¹ Saet Saulus sop boufri Stefanus rifun pare et, aen waheto it tes rifeiye, sare mat dwahe nofei ri jemaat ren Yerusalem et sop fendumat penyek rofris riona-riona Yudea sop Samaria et ribe para rasul. ² Rilus tamtormal saleh ribon Stefanus et itoma rer ratapanmat saet dwahe enofe haet . ³ Saet sop Saulus ofetar ri pelatut jemaat sahet ahil aentimu- limuhe et yaokri, tamtormal-tamtormal sop am fendumat yau oktari fendumat rem kawalimu. di Samaria ⁴ Saet fendumat sop ri rofris riu riyale renon sop esrak e fenti alo. ⁵ Filipus opor en sao mat Samaria saet esrak enon enohofa Kristus. ⁶ Saet tamtormal sefa saet fituafo tehe riarome ensan paet be filipus esrak enon fendumat rioflae sop ria rome fare-fare ajalo mat sop pelafei. ⁷ Sae roh-roh fetes danrok ri tamtormal-tamtormal foman ecili saet ilabrarmar saet sop lila eras nar saet tamtormal sefa eri dobri tot sop eri mom ram par ofeiri debu. ⁸ Saet sop enom it molo dwahe en sao mat. ⁹ Samo enon tomtues pria ebehat Simon saet tapun saet mempraktik kan fenti uris ao sop afei kagum penyek sehe tamtormal. Samaria rit ridete enofe saet tanirya tomtu dwahe. ¹⁰ Penyek tamtormal enerer ren netu enon tamtormal leno ndwahe, esrak tamtormal it enon fedwahe Arpames sop ridete dwahe. ¹¹ Saet fendumat rarfri cori mama ren fanggo nebope saet dely ak en samo mblamal ete nofei fendumat eri raheswis sop fenti somne. ¹² Samo mat saet tamtori-tamtormal ren rasnanyak e Filipus saet fenti alo oma enon Kerajaan Arpames sop ebe hat Kristus Yesus fendumat ranis ripali tamtori-tamtormal mafe-amfendi. ¹³ Saet Simon ehak beh snanyak e et sop ramis ripal le et mblaohe enon nen raruk se Filipus et samo erome endu-enduhe mujisat sop fare-fare bon ajaib sop ofeima et ofeen heswis. ¹⁴ Saet samo mat saet rasul-rasul rem Yerusalem roflae itoma tamtori-tamtormal Samaria delyak urfri Arpames fenti olo, fendumat rikispar Petrus sop Yohanes ribope tamtori-tamtormal re notoo. ¹⁵ Otoma sop ofei mesou denom fendumat ren fendumat urfri fanggomu om tu. ¹⁶ Saet fanggomu ontu tap opor afo tamtormal sop ri fendu-fendumat renin onem delyak rani ripale warilon ha Tuhan Yesus. ¹⁷ Saet Petrus, Yohanes mori lalo raha fok. ¹⁸ Saet Simon eron ri ebope fanggomu omtu urfri ehole mori baba afo rasul-rasul Simon ofei bel-bel narma doi sen etma ebope rasul-rasul. ¹⁹ Saet esrak yaurfe ema ebope yau dwahemal tit aenom nahi tamtormal saet ebope yau yaimu mim baba afo saep turfiama fanggomu omtu. ²⁰ Saet sop Petrus esrak ri ebope Simon ut sop ubedoisen saet atapor tanim yan tilut aen yam fenggo mu mifei yam aurfiam karunia Arpames saet doisen. ²¹ Yan pak tapse bagian hofa hak warilon enak tit saet fenggomu tapse afar nare aen tanirya Arpames. ²² Saet uma atu den wifei ehla entit sop afei mesou ebope Tuhan saetut pak afei a mat fitum afo ait et afokpari e bape yam. ²³ Saet yau yarome ebope yam aeno nem warilon nofsu haet meta en warilon jeritan ehla. ²⁴ Samo Simon bou fri sop esrak mesou saet yau yibope Tuhan saet ensanpana saet yaan yesrak tapse fone yau. ²⁵ Aenalelyak Petrus sop Yohanes bersaksi saet melmal sop esrakenon fenti olo Tuhan fendumat esris par aen Yerusalem ainon ne nesrak fenti alo saf sefahe desa tamtormal Samaria.