¹ Mana mpefu yi hoyawu wangala na mu kilumbu ki bunsuki ba ba hiki ba loso dikwikidi diawu di yi ba di hene mampefu ma loso batu we malongi mifu. ² Mu misamu ba kondele ku yaba mi bupala. Mu nkati ka mabanza mawu. ³ Ku ba babisidiwu mu bayakala bawu we mu ku kondo ku dia madia ma kasadidi Nzambi mu ku longo we mu ku vutusu matondo mu nkati ka Bakidisitu bana ba yiki we mabanza ma kiediki. ⁴ Mu diambu biakulu bi ka sadidi Nzambi biene bi bunkete. Mana kweku yi kimi ki mosi kini tu diawu na tu vutele matondo tu fenoko ku ki loso. ⁵ Mu diambu biakulu bi kumini bi kondo mvindu mu ndingi Nzambi we bisambu. ⁶ Ho wu longo bimi bi ku bampangi, kala kisadi ki bunkete ki Yesu Kidisitu. Ba dia madia ma dikwikidi we malongi ma bunkete ma wu longele. ⁷ Mana lu loso misamu mi mu nsi mutoto ba zolawu banketu bana banunu mana lu sia ngolo mu ku sla misamu mi bunkete. ⁸ Mana kituyi ki ba sia batu mu diambu di ku kumu ngolo mu lutu kieku we mfunu yingi, mana misamu mi bunkete miene musamu di bakulu mutu mu dizingu di leleu we mu dizingu di kusu. ⁹ Misamu mi miene mi kiediki we mi ku wana mu ku mi longo. ¹⁰ Mu misamu miamini tu mono we ku sala bungi. Mu diambu tu sia kituyi ku Nzambi wu moyi, wu wene ngulusu wu batu bakulu, nsidi nsidi ku ba mbele ba tambusulu. ¹¹ Hoyi bimi bi mana longo bio. ¹² Heku mutu ka lewulu kileke ki nge mana kala mbandu ku ba ba tambusulu. Mu ndingi, mu bifu, mu dikwikidi, ku mutu mbundu yi kaseme. ¹³ Tii yi kunu yi kusu, sia ngolo mu ku tanga, mu ku longawu we mu ku songidawu. ¹⁴ Yaku yambulu makabu mana wene mo ba ku hele, mu ndingi yi bangenzi, ha ba ku sidi moko ku bambutu. ¹⁵ Tala bimi bi. Zingi yi biawu mu diambu kwende ku dise ku batu bakulu. ¹⁶ Di kengidi ngebene we mu malongi maku, sia mbundu mu bimi biabini, mu diambu mu ku sala bwabunu, di wu di hulusu ngebene we bana ba ku wawu.