¹ Saulo wakalinga mucipangano alufwu lwakwe. Aano bweeka buzuba akatalika mapenzhi anene kulwana cikobelo cakalinga mu Jelusalema; bashomi bakaandana mumasena oonse azhingulukile Judaya alimwi a Samalia, kwakashala boo batumwa. ² Basakwa bakalyaba bakamuzhika Sitefani akulila kapati. ³ Peele Saulo wakacilwana kapati cikobelo; wakaya kaya bunjila mung'anda uumu amumu kaya butanda basakwa abamakaitu, akubabika mutolongo. ⁴ Peele bashomi bakamwaishiwa bakaya kabaya bukabauka mazwi. ⁵ Philipo wakaya mudolopo lya Samalia akukabaukila baabo chrisito. ⁶ Buunga yabantu niyakavwa akubona zhitondezho zhakacita Philipo, Bakabatama boonse kuli cakalinga kwaaba. ⁷ Myuya mibyabi yakavwa kubantu baanji bakalinga kupezhewa, kulila cakoongolola alizhwi, alimwi baanji bakalinga kuyuminine abalema bakaponezhewa. ⁸ Kwakaba kukondwa kunene mumuzhi. ⁹ Peele kwakalinga musankwa mudolopo wazhina lya Simoni, wakalinga kucita zhabulozhi; wakalinga kukankamanisha bantu bamu Samalia, akulyaba kuti wakalinga muntu usupukile. ¹⁰ Basamalia boonse, kutalikila kumushoto kushikila kumunene, bakabatamina nguwe; Bakaaba,''Musankwa uuyu ulicite ngunzu zha Leza zhinene.'' ¹¹ Bakamutelela, nkaambo wakaba kankamanisha kwaciindi cilaafwu kwiinda mubulozhi bwaakwe. ¹² Peele niba kamushoma Philipo buli bwakalinga kukabauka makani mabontu abwami bwa Leza aliina lya Jesu chrisito, baka babazhiwa, boonse bamakaintu abasankwa. ¹³ Alwaakwe mwini Simoni wakashoma, nakamana kubizhiwa wakakalilila a Philipo.Nakabona zhitodezho a milimo minene yakalinga kucitika, wakakankamana. ¹⁴ Aano batumwa baku Jelusalema nibakatelela kwaaba baku Samalia batelela mazwi a Leza, bakabatumina Petulo a Johani. ¹⁵ Nibakashika, bakabapailila, kwaabayi batambule muya usalala. ¹⁶ Kushikila kuciindi ico, muya usalala kautaninga shika kuli umwi akati kaabo; bakabizhiwa bo muliina lya mwami Jesu. ¹⁷ Petulo a Johani bakabika maanza pali baabo, amane bakatabula muya usalala. ¹⁸ Aano simoni naakabona kwaaba muya usalala wakalinga kutabulwa kwiinda mukubika maanza abatumwa, wakabaapa maali. ¹⁹ Wakaaba,'' amundipe ngunzu inzhi, andime, kwaamba kufwubwa ngundabika lyaanza katabula muya usalala.''