¹ cakacitika kuli mu ikoniya Paulo a banabbasi bakangila antomwe mu sinagogi yabama Juda akubandi cakuti imbungano inkando yabama Juuda a ba magitiki yakashoma. ² pele ba juda bakaakutalilemeka bakanyonganya mizeezo yabamashi akucita kuti bakalalile bamakwaabo. ³ batumwa bakakala uko kwenka ciindi cilanfu, bakambauka cakutalonda mu nsana sha Leza, walo watondezha mulumbe wa luse lwakwe. wakacita ici mukupa zhitondezho a zhiyosho zhelede kucitwa a Paulo amlimwi a Bbanabbasi. ⁴ pele banji mudolopo bakaandana: bamwi bakaba lubazu lwabamajuda,abamwi kuba tumwa. ⁵ Ono bamashi aba Juda bonse nibakasoleka ka cilila basololi babo kati babapenzhe a kuuma mabwe ba Paulo a Bbanabbasi, ⁶ bakaazhiba ayo akulobokela ku Likaoniya lisitila akudebe, akumizhi imwi yakakuzhungulukile, ⁷ akwalo bakakambauka makani mabotu. ⁸ Ku lisitila kakuli musankwa umwi, katacite inguzu ku mampata aakwe, mulema kuzwa mwifu lyabanyina, watakaakwenda. ⁹ Oyu musankwa wakanyufwa Paulo kabandika. Paulo wakamulangisha akubona kuti alicite lushomo lwakupona. ¹⁰ Abobo wakamba kulinguwe cakongolala, "nyamuka a amapata aako."amane musankwa wakasotoka a kwenda enda. ¹¹ Mabunga abantu nakabona ncakacita Paulo, banyamuna mazwi aabo, bamba muci Lycaonia, "ba Leza batuselukila muciimo ca bantu." ¹² bakaita Bbanabbasi ati "Zeus," Paulo, "Hermes," nkambo nguwakakwinda kukambauka. ¹³ Ba paizhiba Zeus,balinga kucite Tempele kunze lya dolopo, bakaleta basune amaluba ku mulyango; walo amabunga mabunga abantu baalinga kuyanda ku pa mutasilo. ¹⁴ Pele batumwa Bbanabbasi a Paulo nibakavwa ay, bakazapaula zhakusana zhabo a akufwambana kuya kuma bunga bolobezha ¹⁵ akwamba, "nobalombwana nkambo nzhi mulacita zhintu izhe? adiswe tulibo bantu amalimvwe mbwena mbuli ndikwe. Twamuletela makani mabotu, kwamba muvwe kuzhintu izhi zhabuyo akuya kuli Leza uupona, wakpanga Majulu a Nyika, alimwi a lwenge a zhonse zhili mumo. ¹⁶ mumisela yakainda, wakazumizha mashi wonse kwenda muzhiyanza zhabo. ¹⁷ Pele nokuba ubo, taku nakaleka kupa bumboni, mukucita kabotu akumupa imvula kuvwa Mujulu azhindi zha micelo, kuzuzha myozo yeno zhilyo a kukondwa." ¹⁸ nokuba kumazwi aya, Paulo a Bbanabbasi tibakalesha mabunga kubatuulila cituzho. ¹⁹ Pesi ba Juuda bamwi ba ku Antiyoki aku Ikoniya bakasungilizha Mabunga. bafusa mabwe Paulo akumukwelela ansengwe lya muzhi, bamba ambweni wafwa. ²⁰ pele bashiciiya kaba cimikene kuzhinguluka nguwe, wakabuka akunjila mumunzhi. buzuba bwakacilila wakaya ku Debe a Bbanabbasi. ²¹ nibakakambauka makani mabotu mumazhi ulya akupanga bacilili baangi, bakazhoka ku Lisitla, aku Ikoniyo,aku Antiyoki. ²² bakazumanana kuzumyazumya myuuya ya bashiciiya akubakulwaizha kukakatila mulushomo, bamba, "ingu twanjila mubwami bwa Leza kwinda mumapenzhi manji," ²³ nibakasala bamaala mu mbungano shonse, bapaila akulimya, bakabapa kumwami, walo ngobakashoma. ²⁴ amane bakainda mu pisidiyabashika ku pamphylia ²⁵ nibakabadika likwi mu Pega, baselemuka kuya ku ataliya. ²⁶ kuzwa uku bakakwasala kuya ku Antiyoki, nkobokabilwa kuluse lwa Leza kumulimo ngobakaona. ²⁷ Nibakashika mu Antiyoki, akubunganya imbungono antoomwe, bakamba, a mbwakasalala mulyngo wa lushomo kuli bamashi. ²⁸ bakakala ciindi cilamfu a bashiciya.