¹ Nitwakaya kuvwa kuli mbabo amane twanjila mubwato, twakalulama kuya ku dolopo ya cos, amane buzuba bucilila ku dolopo lya Rhodes, kuvwa awo ku dolopo lya Patara. ² Awo nitwakayana bwaato buvwa ku Phoeniila, twakanjila akuya. ³ Nitwakamana kubona Cyprus, twakaibika kulumweshi lwa bwaato, twakaya ku Syria amane akuzhima ku Tyre, kwalo bwato nkubwaali kugusha katuundu. ⁴ Nitwaamana kuyana bashiciya, twakakala okuya kwa mazuba amusanu abili. kwiinda mumuya ngubakwete kutankanya Paulo kuti ataunki ku Jerusalema. ⁵ Mazuba eesu nakamana, twakavwa akutalika kweenda, amane boonse, abanakazhi babo abaana, kabashindikilwa kuvwa mu dolopo. Tumane twakafugama anshi kumbali kwa lweenge akupaila, ⁶ amane twakalazhanya kuli umwi aumwi weende kabotu. Amane twakanjila mubwaato, akuzhoka kumaanda. ⁷ Nitwakamanizha lweendo kuvwa ku Tyre, twakashika ku Ptolemais. Okulya twakaazhanya abakweesu akukala ambabo buzuba bomwi. ⁸ Mubuzuba bucilila twakeenda akuya ku Caesala. Twakanjila munganda ya Philipu, muvangeeli, wakakuli wabamwi bamusanu abili, akukala anguwe. ⁹ inzho wezu musankwa wakakukweete banakwe banakalindu balinga kushinshima. ¹⁰ Mbuli mbutwakala okuya kwa mazuba, kwakeza umwi mushinshimi waku Judeya walizhina lya Agabus. ¹¹ Wakeza kulindiswe akubweza mukopo wa Paulo. Andiyo wakaanga mampata akwe a maanza amane wamba,'' mbuwamba moza usalala, ' Aboobo bama Juda mu Jerusalema mboyakwaanga musankwa mukamwini mukopo wezu, amane bala mwaba kumaanza abamashi.''