¹ Di tangu di, bampangi mu misamu mi tadidi tangu we nsungi lweku yi mfunu ba lu sonikini . ² Mu diambu, lu yebe bu bunktete bunkete na kilumbu ki Nzambi ki kusu nga mufi mu mpibi. ³ Mu tangu ba hoyi," Mpweti we ku kondo ku wa bomo, "Mana ba kusu hondo bimi we ku kondo ku kuyaba bawu. Ka kala nga mpasi za ku butu ku munketu wu kifundu. Ba fenoko ku tini. ⁴ Mana benu, bampangi, lweku mu mpibi, mu diambu kilumbu kiene kisi lu kwatw makoso nga mufi. ⁵ Mu diambu lwene benukulu bana ba muni we kilumbu. Betu ntweku bana ba mpibi. ⁶ Mana ntu yaku nimi nga ntu yaku nimi kilu. ⁷ Mu diambu,ba ba nimawu kilu, ba nimawu mu mpibi, we ba ba nwa malafu ba nwawu mu mpibi. ⁸ Mana, mu diambu ntwene bana ba muni, ntu kala we ngolo; ntu vata nsibu yi dikwikidi we yi di zolo, we mpu yi kibendi, we kivuvu ki ku huluku. ⁹ Mu diambu Nzambi ka ntu sadidoko mu ku wa nkabu, mana mu ku bongo ku huluku ku mfumu Yesu Kidisitu. ¹⁰ Kene wu fwa mu diambu di betu, mu diambu ata ntu tuku tala holo ntu tuku nimi, ntu zingi kiziki ki mosi we yandi. ¹¹ Yi bwawu, lu hanasana milongi we ku hanasana kikese benu yi benu bunu lu salawu kala kala. ¹² Ntu lu lombele, bampangi, lu yaba ba ba tuku sala ha nkati ka benu bawu bene ku zulu di benu mu nkati ka mfumu mana bawu ba tuku lu heke milongi. ¹³ Ntu lu lombawu dihiki lu kala we dizolo di vulu ku bawu mu bisalu bi bawu lu kala mpweti benu yi benu. ¹⁴ Ntu lu lombele, bampangi, lu ba kamba ba ba zingawu mu kisaka saka, lu ba heke kikese ba ba lembe, lu yaku ba yambulu ba ba lembele, lu kasa mbundu mu diambu di batu bakulu. ¹⁵ Lu kebe, mu diambu mutu ka yaku vutulu mbi ku mu kwenu mana lu landamisamu miene mi bunkete benu yi benu ku dise di batu bakulu ¹⁶ Lu monawu kiese tangu diakulu. ¹⁷ Lu sambidawu tangu diakulu. ¹⁸ Lu vutulawu matindo mu misamu miakulu. Mu diambu bunu diene dikanu di Nzambi ku Yesu Kidisitu mu diambu di betu. ¹⁹ Lu yaku zimi mbawu yi mpefu. ²⁰ Lu yaku lewulu ndingi Bangunzu. ²¹ Mana lu tomo tala kioso kimi lu tatimini ki kiene ki bunkete. ²² Lu bisi mambi ma mpibi yakulu. ²³ Nzambi wu mpweti ka lu kumisi batu ba yandi, ka lu sweke mu mbundu, mu mpefu we mu lutu diakulu mu diambu lu yaku sala ata disumu di mosi kilumbu ka kusu mfumuYesu Kidisitu. ²⁴ Wu wu lu telele kene mutu kondawu ku hunu mana yandi sala. ²⁵ Bampangi, lu sambidi mpe mu diambu di betu. ²⁶ Ba heke mboti bampangi bakulu we mboti yi munwa. ²⁷ Yi lu lombele mu zini di mfumu lu ba tangidi bampangi bakulu mukanda wu. ²⁸ Ymbulu mamboti ma mfumu betu Yesu Kidisitu ma kala we benu.