¹ Sa mo tes saat ren Kaisarea enon tamtorilus ribeha Kornelius tamtormat perwira enhifa esampana etsop ridete bare amtu Italia. ² Tamtormat fia saet ne nafei e Arpames saet ema riren penyek tamtormal saet rem limu mat saet sop urfri sefa sedeka tamtori-tamtormal renon ihi ra feime sou ebope Arpames. ³ Maryuma tes angker ofyak limfau waheto mat et erom en fla warilon esop enpelialo tomtues Malaikat Arpames omap. Esrak enon ebope, Kornelius. ⁴ Saet sop erome Malaekat et ren nenari ren resrak en sana matit tuan ren Malaikat sop resrak ribope mesou mesou yam nen sedeka-sedeka yam hofa etiaha enduhe enles fanggomu en Arpames tanirya. ⁵ Arahap eyarri tamtori-tamtormal riu Yope sop ehian ri tomtues ebe hat Simon saet ridete Petrus. ⁶ Et rikie non ritilut tamtormal penyamak wali ritilut Simon sop limumat enom en wanafo matilon. ⁷ Saet Malaikat sop esrak ebope saet ao Kornelius ehim ri tamtori lu pelayanan sop tamtu bare omtu saet sop enerer tamtori-tamtormal saet renon melayani saet sop ebema. ⁸ Endelyak fatorfri enduestes ebope fendumat et eyaari fendumat re Yope. ⁹ Amer waheto. Samo fendumat ren warilon tahe nei sop raruk se sao mat, Petrus ehatimu pamo rau afo, enon fro ae lami afeak limtes etsop ofei mesou. ¹⁰ Saet sop omnas molyas et wari ehim pelonpana saet sop tamtori-tamtormal omyakmar pana, Petrus eit en nerome tendi rif naw e. ¹¹ Et sop erome ono tani ferifok sop endues enofe mayo saet en baba opor sop baba ofat pare fau sudut itehi fon wane. ¹² En warilon sop enon penyeksehe raurirya ren eri fau sop raukirya ren rarorau nar fendu. Sop mani rem onotani. ¹³ Samo mat saet omap ilatepar e bope etiak aha Petrus akispar sop tin. ¹⁴ Sop saet Petrus esrak tabse Tuhan saet yau tapse tap yanpana saet ensanpana et makifia-hofa najis. ¹⁵ Saet ilama esrak en ebope et sop lu ofei," en sampana saet sop Arpames ofei biti baem sekali-kali yam adete menhufia. ¹⁶ Endumat en ofei tara toul en tiba-tiba penyek sehe sop frediri o onofu. ¹⁷ Saet en enon nihi Petrus enon nen popraptan fanggomu fefi ensanpan haet peli walo saet en merom et tamtori-tamtormal mal rikispar ren Kornelius en noho pap omnas en limu Simon sop etuen ramtan gerbang lifurya. ¹⁸ En sop ehim ri fendumat ehimtari ensanpano Simon yam medete Petrus lasenyam en hitit. ¹⁹ Las en yam Petrus onon fanggo mu fefi peli alo, fanggo mu ontu esrak e ebope yam," mi rome enon toul tamtori pria saet menon maha pape. ²⁰ Etiak sop apor aen aop yam tilat fendumat maen mapopraptan aen yau saet makispar fendumat. ²¹ Saet Petrus ebope tamtori-tamtormal et sop resrak," yarome yau tamtormal saet yan mahopap ensampana alasan yam miminar ut. ²² Fendumat yesrak," Kornelius tamtumal bare omtu tamtori melmal sop menari rifei Arpames saet reilalefia saet enri penyek fenduit Yahudi saet ritop rifau rem malaikat Kudus saet yat yaaru amalimu sop saet of lari peleesrak a. ²³ Petrus ehim ri fenduma sop aufian yam fendumal lasa yene en hi tit amer waheto, et etiak aha sop yam tilut ao fendumal lus lafunri seiman rem yope ahim ebe ha. ²⁴ Samo waheto teslo fendumat recil Kaisarea, Kornelius delyak enfane-enfane fendumat saet sop delayak ekin nario natun ri ta funri sop tani mafo-tan maro rarukse. ²⁵ Saet Petrus ehil Kornelius ero mi sop eridoberi rirem Petrus sop snanyak e. ²⁶ Saet sop Petrus sorek e etiak aha sop esrak etiak