1
Mawai se et para rasul on lafun-lafuinri se iman saet enon en Yudea ofla ebope tamtori-tamtori ben Yahudi baen delyak ufri fenti alo Arpames.
2
Saet sop enohofa Petrus eha en Yerusalem tamtori-tamtormal ren bersunat rifei wehi lahap aen tehe saet.
3
Saet esrak yam ao ebope tamtori-tamtormal tapse bersuami et rimpana ritilut fendumat.
5
Yat yen yofei mesou yen sao yope saet warilon enohofa tapse, atu yau yorem enfotes elialo saet enofe malyo rope et opor en ofat pare enofe faut sudut ren ono tani ennon en raruk se ebopeyau.
6
En deyak yau yilo mana yen yau sop yalelal tansop yoronari betwi-betwi ren eri fau ren fenduwarilon betwi-betwi uar. Betwi-betwi mal rororau sop mami maru ren omotani.
7
Yau yama yoflari renon rori sop resrak ebope yau, yetiak Petrus ekispar sop yan pana.
8
Samo yau yasrak,"Tapse Tuhan saet tapse enen sop haran sop najis yam nas a ahil wirimfnou warilon.
9
Saet sop ron ehim tare ut yamlat taralu me onotani.
10
Ensampana et sop Arpames esrak yam baen sekali-kali yan adete haram.
11
Hai tit afei toul tit, saet penyek et riyok ririspar enoanfu miro me saet ema ren tamtormal taul rikispar ribope yau yama en limu pele yau yenon ihi kaisarea.
12
Saet aen fanggo antu esrak ebopu yau saet yao mim tilut fendumat ren tapse ragu-ragu kelimtes lafunri seiman tilut fendumat ran tapse ragu-ragu kelimtes lafunri se iman tit yam ao yamtilut saet mim mecilok aen lamu tomtumat sae.
13
Saet fentioma erer ebope mian maenoho fa tit sop maror malaikat rifar ren limumat sop resrak, penyeksehe tamtori men yope sop mi hi me Simon saet reolete Petrus omahi tit.
14
Et e sop esrak ri rafokri ribope yam en saet mafok yam saet yama ainon fiahe saet penyek tamtori saet menon e limu.
15
Aeifeihaetfen yau aimonero yisra rak, fanggomu omtu apor en yat se fendumat rikienon renofe saet men matan enofei afo mim.
16
Saet yau fanggo mu yofei samo wesrak e Tuhan saet et yisrak u Yohanes ramis seapal yam saet yam tafun apal yani saet rotit fanggomu omtu.
17
Saet sop Arpames urfri karunia saet fehaet ebope fendumat renofe saet urfri jana ebope yam fehaet masnyak e enwarilon Tuhan Yesus Kristus hambe pe yau aifei naryam Arpames.
18
Saet fendumat rofla e endu-enduhe fendumat rifei enofe damar Arpames enon esrak, hofa enofe Arpames ema saet ur ferer ebope tamtormal-tamtormal ben Yahudi atuahi ahook ebope tal non.