¹ Yi bwawu ntu kukidoko ku kasa mbundu, ntu benze na ku kala bu bunkete ntu sala ku Ateni . ² Ntu lu hitikidi mpangi Timatio, mpangi betu ka lu heke ngolo we ku siamisi mu diambu di dikwikidi di benu; yandi mpe kene kisadi ki Nzambi. ³ Ntu zoleloko na mu nkati ka benu mutu mosi ka lembe mu diambu di mpasi lwene zo. Benu benu lu yebe na ntu fene ntu mono mpasi za. ⁴ Ma musamu, tangu ntu kele yi benu, ke ntu lu kembe na ba ntu heke mpsi, mana mi salamene bwabunu. ⁵ Yi bwawu, bunu yi kondele mene ku kasa mbundu, yi lu hitikidi Yimatio mu diambu kese tala dikwikidi di benu. Mbenge i hana mufu wusu lu meke, mana kisalu ki betu kiende ki nkatu. ⁶ Mana, Timatio, ka tukidi ku lwene benu wusu vutuku ku ntwene betu. Ka ntu kembe misamu mi bunkete mu diambu di ku tambusulu ku benu we dizolo di benu. Di bene yi mfunu yi ku lu mono di hiki, bunu ntwene betu we mfunu yi ku lu mono. ⁷ Yi bwawu bunu, bampangi, mu nkati ka mpasi we ku niokama kwakulu kunu ntu tuku niokama ntu bongele ngolo mu diambu di ku tambusulu ku benu. ⁸ Di mambundu ma betu ma kulumukini, mu diambu benu lwene yi ngolo mu nkati ka mfumu Yesu. ⁹ Nki mpidi ntu fene ku mu heke Nzambi matondo mu diambu di benu? Mu diambu ntu bese yi kiese ku mesu ma yandi mu diambu di benu. ¹⁰ Mpibi yi muni ntu tuku sambidi yi kikese kiakulu ka ntu heke nzidi yi ku lu mono dihiki, mu diambu ntu wanisi misamu mini mi kondele ku tambusulu kwene benu. ¹¹ Yandi bene Nzambi tata betu, we mfumu betu Yesu, ba sala na betu ntusu ku lwene benu. ¹² Yambulu mfumu ka lu heke ngolo we ka lu basisi we dizolo mu benu yi benu we batu bakulu, bwabunu ntu sala betu mu diambu di benu. ¹³ Ka lu heke ngolo, mu diambu lu kala batu ba kondo masumu we ba ku fana ku mesu ma Nzambi tata betu, kilumbu ka vutuku mfumu betu Yesu yi batu ba yandi bakulu.