¹ Yi bwawu, bampangi ntu tuku lu heke ngolo we mu ku lu lombo mu nkati ka mfumu betu Yesu bunu lu longokele ku ntwene betu, nki mpidi lu fene ku kangala mu diambu di ku heke Nzambi kiesi; mana di diambu di lutidi lu tuku landa lu sala dihiki mamboti ma hiokele. ² Mana lu yebe nki minsiku ntu lu hele mu diambu di mfumu betu Yesu. ³ Mini miene dizolo di Nzambi, Yandi ka zolele ntu kala batu ba yndi ntu bisi misamu mi mbongi yi mvindu, ⁴ Mutu yandikulu kwene benu ka yaba bwe ka fene ku sweke lutu diandi mu ku kondo ku sala masumu we mu nkati ka dikumu. ⁵ Ka yambu ku di kaba mu manzala ma mbi bunu bene Bamimpani ba kondawu ku yaba Nzambi. ⁶ Mu misamu mi kweku mtu fene ka mu hunu mu mpangiandi holo ka mu sala mambi mana, mfumu ka hana ndolo ku ba mbele ba salawu misamu mini, ntu lu kambawu lu kebe mu misamu mini. ⁷ Mana Nzambi ka ntu teleloko ntu kala batu ba mvindu, mana ntu kala batu ba kondele mvindu. ⁸ Yi bwawu, wu loso malongi ka loseloko batu mana ka losele Nzambi wu hanawu mpefu yi kondo disumu. ⁹ Mu misamu mi tadidi dizolo ku ba kwenu, mfunu yi ku lu sonikini mu mukanda lo mu diambu Nzambi yandibene wu lu longo, mu ku zolosana benu yi benu. ¹⁰ Kwene bu bunkete, bwene bu bunkete bu lu salawu ku bampangi bakulu bene ku Masedwani. Mana ntu tuku lu longo, bampangi, lu sala dihiki ku hioko. ¹¹ Ntu tuku lu longo dihiki lu cha ngolo mu diambu lu zingi mpwetiwu, mu ku tala misamu mi tadidi benu yi benu, mu sala ku moko menu, bunu ntu lu kembe. ¹² Lu sala bwabunu, mu diambu di ku kangala bu bunkete mu nkati ka ba ba kondele dikwikidi mu diambu lu yaku kala we nzala kimi ki mosi. ¹³ Ntu zolele, bampangi, lu yaku cha mpaka mu diambu di batu ba fwa bana mu diambu lu yaku kala we kiadi bunu bene batu bana ba kondawu ku mu sidi mu Nzambi mbundu. ¹⁴ Mana ho tuku tambusulu na Yesu wu fwa mana wu vumbuku, kwene bwabunu dihiki, bwabunu mpe Nzambi ka ba nata we Yesu bakulu bana ab fudi we yandi. ¹⁵ Mana tala, betu ntu lu kambawu mu ndingi mfumu, na betu ba ntwene yi moyi ba ntu hingidawu ku vutuku ku mfumu, ntu kaloko ku dise di bakulu bana ba fudi. ¹⁶ Samu we yandi bene mfumu katuku ku zulu. Ka kusu we ndingi yi mfumu mambasi, we mvudi mvudi yi Nzambi mana ba ba fudi mu Yesu ba vumbuku batu ba ntete. ¹⁷ Di ku manimi betu ba ntwene yi moyi, ba ba sele ntu kala kiziki ki mosi mu kwende ku zulu mu matuti mu kwe kutana we bawu yi mfumu. ¹⁸ Yi bwawu ntu kalawu tangu diakulu yi mfumu. Lu longosanawu benu yi benu mu ndingi yi.