Mana tangu di twene kudise, tu longanga malongi ma kimbutu, tu vutukidieku malongi ma ntete ma Kidisitu. Tu fwenoko tu vutukidi dihiki di yandikidi di malongi ma yandi. Lu yambulu bisalu bini bi natanga difwa we malongi ma kusia mbundu ku nzambi ² Kuwa malongi ma pidi yi pidi ma kuboti batu, ba kusia batu moko, malongi ma mana matedimisa batu mu difwa, we malongi mana mene sambu di kusambi kunu kasambi Nzambi batu muku ba batabulu nki pidi kazingi mutu yandikulu mvulu yi mvulu. ³ Tu sala misamu mia mini na Nzambi tu hele nzili. ⁴ Mana, Kwene pasi ku batu ba mufididi Nzambi mulombo, ba kele ntete batu ba tenuku. ba wudi bunkete mu misamu mi Nzambi, ba bongele pe kabu di pefi mulongo, ⁵ mana ba mwene nsangu za Nzambi zene za bunkete, bawu pe kele ba mwene misamu mi bi pelekese tangu kayala Nzambi nsi ntoto. ⁶ Mana tangu di, ba tuku ladisi ku tambu sulu ku bawu, pidi yeku muku ba bende na ba balulu mbundu za bawu dihiki. Mudiambu misamu ba tuku sala miene hoyi na ba zolele ba hondo hiki mwana Nzambi mbala yi zolo ha zulu di kulunzi, hoyi na ba zolele ba mu mwese nsoni ha mesu ma batu. ⁹ Ba pangi, ata tu hoyele bwa bunu, tu tukusia mbundu ku misamu mi bunkete mi tadidi benu, we mi tadidi ku huluku. ¹⁰ Mana Nzambi kene wu bunkete ka ladidioko bisalu bi benu we dizolo dini lu musongele, lu sadisingi ba pangi ba benu batu ba Nzambi mu zini di yandi we lelu ki. ¹¹ Tu zolele kaka mu nkati ka benu mutu yandi kulu kasia kituyi ti ku bunsuki mudiambu misamu mi tusilanga mbundu mi wana. ¹² Tu zoleloko na benu lukumu ba bolo, mana lu landa mbandu yi batu ba bongele mamboti ma Nzambi ma ka basididi lasi mudiambu bamu tambusele yi kituyi kiakulu. ¹³ Mana Nzambi tangu ka muhele lasi mu Abalayami ka sadidi lusilu mu zini di yandi bene, mudiambu mutu hiki wu mu lutidi yandi mu ngolo ka keloko. ¹⁴ Ka hoyele : Yi kusakumwene bungi kulutu, kanda di nge yi dikumisi dindi. ¹⁵ Mu bwa bunu Abalayami kele bongele bi ba mulakidi bu kasidi mbundu. ¹⁶ Mana batu basala lusilu ku mutu wunu ba hiokele. Kusala disilu kwene diambu di mosi di manisanga paka ha nkati ka batu. ¹⁷ Nzambi tangu ka songele bunkete bunkete batu ba bongo misamu mini ka sididi, misamu mini ka sididi misalamanga kaka bwa bunu, bwa bunu ka tabwele mu kusia kidimbu ki bunsuki. ¹⁸ Ka sadidi bwa bunu, mu bimi biolo ntu kondanga ku diemuku betu batu kwene kiziki ki kwe swama ku kene yandi, kwene yi kituyi mu kusimbi bu bunkete bunkete misamu mini tusilanga mbundu, misamu mini ka zolanga ku tu heke Nzambi ¹⁹ misamu mini tusilanga mbundu miene hoyi na kibendi kini ki kwatanga mwaswa, ki hana kituyi we ngolo mu mbundu za betu. Ha tu tuku kwende we kiziki ka swamanga Nzambi ku manimi ma mulele ku nzo yandi yi ku zulu. ²⁰ Yesu wu koto ku dise di betu, wu kumu mfumu ba nganga Nzambi wu mvulu yi mvulu mulongo mosi we melisedeki.