze ku mesu ma yandi. Kilumbu kiene betu kulu tusamba ku mesu ma yandi. ¹⁴ Mana mu diambu twene we mfumu wu ba nganga Nzambi wu wutuku kala ku zulu, Yesu mwana Nzambi, tu simbi ngolo kutambusulu ku betu. ¹⁵ Mfumu betu wu ba nganga Nzambi ka monga pe pasi ho betu tu budi mu masumu. Mudiambu mfumu ka mu mekene mu mfumu betu wu ba nganga Nzambi mu misamu miakulu bunu ka tu mekanga pe mu betu, mana kasadidi masumu. ¹⁶ Bwa bunu tukala yi kituyi tu sietuku bele bele ha kiti ki yandi ki di kumu diakulu, yandi katu wulu kiadi mana ka tu heke mamboti ma yandi mu diambu ka tusadisi mu tangu di pasi.