¹ Ke pengujung iya, menyade, rami gaga meh kita alam Tuhan. Aku nda leju betando nulehke utae to age kita, laban utae to pulai ke penyamai kita. ² Bejaga ari sida udok, iya nya urang ke ngereja penyae, bejaga ari urang ke besayatke tubuh. ³ Laban kitae teo urang ke nerima tutus ke amat, ke nyembah Allah Taala alam Roh, ke temegahke dire alam Yesus Kristus, alu nda manggaike dire ba utae ke dikereja ba tubuh, ⁴ taja pan aku bise kebuah temegahke utae ke dikereja ba tubuh aku. Enti urang ngumbae dire bise kebuah temegahke utae ke dikereja ba tubuh, aku mayoh age kebuah: ⁵ Aku ditutus leboh umur aku lapan hari, Aku urang Israel, ari raban bansa Benyamin, urang Ibrani ke diadaike urang Ibrani. Nyadi ba pasal Adat,aku urang Farisi, ⁶ Ba pasal pengangkun aku ke Adat, aku udah merinsake jemaat. Ba pasal diau lurus ba baroh Adat, aku nadae penyalah. ⁷ Tang semua penguntung te udah uleh aku suba, diato dikumbae aku pengerugi magang, ketegal Kristus. ⁸ Lebih agi ari nya, aku ngira semua utae pengerugi magang enti dibandingke nggau utae te lebeh agi beguna, iya nya nemu Yesus Kristus Tuhan aku. Ketegal Iya, aku udah muai semua utae, alu ngira semua utae nya sampah magang, ngambeke aku tao bempu Kristus, ⁹ alu diau alam Iya, ukae ngembuan pengelurus ke aku mpu ke datae ari Adat, tang pengelurus ke datae uleh pengarap ke Kristus, pengelurus ke datae ari Allah Taala, ke bepun ba pengarap. ¹⁰ Aku ingin deka nemu Kristus, sereta nemu kuasa pengangkat Iya ari mati, alu sama nggau Iya ngasaike pemerinsa Iya, alu nyadi sebaka nggau Iya alam pemati Iya, ¹¹ ngambeke, enti uleh, aku diangkatke idup baru ari mati. ^{12 13 14} Bup Kudus Pilipi 3:12-14 Ukai reti nya aku udah bulih semua utai nya, tauka udah datai ba adan. Tang aku majak bebendar ngulihka prais nya, laban Kristus udah bempu aku. Menyadi, aku ukai ngumbai diri udah bulih prais nya. Utai ti dikereja aku nya, aku badu agi ngingatka utai ti udah, lalu bebendar ngulihka utai ti di mua. Aku majak belanda terus ngagai adan, ngulihka prais, iya nya kangau Allah Taala, ulih Jesus Kristus, ke mai aku ke serega. ¹⁵ Awakke semua kitae ke besai tuai sebaka runding nggau pangan dire. Alu enti rundeng kita nda sebaka, Allah Taala deka mega madahke nya age kita. ¹⁶ Tang aram kitae bepegai tegoh ba utae te udah uleh kitae. ¹⁷ Menyade, awakke kita sama nggau urang bukae nunda teladan aku, alu peratike sida ke nunda teladan te udah dibere kami age kita. ¹⁸ Laban, munyi te suah udah dipadahke aku age kita, alu diato aku madahke nya baru age kita nggau ai mata, mayoh urang nyadi munsoh regang Kristus. ¹⁹ Sida nya deka dirusak. Perut sida nyadika petara sida, alu sida temegahke utae te patut dikemaluke sida. Sida nguingke rundeng sida age utae dunya. ²⁰ Tang kitae to peranak serega, alu kitae nganti Juruselamat kitae datae ari serega, iya nya Tuhan Yesus Kristus. ²¹ Iya deka ngubah tubuh kitae ke lemi to, ngambeke iya nyadi sebaka nggau tubuh Iya Mpu te bemulia, ngena kuasa te dikena Iya ngasoh semua utae nunduk age Iya magang.