¹ ba pangi ba mene ba bunkete, bwa bunu twene yi mfunu yi ku banzanga misamu mi kizulu. Tumu banza Yesu, ngenzi we mfumu ba nganga Nzambi mu kutu sadisi muku tambusulu we mu malongi ma betu. ² Ka mu lemvukeleleku mu Nzambi, ka musidingi na Mose wu kele wu lemvukumu nkati ka nzo Nzambi. ³ Ti kumu di Yesu di lutidi mu dikumu di Mose, mudaimbu mutu wu tungu nzo kene yi dikumu dingi ku lutu ya bene nzo. ⁴ Mudiambu nzo yakulu ba yi tungu ku mutu, mana mutu wu tungu bimi biakulu kene Nzambi. ⁵ Tangu dihiki, Mose ka mu lemvukelelenge na kisadi mu nkati ka nzo Nzambi. Ka kele ki mbangi ki bimi biakulu bi bi nka kusu ku dise. ⁶ Mana Kidisitu kene mwana wunu wene mfumu mu nzo Nzambi. Twene nzo yandi ho tu kala yi kituyi, ho tu sia mbundu mu kubongo kimi ki tusilanga mbundu. ⁷ Bwabunu bunu ka hoyele pefi mulongo : Leluki na yudi ndingi yandi, ⁸ lu badisieku ma mbundu ma benu, na mu mizingu mu tangu di kumekama mu nseke yi kondo kimi. ⁹ Miakulu mi mikumi tangu ba kumini ba nkaka ba benu mutwa ngolo mu mbeke mene mu nkati ka ma mvulu maku maya, kele ba mwene bisalu bi mene. ¹⁰ Mana, Ke yi ba wudidi nkabu bandu yini yakulu. Yi poyele : Ba ya ladi mu mbundu za bawu mana ba yeboko nzili. ¹¹ Mana, yi kwende yi nkabu za mene ba kotoko mu nzo mene yi kulembe. ¹² Ba pangi, lu kebe, mudiambu ha nkati ka benu ha kadieku yi wu wene yi mbundu mbi wu wukondo kutambusulu, mbundu yi bisanga Nzambi wu moyi. ¹³ mana lu hana sana kiese benu yi benu bi lumbu biakulu, bunu ba hoyi bandiki ntama lelu ka kumu mutwa ngolo mana ka landa nzili masumu. ¹⁴ twe kini batu ba Kidisitu mipidi na tusidi mbundu ku yandi mu di yandiku ti ku nsuku. ¹⁵ Ba hoyele bu : Leluki na lu wudi ndingi yandi lusieku mutwa ngolo bunu lusidi ntete ha lubisidi. ¹⁶ Bana ba wudi misamu mi Nzambi mana ba mi lemvukeloloko ku keloko batu bakulu kalubwele Mose ku Ngipiti? ¹⁷ Bana ba mu wusisi Nzambi nkabu ma mvulu nkama iya ku kele ba sadidi masumu mana ba fudi munseke yi loko yi kondo kimi? Bana kasididi Nzambi nsilulu na lu kotoko ha kisiki ki mene ki kulembe, ku keloko ba ba kondele ku ndemvukile? ¹⁷ Tu mwene na ba koteloko mu kiziki ki yandi ki kulembe mudiambu ba mu tambuseloko.