¹ Paulo wakabalanga cakutonkomana bashi kubeteka ulamba, "nubakwesu, ndakapona kabotu, kubushu bwa Leza kushika buzuba," ² mupaizhi mukando Ananiya wakalailila abo bakacinga kuwiinvyi kulinguwe ati bamuume kamulomo. ³ Aboobo Paulo wakamba kulinguwe, "Leza ulakuuma, uwe ubwanda butuba, sa mwakala kumbeteka ku mulawo, nowalalila kwamba ngumwe, takulikusotoka mulawo?" ⁴ aabo bakalinga kwiimikene munshi lyakwe, "mbuwatukana mupaizhi munene wa Leza?" ⁵ Paulo wakamba, "nkaatazhi, nobakwesu, kwamba mupaizhi munene. nkambo kulilembelwe, citambi cibyabyi ku mwendelezhi wabantu bako." ⁶ Paulo nakabona ati cibeela cimwi ca babeteshi mba Saduki, alimwi bamwi mba Farisi, wakamba cakunyamuna lizwi mu nkuta, "bakwesu, ndimu Farisi mwana wabama Farisi. nkambo bo kakwamba ndikwete bulangizhi nbumwi bwabubuke bwa bafu ncindabetekelwa." ⁷ nakamba ubu kukazhanya kwakatalika kuba Saduki aba Farisi aboobo imbunga yakandaana. ⁸ Nkambo ba masaduki balamba ati kwiina bubuke, naba baangelo, alimwi kwina moza, pele ba Farisi balaavumina onse. ⁹ ono kuzwangana kunene kwakatalika, alimwi balimbi bamwi bakalibalubazu lwaba ma Farisi bakanyamuka akukazha bamba, "kwina cilubile ncitwayana kumuntu uuyu.ino na Muuya naba Mungelio wamba kulinguwe?" ¹⁰ nikwakaba kukazhana kunene, ¹¹ Buzuba bwaka cilila mwami waimikana kufwafwe anguwe akwamba, "utalondi, nkambo mbuli mwapa bumboni bwangu bmu Jerusalema,mbowelele kupa bumboni a mu Roma." ¹² nibwakaca, bamwi ba Juuda bakapanga muzezo a kwita lutuko alimbabo kushomezha kutalya a kutanwa cili conse kushikila bamujaye Paulo. ¹³ kakuli bantu bainda kumakumi one bakapanga muyeyo uyo. ¹⁴ Bakaya ku bapaizhi banene aku bamaalu akwamba, "twalibika tobeene mulutuko lunene, kutalya cili conse mane tumujaye Paulo. ¹⁵ Ono, aboobo, babeteshi abatume mupolisa munene amulete kulindimwe, mbuli ati mulanda kutelela makani aakwe. kabotu, uswe tulilibambile kumuyaya katanaa kuza kuno." ¹⁶ pele mwaana wamucizhi wa Paulo nakatelela kwamba balalindila cabubeshi,wakaya kunjila mug'anda akumwambila Paulo. ¹⁷ Paulo wakaita uumwi wabanene akwamba, "tola uyu mwana musankwa kumusololi munene wabashikalumamba uli cite cakwamba kuli nguwe." ¹⁸ ubobo munene wakatola mwana mulombe kumunene wabashikalumamba akwamba, "Paulo mwange wanjita kulinguwe, akundomba kuti ndete wezu mwana mulombe kulindiwe. uulikwete cakwamba kulindiwe," ¹⁹ munene wabashikalumamba wakamujata palyanza akumutola kumbali wamubuzha, "ncinzhi ncuucitu cakunshimina ²⁰ Mwana musamkwa wakamba, "ba Juuda bazuminana kukulomba kuti ukabatolele Paulo ijilo kunkuta, mbuli kuti balanda kubuzha makani kukwatikizha kambo kakwe. ²¹ pesi utakamupi kulimbabo, nkambo kuli bantu bainda ku makumi wone batokubeja balindila nguwe.baita lutako alimbabo, kutalya nakuba kunwa nibatana kumujaya. olo ono balilibambile, balalindilabo mbuti baambile." ²² Ubobo munene wabashikalumamba wakaleka mwana musankwa waya, nakamana kumulailila, "utambili naba omwe kuti wanshimina aya makani." ²³ Anene wakaita bamanene bobile akwamba, "amubweze bashikalumamba bali myanda yobile mulibambile kuyaka Kaisareya aba shimabbila mbali makumi Osanwe awobile, abamasankwa bashimasumo bali myanda yobile. mulanyamuka kuwoola lyatatu lyamashiku. ²⁴ wakabalailila akuti babambe banyama mbati atante Paulo, akumutola kabotu kuli Felikisi mwendelezhi. ²⁵ Amane wakalemba lukalata lwakuti: ²⁶ Kilaudiyasi Lisiyasi kumwendelezhi ulemekwa Felikisi, ndakwanzha. ²⁷ uyu muntu wangwa aba Juuda alimwi balayanda kumujaya nindakaya abashikalumamba ndakamuvuna, nkambo ndakazhiba kwamba mu Rooma. ²⁸ ndakayanda kuzhiba ncibamupela mulandu, ndakamutola kunkuta yabo. ²⁹ ndakazhiba kuti wa kaakupewa mulandu ujatikizha mibuzho yamilawo yabo beni, pesi kuti kakwina kambo alinguwe nkaelede kufwila naaba kwangwa. ³⁰ Amane ndakazhibishigwa kwamba kuti kakuli muzezo kubantu, abobo cakufwambana ndamutuma kulindiwe, akulailila bashikumutumikizha kwamba balete makani abo kujatikizha nguwe kulindiwe. ushaale kabotu." ³³ abobo bashikalumamba bakalemeka malailile. bakabweza Paulo mashiku akumutola kuli Antipatilisi. ³² buzuba bwakacilila, bashikalumamba baanji bakajokela kwabo bapa bashimabbiza kuya anguwe. ³¹ Bashimabbiza nibakashika Kukaisaleya akupa lukalata kumwendelezhi, bakapa a Paulo kuli nguwe. ³⁴ mwendelezhi nakabala inkalata, wakabanzha cinkoswe Paulo nkaazwa. nakazhiba kuti ngwa ku silisiya, ³⁵ wakamba, "dakateleshesha bashikukutamikizha baza kuno," amane wakalailila kuti akwabililwe kumanda a mfulumende ya Herodi.