¹ Ano nobakaiinda madolopo ama Amphipolisi alimwi apollonia, bakaza mudolopo lya ma Thesalonica, kwakali sinagogo lya ma Juda. ² Paulo, buli cilingwa cakwe bucakabele, bakaya kuli nguwe, alimwi buli mansabata otantwe bwapandulula abaamba kuzwa mumagwalo. ³ Wakali kwanjalula magwalo akubapandulwila cakali kucozeka muchristo kupenga akubuuka alimwi kuzwa mulufu . Wakati,'' uyu Jesu ngundamutondezha ngu christo.'' ⁴ Bamwi bamajuda bakashinikizhingwa kusangana a Paulo alimwi a Silasi, kubika mweelwe munji wa Devoti Greek, alimwi kutali bamakaintu bashooto basololela. ⁵ Ano bamajuda batashomi, bakatalika kweenda amunyoono, kubweza bamasankwa mumishika bamwi batalomeni, kuswanganya kabunga atomwi, akubamba dolopo mu Uproar. Bakatalika kunyoganya ng'anda ya Jasoni, bakuyanda kuleeta Paulo alimwi a Silasi kubantu. ⁶ Ano nobatakabanjana, bakabweza Jasoni abamwi bakwambo kubedelezhi ba dolopo, kabalila,'' abasankwa bibakatola cishi panshi bashika akokuno. ⁷ Jasoni bambasankwa bakatabula basontoka milazho ya kayisala; bakaba kuti kwali ubi mwami-Jesu.'' ⁸ Mabunga alimwi abedelezhi badolopo bakanyonganizhingwa nobakatelela zhiitu azhi. ⁹ Ano bedelezhi nabakamana kulipilisha Jasoni boonse bakalipila maali bukwabilizhi, ano bakabaleka bakaya. ¹⁰ Mashiku bakwabo bakatuma Paulo alimwi a Silasi kuya ku Berea. Nobakashika okuuya, bakanjila mu sinagogo yama Juda. ¹¹ Ano ababantu bakalikulemekwa kwiinda bakali mu Thesonica, nobakabula njwi yakabanyonganya mizeezo yabo boonse, kulingula magwalo abuzuba kwababane kute sa zhitu bozhakabele. ¹² Aboobo bunji bwabo bakashoma, kubikilizha bamakaitu bamwi bacigreek abasankwa banji bashikuyunga. ¹³ Ano bamajuda bamu Thesolonica bakaiya kwaba ati Paulo awalo wakalikutola mulube waleza ku Berea. Bakaya okuya kunyonganya buunga. ¹⁴ Mponyaponya, bakwambo bakatuma Paulo kuya kulwizhi, ono Silasi alimwi a Timoti bakakala kuya. ¹⁵ Abaabo bakali kusololela Paulo bakatola kulafu buli kudolopo ya Atheni. Nobakamusiya Paulo okuya, bakatabula malaile kulinguwe a Silasi alimwi Timoti kuti bafwabane kushika cakuntamuka. ¹⁶ Ano Paulo kacibalindia mu Atheni, muuya wakwe wakanyonganizhingwa mulinguwe kuvula kwazhibubwa mu dolopo. ¹⁷ Ano wakatelesha musinagogo abamajuda abamwi bakalikukomba Leza, abaabo bakali mumishika abakali kunjanika mukati. ¹⁸ Ano bamwi basongo baku Epikuleya aku Sitonica bakamunjanikizha. Bamwi bakati,'' ano mubwelembwezhi waamba nzhi?'' bamwi bakaaba,'' ulalibonya buli wabamwi wiita bantu kutobela tuleza tupya,'' nkaambo wakali kutola mulumbe wa Jesu alimwi akubuka kwakwe. ¹⁹ Ano bakamubwezha Paulo akumuleta ku Areopagusi, bakamba kuti, atukuzhibe kwiiya kunyowana nkuwa kali kukabauka? ²⁰ Buwakali kuleta zhitu zhinyowana ku mantwi esu. Aboobo, twadakuzhi eezhi zhitu chozhamba.'' ²¹ [Ano boonse ba Atheniani alimwi abeenzu bakala kuya kubelezha ciindi caabo cabuyo ano abweni kwabaula na kuswilila zhimwi zhinyowana.] ²² Ano Paulo wakaimikila akati kaba Areopagusi wakati,'' imwe nobasankwa ba Atheni, ndabona kwaba kuti mulikasipe muzhi iliyoonse. ²³ Nondainda muusi alimwi akubona bupaizhi bwenu, ndakayana cipaililo icilembelwe kuti,'' Eci ncica-Leza uutazhizhilwe.'' muyanazhi mukupaila kwakutazhiba, eci ndacamba kuli ndimwe. ²⁴ Leza wakalenga nyika azhoonse zhilimukati, bwali mwami wanjulu anyika, takali mucikobelo ciyakwa amanza. ²⁵ Nekuba kufutulwa amanza amuntu, aboobo kuli cakali kuyanda , nkaambo mukamwini ngumpa buumi kumuntu akuyoya alimwi azhimwi zhoonse. ²⁶ Kuzwa kumuntu omwi wakabamba maashi oonse abantu kupona atala anyika, wakabika zhiindi alimwi munyiza wazhiindi zhawo, ²⁷ kutengwa balangaule mwani Leza kuti kumwapazha akumunjana. Aboobo talikulaafu andiswe. ²⁸ Nkaambo tuponena mulinguwe akweenda mulinguwe alimwi akuba mulinguwe, bubwena bulibabwi banu bashi twambyo waaba,'' Andiswe tulibana bakwe.' ²⁹ Aboobo, buli botuli bana ba Leza, tatuelele kuyeeya kuti zhintu zhitasalali zhili buli Golide, naka Siliva, naka zhibubwa zhakabambwa amububi alimwi amizeezo yamuntu. ³⁰ Aboobo Leza ulazhilanga buyo zhiindi zhakutazhiba, pasi ono walailila bantu boonse kuti basanduke. ³¹ Nkaambo kakuti wabika buzuba mbwati kabeteke inyika mubululami a muntu ngwakasala. Leza wakapa cishomyo kumulombwana kuli boonse kwiinda mukumubusha kuvwa kubafu.'' ³² Ono basankwa baku Afeni nobakatelela bubuke bwabafu, bamwi bakasabula Paulo; pesi bamwi bakamba,'' Tuyakukutelela alimwi kumakani aya.'' ³³ Kumane bobo, Paulo wakabasiya. ³⁴ Pesi bamwi basankwa bakamusangana akushoma, kubikilizha a Dionisiyo mu-Areopagi, amukaintu utegwa Damali, abamwi mbobakali abo.