¹ Pesi saulo, kachaamba zyakuyoosha zyakujaya kubashichiya ba mwami, wakaya kumupaizyi munene ² amana wakamulomba mangwalo aku sinagogo mu Damasica, kwamba ati na ajane kufumbwa wa munzyila iyi, naa musankwa naa mwanakazhi, inga wabaleta kabaangilwe kujelusalema, ³ Nakalinga kwenda, chakazyi kujanika ati nakashika afwifwi ku Damasica, peenka apo mumuni wakamunika kuzwa kujulu poonse mpwakalinga; ⁴ Amana wakawila paanshi akutelela izwi kalyaamba kuli nguwe,'' Saulo , Saulo, nchinzyi nchuuto kumpenzyela?'' ⁵ Saulo waamvwila,'' Ndiwe ni, Omwami?'' Mwami wakaamba ndime Jesu ngutokupenzha; ⁶ Pesi nyamuka, njila mu dolopo, amana ulaambilwa nchuuyelele kuchita.'' ⁷ Bamasankwa bakauka a Saulo bakaimikana kubula shakwaamba, kuteelela izwi, pesi kutabona muntu. ⁸ Saulo wakanyamuka paashi, amana nakajalula meenso akwe, taaku nchakalinga kubona; amana bakamujatilila ku lyaanza akumuleta mu Damasica. ⁹ Kwamazuba otatwe taaku nakalinga kulanga, naa kulya olo kunwa. ¹⁰ Ono kwakalinga shichiya ku Damasica wakalinga kwiitwa Ananiasi. Mwami wakamwambila mu chilengano,'' Ananiasi !'' wakaamba,'' langa , ndiwaano, Mwami.'' ¹¹ Mwami wakaamba kuli nguwe,'' nyamuka, amana uunke kukanzyila kaitwa kuti ka suumene, alimwi akung'anda ya Judasi ubuzye musankwa uzwa ku tasasi wiitwa Saulo, nkaambo utokupaila. ¹² Wabona muchilengaanon musakwa wiitwa Ananiasi kanjila akubika lyaanza lyakwe alinguwe, kwamba ati alange alimwi.'' ¹³ Pesi Ananiasi wakaingula,'' Mwami, ndakateelela ku baanji zyijatikizya musankwa uyu, bubyabi mbwaakachita kubantu banu basalala mu Jelusalema. ¹⁴ Ulichite nguzu kuzwa kumupaizyi munene kujaya kufumbwa muntu aano wiita azhina lyanu.'' ¹⁵ Pesi mwami wakaamba kuli nguwe,'' koya, nkaambo nchisebenzesho chisalilwe kuli ndime, ¹⁶ kunyamuna zyina lyangu ku bamasi abami abana ba izilaili; nkaambo ndaa kumutondezha mbwaelele kupenga nkaambo kazyina lyaangu.'' ¹⁷ Amana Ananiasi wakazwa akunjila mung'anda. kubika maanza akwe palinguwe, wakaamba,'' mukwesu Saulo, mwami Jesu, wakabonekela kuli ndiwe muzhila niwakalinga kuza, watuma kwaamba ati utalike kubona akuzuzhiwa amuuya usalala.'' ¹⁸ Peenka apo chimwi chintu mbuli maamba chakalika kuzwa mumenso a Saulo, amana wakatalika kubona ; wakanyamuka amana waka bizhiwa; ¹⁹ amana wakalya alimwi wakaba aanguzu. Wakakala abashichiya mu Damasica kwa mazuba maanji. ²⁰ Peenka apo wakaamba zha Jesu mu sinagogo, kwaamba ayi mwaana wa Leza. ²¹ Boonse bakamuteelela bakakankamana akwaamba,'' saa uyu musankwa taashi wakanyonoona balya mu Jelusalema bakalinga kwiita pa zhina ilyi? Waza kuno kubabweza kabaangilwe kubatola kuba paizhi banene.'' ²² Pesi nguzu zha Saulo zhakaindilila, amana wakaleta bukandu pakati paba Judah bakali kukala mu Damasica mukutondezha