1
Saet sama mot dabu Herodes met adi yakse rilus tamtormal ren jemaat saet rifeiri fetes fendumat.
2
Et efunpare Yakobus lafun Yohanes noba re be rifun.
3
Saet Herodes eromi ritoma askiakri rima afei e fituafo tamtori-tamtormal Yehuda et rio nawep ri edot Petrus ema. Endumat-endumat ae senam waheto raya roti ragi tapse.
4
Saet sop redot Petrus ritop rihore an kawa limu rito rurfri ribope fau gare amtori renon radardar saet fanggo rifei saet Paska ritoma ren tendir ya tamtorimat sefa.
5
Saet Petrus rifas tane en kawalimu warilon sop saet Petrus afe sou ene nen fefi meso u en klori amtori re bope Arpames enri jemaat.
6
Saet panites samo mat Herodes saet itoma Petrus ehi hat en moni rilus tamtori bare amtori mat lu tamtori, tamat ori lumat rante rifau rira dardar ren ramlan lifurya radardar kawalimu.
7
Et erome tomtu malaikat Tuhan etuen Petrus tanirya saet ehyak e Petrus ekri sop tatiak e esrak ," sesya etiak sop rante-rante mat alot efok fare e ren mori lu.
8
Saet malaikat mat sop resrak ribope" Afau yau aenfuk yali fu it sop yeisor sandan," et epelafei aen ahi samo mat sae et esrak ebope, endu en nehe fa ube juba sop afau yau.
9
Saet Petrus omrak sop etak aene ri malaikat sop et tapse omnas ainon saet omnas et ainon arom endutes pe liato.
10
Saet fendu sop recole ra dardar tesomtan sop lu, fendumat rifar ihi ramtan gerbang besi sop ritak nar saomat rantan gerbang mat firi fok renrisop behe mat riryak fendumat ren fendumat ramak sop rahemal rifarihi rentes lorong en tiba-tiba malaikat mat tanifei Petrus.
11
Saet Petrus omas ebope ensanpana et be ofei tendir afo et sop esrak, enohofa yau melmal-melmal se yomnas enohofa Tuhan ekispar malaikat mat sop rifok par yau yen Herodes bema sop riren penyek endumat sop talnon fetamtori-tamtori mal Yahudi.
12
Saet sop Petrus omnas tani et op en Maria limu Yohanes betinan saet ema ridete Markus enihifa tamtori sefa renon riki enon penyek rifei mesou.
13
Saet sop Petrus ecook ramtan gerbang tomtues pelayan mofni Rode omap sop saet en nofak.
14
Saet sop et elale Petrus bella saet sop monlo fei et tapse pelafok ramtan, sael sop alof aen warilon sop so esrak riprima om nas hofa Petrus en etuenon ram tan gerbang lifurya.
15
Fendumat resrak ribope Rode yam tap warisi saet sop Rode mblao esrak fenti enohofa enon feat-fendumat sop resrak et enon malaikat ri.
16
Saet sop Petrus nenito mblaohe tatuk en samo fendumat sop eri rahes wis.
17
Samo mat saet Petrus urfri isyarat saet mor mat ainon fendumat monapar et ur fri fenti ebope fendumat endu aenofa Tuhan saet aitama sop ait omrak kawalimu saet resrak etuihi endumat enebope Yakobus sop ebope lafunri-lafunri se iman. Saet etiak et ao pelemat warilo.
18
Saet mela waheto onrak ahae enofe wihi dwahe saet tapase etuen ri bare amtori en nohofa ensampana sop en nofe ri bope Petrus.
19
Samo Herodes sopa pe Petrus sop tap arome et sopape ren radardar sop urfri eyaar saet fendumat riafun pare opor ren Yudea en Kaisarea en renon renonto.