¹ Bup Kudus Pilipi 2:1-2 Nya alai enti kita berasai diperansang laban kita begempung enggau Kristus, enti kita berasai lantang laban pengerindu Iya, enti kita bisi kaul enggau Roh Kudus, enti kita nelap sereta siru enggau pangan diri, ² awakka kita ngenyukupka pengaga ati aku: awakka kita sama sepenemu, rinduka pangan diri, besetuju sereta sebaka runding enggau pangan diri. ³ Anang ngereja utae semina berundengke dire mpu aja, taoka bepun ba ati te ka ngenyumbungke dire, tang enggau ati ke baroh, meruan ngumbae urang buke lebeh agi ari kita. ⁴ Anang semina berundengke dire mpu aja, tang berundeng meh ke urang bukae. ⁵ Gaga runding kita sebaka enggau runding Yesus Kristus, ⁶ Taja pen Iya endang Allah Taala tang Iya nda ngumbae dire sebaka enggau Allah Taala, ⁷ tang Iya ngelekake semua nya, alu ngaga Dire nyadi budak, adai ngena gamal mensia. ⁸ Iya ngemarohke Dire, alu ngasi nyentok ke mati, sampai mati ba kayu regang. ⁹ Nya kebuah Allah Taala ngangkatke Iya tinggi alu meri Iya nama te ari atas semua nama, ¹⁰ ngambeke leboh nama Yesus disebut, semua utae ba serega, ba dunya enggau ba dunya te di baroh, besugang magang, ¹¹ alu semua dilah deka ngako Yesus nya Tuhan, ya ke mulia Allah Taala te Apai. ¹² Nya kebuah, menyade ke dikerinduke aku, baka kita ke udah meruan ngasike aku, ukae semina leboh aku begulai nggau kita, tang kelebeh age leboh aku nda begulai nggau kita, awakke kita bekereja nggau ati te nangi sereta getar-getar ngenyukupke pengelepas kita; ¹³ laban Allah Taala ke bekereja alam kita te ngasoh kita deka sereta uleh ngereja utae te ngerinduke ati Iya. ¹⁴ Anang mayoh jako taoka becekeh leboh kita ngereja semua utae, ¹⁵ ngambeke kita nyadi anak Allah Taala ke nadae bepenyalah, tuci, nadae penimpang, leboh kita diau begulae nggau urang ke jae sereta bedusa, ke ndur kita mancar baka bintang ba dunya to. ¹⁶ Enti kita bepegai tegoh ba jako ke mere pengidup, nya baru aku, leboh Hari Kristus, tao bemegahke dire ke nda lebu ngapa kereja. ¹⁷ Tang enti sema darah aku dituang kena genselan persembahan ke pengarap kita, ati aku gaga alu sama rami gaga ati nggau semua kita, ¹⁸ baka kita ke gaga alu sama rami gaga ati nggau aku. ¹⁹ Enti Tuhan nulung, aku ngarapke dire uleh ngasoh Timotius nemuai age kita nda lama da age, ngambeke ati aku lantang leboh aku ninga berita pasal kita. ²⁰ Aku nadae urang bukae ke baka iya, ke deka balat ibohke pengelantang kita. ²¹ Semua urang bukae semina berundingke idup dire mpu aja, ukae berundingke kereja Yesus Kristus. ²² Tang kita nemu pemesai guna Timotius ba aku, pasal iya ke sama bekereja nggau aku nusi Berita Manah, baka anak ke nulong apai. ²³ Nya kebuah aku ngarapke dire uleh ngasoh iya nemuai age kita, sepengelengkas aku nemu gaya pengidup aku dito; ²⁴ alu aku ngarapke Tuhan deka mega ngasoh aku mpu nemuai age kita nda lama da age. ²⁵ Tang aku ngira dire patut ngiromke age kita menyade aku Epafroditus, ke sama kereja nggau aku, sereta sama nyadi tentara nggau aku, ke nyadi seruan kita nulong aku, ²⁶ laban iya lelengauke semua bala kita, alu udah irau ati laban iya nemu kita udah ninga pasal iya ke nda dapat. ²⁷ Iya endang amat udah sakit, alu nyau deka mati. Tang Allah Taala udah kasihke iya, ukae semina kasihke iya, tang kasihke aku mega, nggai ke ati aku kelalu tusah. ²⁸ Nya kebuah aku majak age keran deka ngasoh iya nemuai age kita, ngambeke kita rami gaga betemu nggau iya baru, sereta ngambeke aku kurang agi irau. ²⁹ Nya kebuah, sambut meh iya alam Tuhan nggau ati te gaga. ³⁰ Alu beri meh basa ngagai semua urang ke baka nya, laban iya nyau ka mati bekereja ke Kristus, berambunke nyawa ngarike kita nemboke kereja kita ba aku.