kuti Jesu ngu Klisitu. ²³ Kwiinda kwamazuba maanji, ba majudah bakakanza antomwe kumujaya. ²⁴ Pesi makanze abo akazhibika kuli Saulo. Bakalindilaila milyanga mashikati amashiku kwamba ati bamujaye. ²⁵ Pesi ba shichiya bakwe bakamubweza mashiku akumwiinzha munshi lyabwaanda kabamubikile mumuntaanga. ²⁶ Naakaza ku Jelusalema, Saulo wakeelezha kusangana abashichiya, pesi boonse bakali kumuyoowa, akutashoma kwamba ayi wakalinga shichiya. ²⁷ Pesi Banabasi wakamubweza akumuleta kubatumwa, amana wakabaambila mbuli Saulo mbwakabona mwami munzhila amana ati mwami wakamwaambauzha, ambuli mbwakaamba chakutayoowa Saulo ku Damasica muzhina lya Jesu. ²⁸ Wakabaswanganya nibakali kunjila akuzwa mu Jelusalema. Wakaamba chakutayoowa muzhina lya mwami Jesu ²⁹ akukazhana aba Juda baku Gresha; pesi bakaindilizha kweelezha kumujaya. ³⁰ Bakwabo nibakazhiba, cheechi bakamuleta ku cicela akumutuma ku Tasasi. ³¹ Kuzwa wawo, zhikombelo koonse ku Judaya, Galileya, aku Samaliya bakaba aluumuno amana zhakayzkwa; akweenda chakuyoowa mwami alimwi akuumbulizhigwa kwamuuya usalala chikombelo chakakomena mu mweelwe. ³² Ono chakashika chiindi chakuti, Petulo naakalinga kweenda masena oonse, wakaza akunselelo akwalo kubashomi bakalinga kukala mu dolopo lya Lida. ³³ Kulya wakajana musankwa azhina lya Eniasi, wakalinga pabulo bwakwe kwamyaka lusele nkaambo wakalinga kuyuminine. ³⁴ Petulo wakamwaambila,''Eniasi, Jesu klisitu wakuponya. Nyamuka uyale bulo bwako,'' amana penka apo wakanyamuka. ³⁵ Alimwi woonse wakalinga kukala mu Lida amushaloni bakabona musankwa amana bakaya kumwami. ³⁶ Ono mu Jopa kwakalinga shichiya imwi wakali kwiitwa Tabita, isandululwa kuti ''Dolika''. Uyu mwanakazhi wakalinga kuchita nchito zhibotu anchiito zhankumbu nzhaakachitila bachete. ³⁷ Chakashika chiindi mazuba ayo wakachiswa akufwa; nibakamusanzha, bakamooneka muchipinda chapajulu. ³⁸ Nkaambo Lida yakalinga afwafwi a Jopa, amana bashichiya bakatelela ati Petulo wakalingako, bakatuma basankwa bobilo kuli nguwe, kumukombelezha,'' koza kuli ndiswe chakufambana .'' ³⁹ Petulo wakanyamuka akuya abalo. Naakashia, bakamuleta kuchipinda chapa julu, abamukambafu boonse bakaimikana awalo kabalila, kaba mutondezha zhisani nzhaakaba tungila Dolika naakalinga abalo ⁴⁰ Petulo wakabakusha boonse muchipinda, wafugama, akupaila; amana, naakalanga kushule kwakalinga mubili, wakaamba,'' Tabita, nyamuka.'' ⁴¹ amana wakajalula menso akwe, mukubona Petulo wakakala. Amane Petulo wakatambika lyaanza lyakwe akumunyamuna; amana naakayita bashomi abamuka bafu, wakabapa kali muumi. ⁴² Aya makani akamvwika kujopa koonse, abantu baanji bakashoma mumwami. ⁴³ Chakajanika kwamba ati Petulo wakala kwamazuba mu Jopa amusankwa wiitwa Simoni, musuki wazhipaya.