Pasal 9
Saulus bertobat
1
Samo Saulus etemo mblaohe nenofei naro ancaman sop etut pari enofe natun-natunri Tuhan, pelao te neliry iman dwahe.
2
Sop ehian a wali renmat ofna wi ebope sinagoge ren Damsyik aen hofa saet et erome nanta aan sop snanyak e ebope rara mat, fia pra yama wanita, et aiten aitama fendumat sop dibelenggu di Yerusalem.
3
Senam et penalil, it menhalil ama raruk se Damsyik, sop heswis-heswis peletes mela ren ono tani enam par it eyal i.
4
Saet elot ihi selmale sop of lari rori saet esra,"Saulus, saulus ensam pana et yam mifei ya fe tes yau.
5
Saulus ehi mtare," ut hanta, tuan" et sop esrak yat Yesus saet ut wifei ya fetes.
6
Ut sop etiak aha sop ahilok sao sop ut sop esrak ri ensan pana saet dem yam nenafei.
7
Tamtori-tamtormal sop ritilut ao saet Saulus etuen belemat sop.
8
Saulus etuen sel male sop endudem nohofa hop camama fraha fok et tap arom endu-endu es, saet tamtori-tamtormal sop ritoe recilok ren Damsyik.
9
Saet senam waheto toul Saulus tap lahap arome sop sen tap anpana sop amus rani.
10
Saet samo ea enon tamtormal natun rimat ren Damsyik, ebeh Ananias. Tuhan esrak e ebope warilon en peli," Ananias saet Ananiasesrak e tit yau Tuhan.
11
Saet Tuhan esrak e ebope, " etiak aha sop ao den rara mal ridete rara ofarnar en nihi limu Yudas hopape toamtu Tarsus saet ebeha Saulus saet sop arome tomtu et eno fei mesou.
12
Saet sop delyak iten endu es peli enofe tomtu tes ebe hat Ananias omap sop madedi a hae sop uma arom ere.
13
Sop Ananias boufe Tuhan yat sop delyak yiflau ren tamtori sefa renofe tamtori matit sefa rifei ehla saet emon et ofeinari en Umat Kudus mat ren Yerusalem.
14
Saet en nihi tit ebema kuasa renon imam-imam dobri sop membelenggu penyek sehe tamtor mal saet rihim ebe ha.
15
Aem sop, Tuhan esrak erer ebope, Aonar ae nofe yae non yafei sop yofir ut aitau ube namtam saet aem tanir ya fendu-fendu he lus aen raj-raja aen nofe fendu Israel.
16
Sae yau sop yi fnau u ebape saet sefa et sesya omnas mori saet ube ham.
17
Saet Ananias etiak sop ehilok en limu haet sop enohofa it obon naha Saulus malalo afo et esrak lafukri Saulus Tuhan Yesus sop tani fnauri ren warilon rahe nel marima het saet riyak ar aen sop yam atit arome en sop daen saet fanggomu onty.
18
Saet samamat et ema enofetes nofe ina winu-winu elot ren corima na en saet item sop erome enoro samo mat sop et etiak ah sop ranis ripal.
Saulus dalam lingkungan saudara-saudara
19
Saet pana rindel yak Saulus tendir biluhe et ritulut natun ri natun rima ren damsyik samo waheto nu nai.
20
Saet sisya et it salil Yesus tani fenti ren sinagoge-sinagoge saet sop esrak Yesus enontam Arpames benatun.
21
Penyek tamtormal roflae rahe swis sop resrak, saet sop en tit enon Yerusalem atut prari fendumal ritoma ha et sop enon oma enhi tit saet fanggomu fei uroma enan warilon terbelenggu en tanirya imam-imam dobri.
22
Saet sop Saulus enofe nofei bilu sop ofei nari tamtori-tamtori Yahudi mat renon ihi Damsyik saet enon nofei nari ribope Yesus saet Kristus.
23
Saet fone nenen waheto tamtori-tamtori Yahudi fenti ente he ritilut sop riom nas enom Saulus.
24
Saet fenti aen tehe fendumat sop riom nas enom Saulus fendumat ritite ramtan-ramtan gerbang waheto sop pam saet sop fendumat aite sop ri afun pare.
25
Saet sop natun-natun ri Saulus ritoma aen samo pani sop ritra besrus e ritri cole enon tembok saet rit ramarak e rifuhe e warilon rihoren keranjang.
26
Saet Saulus etu ini Yerusalem et ofei pela lak aen ri saet ri naturi murit saet sop penyek sehe ne nari bope en tap snanyak ebope et enan natun ri.
27
Samo Barnabas etak ae ne Saulus sop ri toe ribope para rasul saet resra kebope fendumat endu enohofa et sop Tuhan en wariolon rara emblahe enebope Tuhan saet esrak ebope, saet endut enohofa be monna saet esrak en warilon ha Yesus en Damsyik.
28
Saet Saulus ritilu-ritilu renon fendumat momna warilon ha Tuhan.
29
Sop esrak en fates lo saet tamtori helenis, saet fendumat rife tare ri afum pare.
30
Samo mat saet lafunri-lafunri se iman rom nase enak mat tit fendumat ritok oporihi Kaisarea et sop rikispar ao Tarsus.
31
Saet sop jemaat ren penyek sehe, Yudea et Galilea etso sama rima romna se fia sop ren rate tiak aha sop renoon warilon nenari rifele Tuhan saet warilon fenggomu omtu edali fendumat molohe fesa sefa he.
32
Samo tes saet Petrus eyale penyek wilayah saet ema eyalpar ri tamtori-tamrmal kudus rir renon en lida.
Petrus menyembuhkan Eneas dan membangkitkan Dorkas
33
Reno et rerome tomtues mal ebe hat eneas saet dohri toat.
34
Saet Petrus esrak e ebope Enias Kristus Yesus ite e etia kaha omnyak mar pele ehuhar " Saet sesyahe et ema eneas etiak aha.
35
Saet penyek tamtori mat renon lida sop sarom rilome sop fendumat resrispar ribope Tuhan.
36
Samotes saet en Yope, enon tamtues natu mofnimat ebe hat Tabita saet eno rihim ridale Dorkas et daen enon fei fia yaure urfilas.
37
Saet waheto-waheto he enofei et mehai rit sop oper nofa saet tamtori-tamtormal enrahe lose Fendumat rim ta wene ruang yatse.
38
Saet lida enon en raruk se Yope para naturi, saet sop roflae ebope Petrus e nom en to ekispar tamtori lu atak ao Petrus ri memohon ribope. Baen fentit ahoe ao arh pele mim.
39
Saet Petrus etiak aha ritilut ao fendumat saet atuahi fendumat ritomae Petrus en ruang yat se penyek sehe samiryam rifaren Petrus tanirya at sop retine saet sop rop fraw oleh Dorkas samo tes semomat et enon ritilut ren fendumat.
40
Samo Petrus eyaari Fendumat penyek sehe ramarak sop dobri tot sop refei mesou, saet sop rirome ribope Tabita pare en sop resrare Tabita etiakaha saet mofnimat comana fafok erome Petrus maros enhaet.
41
mat dedi aha et ebope ut sorok e etiak aha et ornawe ebope Tabita etiak aha.
42
Saet endumat sop nenile fenti penyek se fedwahe en Yope sop sefa tamtormal rasnanyak e ribope Tuhan.
43
Saet Petrus tani fei dapar matan en Yope ritilit tamtormat ebe hat Simon tontu mat Penyamat wali.