¹ Samotes enon renihi jemaat Antiokhia nabi-nabi sop guru-guru saet Barnabas, Simon saet ridete niger. Lukias ren kirene menahem saet fe dwahe riki enonherodes dabu wilaya, sop Saulus. ² Enon ihi tamtori-tamtormal renon rifei mesau ribope Tuhan saet pak atian pana fanggomu omtu esrak saet ubema fetit ubema Barnabas rilat Saulus saet tapul renon et yau saet ehim ri fendumat. ³ Saet endu enohofa aeinon fendumat puasa ri afei me sou saet fendumat akispar rilat pelao.

⁴ Saet samo rikispar palao et sop fanggomu omtu Barnabas rilat Saulus rabesrus ren seleu kia saet reno fendumat rauriok riu. ⁵ Saet fendumat orakhae ren salamis fendumat resrak ti fetialo Arpames ren sinagoge-sinagoge tamtori Yahudi saet fendumat rima ritomae Yohanes enofe pelayan fendumat. ⁶ Saet fendumat ao menjelajahi penyek sehe nensu naren pafos fendumat ritit aen fendu ratupul fenti sonne tamtormal nabi fetes yahudi saet ebehat Bar Yesus. ⁷ Sop rikienon prokonsul sergius tomtues mona, et ehime Barnabas rilat Saulus rimi ribope et wariehin oflae fenti alo Arpames. ⁸ Saet sop elimas oneno fendro mosutan en saet endut aen noho fa ebe ah it erispar ero mentang Barnabas rilat Saulus sop rifetare dit arispar poro konsul saet enon iman sebe. ⁹ Saulus enema reilale enofe Paulus daenaomo saet fenggomu omtu enon elimas. ¹⁰ Saet sop esrak hai yam mendaen endu penyek sehe edal tare musuh hat saet penyek sehe fetes yam meno nihi atun feman be yam menon ihi bare ren penyek femel mase tapse waryak yohom yam a farahi rara Tuhan saet ofat pare. ¹¹ Arahap arame Tuhan ma omap en afo yam sop yam saet aen nofe fati sop tap arome fro samsenamse aena samotes saet sop et ema bafu sop ramno opor afori sop et palao riate sopape tomtu saet dardar are enma afa. ¹² Saet prokonsul et ofei snanyak e saet tarom eensonpana saet en nenafei enofe et kaguan ainon Tuhan esrak yam.

