¹ Muciindi eciya Heloda mwami wakabika maanza alimwi baku Tempele kwamba ati abapezhe. ² Wakamuyaya Jacobo mukwaabo Johani alipanga. ³ Nakabona kuti eeci chabakondelezha ba Juda, wakazumanana aku mwaanga Petulo awalo. chakakuli ciindi ca zhinkwa zhiina mamena. ⁴ Nakamana kumwaanga wakamubika muntolongo, wakabika bashilikani bali bone kuti bamulindilile, wakayeeya kumuleta kubantu yamana ipobwe lya pasika. ⁵ Aboobo Petulo wakakala muntolongo, pele mupailo kuli Leza wakapewa chakutaleka kuvwa kubantu mucikombelo. ⁶ Mashiku alya Heloda katana akumuleta kulubeta, Petulo wakulele akati kabashikalimamba bobilo, kaangilwe ancetani zhobile, abalo bashikalumamba baali kumulyango kabalindilila intolongo. ⁷ Amulange, mungeli wamwami wakabonekela alinguwe, mumuni wakamweka muntolongo. Wakamwaampa Petulo kulubavu akumubusha wamba,'' Buka cakufwambana,'' amane inketani zhakawa kumaanza akwe. ⁸ Mungeli wakamba kuli nguwe,'' kosama amane ubike aimpato zhako.'' Petulo wakacita oobo. Mungeli wakamba kulinguwe,'' kosama chibaki chako chatala wamana undicilile.'' ⁹ Aboobo Petulo wakacilila mungeli wakavwa asengwe. Wina nakazhiba ati chakacita mungeli chali chacobeni. Wakali kutelaika mbuli kuti uli mucilengaano. ¹⁰ Nibakamana kwiinda amushilikani wakutanguna awabili, bakeza kuchitendele chaceela icitola kuya dolopo; chakajaluka ice. Bavwa asengwe amane baya muzhila yomwi ngoona awo mungeli wakamushiya. ¹¹ Awo Petulo nakazhiluluka, wakamba,'' inzho ndazhiba chobeni ati mwami watuma mungeli akunkusha mumaanza a Heloda, azhoonse ba Juda zhibali kulangila.'' ¹² Nakazhiba eeci, wakaya kunganda ya maria banyina Johani, alimwi walizhina lya Maako, kwalo koko bantu kuba kabungana baali kupaila. ¹³ Nakakokomona amulyango, mushimbi muzhike waklizhina lya Rhoda wakeza kwiingula. ¹⁴ Nakalizhiba izwi lya Petulo, mukukondwa wakaalilwa kujalula mulyango; walo, wakeza lubilo munganda; wakambilizha kuti Petulo ulizhimine amulyango. ¹⁵ Bakaamba kulinguwe,'' ulicinkukile.'' Pele wakazumanana kuti mbocibele. Bakaamba ati,'' Mungeli wakwe.'' ¹⁶ Pele Petulo wakazumanana kukokomona, amane nibakajalula mulyango, bakamubona amane bakayoowa. ¹⁷ Petulo wakaamba kuli mbabo alyaanza lyakwe kuti baumune, amane wabambila mwami mbwa kamugusha kuvwa muntolongo. Wamba,'' mwambilizhe zhintu eezhi kuli Jacobo abakwaabo.'' Amane wakeenda akuya kubusena bumbi. ¹⁸ Nibwakacha, kwakakwina kunyonganyizhiwa nokuba kushoonto abashilikani kuli chakacitika kuli Petulo. ¹⁹ Nakamana Heloda kumukapaula akutamuyana, wakababuzha bashilikani akubaambila ati bajaigwe. Amane wakatola kuya ku Judaya kaya Caesala akukala okuya. ²⁰ Ono Heloda wakakalala maningi kubantu baku Tyre aku Sidoni. bakaya kuli nguwe antomwe. Bakamukombelezha Blatus, mugwashilizhi wamwami, kuti abayovwe. Amane bakalomba lumuuno, nkaambo cishi chabo cakatambula zhakulya zhabo kuvwa kucishi ca mwami. ²¹ Mubuzuba bwakabikwa Heloda wakasama, zhisani zhabwami amane wakala acuna cabwami; wakamba kaambo kuli mbabo. ²² Bantu bakapunda,'' leli ndizwi lya mizhimu, kutali muntu!'' ²³ Chakufwambana mungeli wa Leza wakamwaampa, kaambo kakuti takamulemeeka Leza wakaliwa amaumba amane wakafwa. ²⁴ Pele izwi lya Leza lyakayungizhiwa akuvula. ²⁵ Ono barnabas a Paulo nibakamana mulimo wabo, bazhoka ku Jerusalema, bakaletelezha a Johani alimwi waalikwitwa kuti Maako.