¹ Mumazuba ayo mbubakalikuya buvala bashiciiya, kutongauka kwaba Juuda baku Girisi kujatikizha ba Hebulayo, kaamba kakuti bamukabafu kabatalanganizhigwi muzhidi zhakuvola zhakulya zhabuzuba. ² balikumi abobile bakaida mabunga aba shiciya akwamba ati, "tacili cibotu kulidiswe tulileke lizwi lya Leza akutalika kwaaba zhakulya. ³ Aboobo mulezhi kusala, bakwesu, basankwa bali musanu abobile kuzwa akati kenu, basankwa bacite puwo ibotu, bazwile Muuya alimwi abacite busongo, butwelele kusala akambo aaka. ⁴ mbuli iswe, tulazumanana mukupaila amukotola mazwi." ⁵ Mukwamba kwabo bakakondezha makamu onse. bakasala Sitivini,musankwa uuzhile lushomo a Muya Uusalala, antomwi a Filipo, Prokoro, Nikanora, Timo, Parmena, Nikolao, mushomi wakavwa ku Antiokeya. ⁶ Ibashomi bakabaleta aba bamasankwa kubatumwa, bakakupaila akubika maanza alimbabo ⁷ Ono lizhi lya Leza lyakazumanana akuyandilila, a mweelwe yabashiciya yakavula mu Jerusalama a mweelwe minji yabapaizhi bakashoma. ⁸ Ono Sitivini, wakazwile luzhalo a nguzu, wakali kucita zhikankamanisha a zhitondezho pakati kabantu. ⁹ pesi kwakabuka bamwi bantu bakali baku sinagogi iitwa ati sinagogi yabantu baangulukile, baku Sailini, aba Alesandreyo, alimwi abamwi baku Kilikiyo aku Asiya. aba bantu bakalikukazhanya awalo Sitivini. ¹⁰ pesi tibakacikozhi kuzundana abusongo a Muuya gwakalinga kwamba awalo Sitivini. ¹¹ Ano bamwi bamasankwa bakabaula makulo kwamba ati "twakamunva Sitivini ulamba mazwi aakusampaula Masa a Leza." ¹² Bakabakalazha bantu, balune-nene, bakamba, abamayi bamulawo, amane bakamushiki Sitivini akumujata akumuleta kulubeta. ¹³ bakaleta bamakamboni babeshi,bakamba, "oyu Muntu tacileke kwamba mazwi aakusampaula busena ubu busala amulawo. ¹⁴ nkaambo twakamuvwa kaamba ati uyu Jesu wa Nazareta ulakunyonyona busena ubu alimwi akucinca tulengwa twakapa Musa." ¹⁵ Boonse bakalishite mulubeta bakamulangisha bakabo ciwa caakwe ca mbuli ciwa camungeli.