aha atu yau tit tamtormal tomtu yama. ²⁷ Las-enon ihi Petrus esrak ri fenti saet Kornelius, Petrus recil ren warilon so riten renon sefa tamtori rikienon ritilut. ²⁸ Saet Petrus esrak ebope fendumat, am momnas bope enonihi kekejian nofe tamtormal Yahudi sop fratetanri en etak oma tamtori baen Yahudi, saet Arpames enofe. Etak oma ri ebope yan aen yan tap mihi fia sop esrak hanta sop fetes enope damar. ²⁹ En sop saet yau tapse edi aha saet yama eyaaru oma saet sop et yau ehimtar yau yaberimfan en sanpana ut wihim yau. ³⁰ Saet Kornelius esrak," Waheto fau mat sop etuihi fro aelani tit, sop fro aelamu ofyak limfau yau yofei me sou en limu yau, sop wirome enon tomtues etiak aha en tamirya eiror mayo mal belbel nar. ³¹ Saet esrak e Kornelius uma afei mesou delyak sop oflae saet sedeka yau saet fanggomu fel eau Arpames tamir ya. ³² Saet sop yeyaari riu yope saet ehime Simon saet ridete Petrus sop ama. et sop lasaenne Simon be limu tamtorimat penyek en wali wanafo matilon. ³³ Saet yau sesya yaari fendumat ribope ut sop et deryak fitun afo fia yibou oma. Arahap mim penyek menon ihi tit Arpames tamirya saet moflae penyek aen tes saet delyakeyaarri ebope saet Tuhan. ³⁴ Saet Petrus ofok warifnou sop esrak arahap yau melmal- melmal yomnas saet Arpames tap ofnawi etak enri. ³⁵ Samo saet fendumat nenari rifei saet sop ofei ensampana et be melmal aene ebope et. ³⁶ Fentialo saet Arpames esrak riebope fendu israel itoma fenti alo fia tainon fia he saet aeni Kristus Yesus enon Tuhan ehato penye. ³⁷ Yam uhim behe yimnas endu-endu en sop mifei en penyek Yudea op ren Galilea samo ri ramis ripal sop Yohanes esrak ri. ³⁸ Yam mom nase Yesus Nasaret omtu hofa Arpames mengurapi fanggomu omtu saet sop ebe dwahe mal, et pelao ale sop afei fia saet afei ribebu penyek sehe tamtormal ren rifeiri fetes saet fanggomu fetes saet Arpames dardar. ³⁹ Mim menon mabou-mabou men penye endumat ren penyek endumat saet Yesus ofei ennon fia fendu tamtormal Yahudi ya bou fri rem Yerusalem fendumat ren ritut prari Yesus sop rehlien re yatse ai sla lai afo. ⁴⁰ Samo arpames it etiak e saet waheto toul son ofei nar ofei fri et sop tani fnawe ti. ⁴¹ Baen sop ebope penyek tamtori ren ribope yam mabou-mabou fri sop men mifir saet Arpames tafum aur pelna sop ram etma aur penyek saet etiak aha renri rerper warse. ⁴² Sop saet tapul en mim haet esrak ri ebope tamtori-tamtormal en boufri ren fe melmal se-melmal ebope et sop ekispar en Arpames enofe hakim yatse saet enon saet sop rerperwar. ⁴³ Fehaet penyek nabira boufe ebope yamtes tamtorimat ras nanyak en warilon saet it fe afok pari ehla ait ebe ehla. ⁴⁴ Enofehaetfen Petrus en snanyak e esrak-esrak et fanggomu omtu opor en afo penyek et rof lae fentialo et. ⁴⁵ Saet tamtori-tamtormal rasnanyak saet bersunat saet rimi penyek Petrus takjut saet urfre fanggo mu omtu mal urfe ema ebope fendu-fendu lus. ⁴⁶ Saet fendumat roflaeri tamtori-tamtormat resrak warilon hofa saet yam tefenti sop rasnanyak e Arpames saet Petrus esrak ri. ⁴⁷ Baren nela tapse enon tomtues saet sop iten kokiumare rani sop ripale ribope tamtori-tamtormal. Saet delyak riten fanggomu ontu rikiem ferem tenon. ⁴⁸ Saet Petrus eyaari fendumat saet ranis ripali en warilon ebe ha Kristus Yesus saet sop tamtoru-tamtormal et ehini saet Petrus enon rikienon fendumat senan waheto-waheto he.