Ke Antiokhia di Pisidia

¹³ Samo tes Paulus ri tamtori tamtormal sop rilake riyok worau riu pafos rifar en parge sop Pamfilia saet Yohanes tam ofeiri fendumat sop resris pa rimi Yerusalem. ¹⁴ Samo Saulus rilat Barnabas mblaohe rahenei riao parga saet rifar Antiokhia ren Pisidia. Saet waheto sabat fendumat riunar sinagoge sop rameros ren no. ¹⁵ Saet ri ron ai walimat Hukum Taurat ai wali para nabidobri-dobri sinagoge eyaari tamtormal resrak rem. ¹⁶ Saet Paulus etuen esrak ri syarat ren ma afo sop esrak" Hai tamtori-tamtormal israel et yam sop ne nari afei e Arpames oflae. ¹⁷ Arpames fendu israel en tit sop Afiryam tapun laba im sop tani afei fendumat mim samsenam se fendumat aen semalafo Mesir saet etsop lengan saet fred rit et urenni fendumat ramarok riu hit it. ¹⁸ Senam enofe fau pulu yame, et enfia enofe feti it fia fendumat ren witilon belantara. ¹⁹ En nohofa et afei iri fetes limtes fendumat ren semalafo Kanaan, et mewarisi selmalafo mat. ²⁰ Penyek enofei angker-orur senam 450 yame saet Arpames urfri ebope fendumat hakim-hakim en mihi saet samo nibi Samuel. ²¹ Saet fendumat riahimri tamtues dabu rilat Arpames rurfri fendumat Saul, natun tomtu tomtu kish, fendumat ren suku Benyamin senam fau pulu yame. ²² Saet Arpames ehak pare, Saul Arpames itetiak e Daud saet anno fedabu fendumat, et ofke Arpames aenofe saksi et esrak ri yau saet yorome Daud natu tamtori-tamtormal Isai tomtumat saet atehae et fituafo yau saet afei penyeksihaet yafe fima. ²³ Ren keturunan tamtorimat ren Arpames fe janji mat itoma ribope Israel tamtormal Juru selamat saet Yesus. ²⁴ Tap ofei sop ama Yesus, Yohanes saet esrak ri tafunfehat baptisan pertobatan ribope penyek tamtori Israel. ²⁵ Saet enom sebe Yohanes saet ofei opar tugas mal et mblaohe esrak, yam arome hambe entit. Yau tapse et samo yoromi fendu mat tes riminar saet yau, samdal enamtam yat saet pak yafok par yafok par. ²⁶ Lafukri-lafukri opor ihi matukri Abraham en tamtori-tamtorimat renon yamet menam afei Arpames ebope mim tofla keselamatan tit saet etu ihi. ²⁷ Saet fendumat enonihi en Yerusalem enpara ure nihi fendumat saet yam eliale et sop tap onase esrake para nabiet sop menghukum Yesus. ²⁸ Saet ainon se fendumat tapse lahaparome ensan pana ebe so rer Hukum aper fendumat rihi me Pilatus saet pe lafum pare. ²⁹ Saet sop fendumat resrak ihi penyek saet miter en fehaet fendumat riatak aenesop renhlatai sop romtawen ren warilon lipi. ³⁰ Saet sop Arpames it etiak e et fenon fe tamtormal pare. ³¹ Saet samsenanse heto-waheto he, Yesus tan of nawi ribope tamtormal-tamtormal mat rikien saet sop ren Galilea mblo ohe Yerusalem saet ae nenafei saksi=saksi aen fendu-fendu he tit. ³² Itoma Arpames saet esraima ehyak pe mim abori-abori fendumat mat. ³³ sop etiak aha Yesus enofe etere naiwali Mazmur pasal lubuit enofe natuk arahap tit yau tit yaen nofe ubu mam. ³⁴ Saet Arpames it etiak e Yesus enri tamtori rer per war pak arispar aen nero fetes, Arpames sop esrak yau sop yaur fiam yibope aur fiam saet fia sop yait yas nanyak u yai fu ube Daud. ³⁵ Saet enduenhofa et ema esrak warilon Mazmur fe lus et tapse tani fei u tamtori fiamal sel eroml aen fetes. ³⁶ Sop Daud enofetil melayani ara hap tit so rifar enofe haet Arpames ateaha saet rerper sop riomtawen enerer tapun laba hiri saet rirome aen fetes. ³⁷ Saet Yesus sop Arpames it etiak e ren remri tamtormal rerper tapse rirome enfetes. ³⁸ Aenohofa saet afok pare omnase saet yam lafukri-lafukri ritoma it ehole en ennofa afok pare enafo ehla-ehla sop esrak ri ebope yam. ³⁹ Et saet aen tamtues aensnanyak ri afokpari ren penyek aenofetes, saet enihi yam tapse ait aen afok pari saet Hukum taurat Musa. ⁴⁰ Aem fitum afo-fitum afo endu-endu he saet esrak enon en warilon ai wali para nabi tapse nafei fehae yam. ⁴¹ Arome hai para radeldale ae heswis sop aen fetes saet yau yafei er seya en matan yam nenafei ersa mat saet tapse sop yam snanyak e afei saet tomtues esrak ufahe ribope yam. ⁴² Aeno fe haet Paulus rilat Barnabas ma ramarak tamtori-tamtorimat memohon ri fendumat esrak ri hofa fentialo tit samo waheto sabat teslo. ⁴³ Saet riakin aen sinagoge et opar sefa tamtori Yahudi sop para pro selit sop ne nari afei ye Tuhan riatakaene Paulus rilap Barnabas, ma riesrak ribope fendumat ri sahukri fendumat saet mblaohe. Riai non en warilon anugra Arpames. ⁴⁴ Sahet waheta sabat sano ere enihilas penyek tamtorimat ren sao riki oma sop roflae fenti alo Tuhan. ⁴⁵ Saet sop rer tamtori-tamtori Yahudi rirome pele ritmomlo saet fendumat daenri fituafo fetes saet enero rafa fak rurensampana sop esrak enon Paulus sop ehitema. ⁴⁶ Saet Paulus rilat Barnabas resrak rifenti saet mom na sop esrak endumat penting enofe fenti alo Arpames fe haet esrak enon ebope yam sesya matan saet yam mihak pare sop menganggap tamim ube tapse aenafe yabema endu yenon ihi sop en senam yorom me mim arispar arome rebope fendu-fendu helus. ⁴⁷ Saet aen fe tit Tuhan urfian oflae ebope mim, yau saet afei fiam mela saet fendu-fendu he lus saet yam atit aitao aen fefia atuahi sop atak aori fendu dwahe it. ⁴⁸ Samo tamtori-tamtormal ritap se Yahudi saet oflae enduen tit fendumat rit momlo sop ras nanyak u fetialo Tuhan saet sefa saet sop ofna we etainan samsenamse aen senanyak e. ⁴⁹ Sop fentialo Tuhan resrak o penyeksehe wilaya mat.

Ke Ikonium, Listra dan Derbe.

⁵⁰ Saet sop fendu-fendumat Yahudi ra sahuk fri amfendi-amfendi sale mat mori tau fri sop tamtori-tamtormal rite ren sao sop rit ri tiak ahae fei ye fetes rife Paulus rilat Barnabas ma saet riahe we rilal marak aen wilayah atu ahitit fendumat. ⁵¹ Samo aen fafiak bafu ren de fendumat re non tamtori tomtumal Yahudi ennoto, Paulus rilat Barnabas riao aen Ikonium. ⁵² Saet para natunri saet daen mom lo sop saet aen fanggomu omtu.