¹ Ono, Fesitasi wakanjila mu chinkoswe, amane mazuba otatwe, wakaya kuzwa ku Kaisaleya kushika ku Jelisalema. ² Mupaizhi munene aba Juda ba chinene-nene bakaleta milandu ijatikizha Paulo, amana bakamukombelezha ³ akumulomba choolwe chinga chabika Paulo muchilijazho kwamba ati Fesitasi inga wamwiita ku Jelusalema kwaamba ati bamujaye munzhila. ⁴ Fesitasi wakaingula ati Paulo wakalinga kujatilwe ku Kaisaleya, alimwi ati walo mwiine nkwakali kuya onoono. ⁵ '' aboobo, abo banga bachikonzha,'' wakaamba,'' baye andiswe. Naa kuli chalubila amusankwa, mumupe mulandu.'' ⁶ Fesitasi taku nakakala mazuba lusele naa ali kumi amana wakaanka ku Kaisaleya, amane buzuba buchilila wakakala muchuuno chalubeteko akwamba ati Paulo aletwe kulinguwe. ⁷ Nakashika, bama Juda bakazwa ku Jelusalema bakaimikana pafwafwi anguwe, amane bakaleta milandu yakushinikizha njibatakachite abumboni. ⁸ Paulo wakalikwabilila akwaamba.'' skindalubizhila mulao waba Juda naa kulubizhila Tempele naa kulunizhila Kaisala.'' ⁹ Pesi Fesitasi wakalinga kuyanda kuba a choolwe chaba Juda, amane waka mwiingula Paulo akwaamba,'' saa ulayanda kuya ku Jelusalema akuya kubetekwa andimw pazhintu izhi?'' ¹⁰ Paulo wakaamba,'' ndayiminina pa chuuno chalubeta cha Kaisala punjelele kubetekwa. Taaku mu Juda ngunda lubizhila, mbuli bweenka mbumuzhi kabotu. ¹¹ Pesi naa ndalubizha alimwi naa ndachita cheelele lufu, shikaki kufwa. Pesi naa kutamikizha kwabo taaku mbukubele, taaku ushiampe mumaanza abo. Ndalamba mbetekelwe kuli Kaisala.'' ¹² Fesitasi naakamanizha kwaamba abashi lubeta, wakaingula,'' wayanda kubetekwa a Kaisala.Kuli Kaisala nkushi uye!'' ¹³ Ono nikwakainda mazuba, mwami Agilipa a Benice, bakashika ku Kaisaleya kuswaya mwami Fesitasi. ¹⁴ Nakakala kulya mazuba maanji, Fesitasi wakaleta mulandu wa Paulo ku mwami; wakaamba,'' Umwi musankwa wakashiyigwa kuno a Felixi nkali mwaange. ¹⁵ Nindakalinga ku Jelusalema , ba paizhi banene a banene bama Juda bakaleta milandu ijatikizha uyu musnkwa kuli ndime, amane bakalomba lubeteko lwakumupa mulandu. ¹⁶ Ndakabayingula ati tachili chiyanza zha ba Roma kupa muntu shikubejezhegwa kaatana aku bonana aba bejekezhi bakwe akuba achiindi chakulikwabilila mukamwini ku mulandu. ¹⁷ Nikuba boobo, nibakaza antomwe kuno, taku nindakalindila, pesi buzuba buchilila ndakakala mu chuuno chalubeta amane ndakaamba ati aletwe musankwa mukati. ¹⁸ Bashi kumupa mulandu nibakanyamuka akumupa mulandu, ndakayeya ati kutwaambo tonse ntubakaleta kujatikizha nguyo taku kakalinga kamashipe. ¹⁹ Pesi, bakachitee kukazhanya anguwe mukupusana kwabukombi bwabo alimwi amusankwa umwi wazhina lya Jesu wakafwa, walo Paulo ngwaamba ati muumi. ²⁰ Tindakazhiba mwaku vuntauzhila makani aya, amana ndakamubuzha naa ulayandishisha kuya kubetekwa ku Jelusalema pa makani aya. ²¹ Pesi Paulo nakalomba kuti bamusunge kabachilindila muzeezo wa munene-nene, ndakamwaambila ati asungwe kushikila nkamutume kuli Kaisala.'' ²² Agilipa wakaamba kuli Fesitasi,'' andime ndayanda kumutelela uyu muntu.'' ''Ijilo,'' Fesitasi wakaamba,'' ulaakumuteelela.'' ²³ Ono buzuba buchilila, Agilipa a Benici bakaza mu chaanda aba shilumamba alimwi abasankwa balunene ba mudolopo. Fesitasi nakaamba, Paulo wakaletwa kuli mbabo. ²⁴ Fesitasi wakaamba,'' mwami Agilipa, andimwe moonse basankwa muli papano andiswe, mwamubona uyu musankwa; imbunga zhonse zhama Juda zhakamvuntauzha mu Jelusalema akokuno, alimwi bakaamba chakoongolola kuli ndime kwaamba ati tayelele kuba muumi. ²⁵ Ndakazhiba ati taaku chibyabi nchaachita cheelele lufu; pesi nkaambo wakalomba kutolwa kuwalunene-nene, ndakayeya kumutuma. ²⁶ pesi shichite chine chine chakulemba kuwa lunene-nene . Nkaambo ka chachi, ndamuleta kuli ndimwe, chamaningi kuli ndiwe, mwami Agilipa, kwamba ati njane zhinji zhakulemba pa makani aya. ²⁷ Tachiboneki kabotu kuli ndime kutuma mwaange akutaamba mulandu ngwachite.''