¹ Saet afei aen Ikonium, Paulus rilat Barnabas rilat recil riu Sinagofe tamtori Yahudi sop resrak enofe haet ainon maaot dwane tamtormal fia tamtori Yahudi reri nofe tamtori yenani renon ras nanyak e. ² Samo tamtori-tamtormal Yahudi sop tap se pak snanyak e rasahuk fe tamtoru-tamtormal ri ben Yahudi sop blakihe ripal fanggo mu ribe fendumat malawan tamtori-tamtormal rasnanyak e. ³ Saet fendumat renon ren warilon samo senam se ren resrak et sop momna fe Tuhan saet ur ferer kesaksian fehofa fenti anuggrah-Nya sae mengaruniakan fere-fere ajaib sop mujisat-mujisat enofe ainon mori afo fendumat. ⁴ Sae sop tamtori-tamtormal renon sao mat et eryaknar-eryaknar renam ritakri rebope tamtor-tamtormal rit ben Yahudi renofe tamtantri-tamtorimal Yahudi et ren mofe ribope para rasul. ⁵ Saet menofeimar tes fia saet tamtormal-tamtormal baen Yahudi rima riopar fe tamtori-tamtori Yahudi saet para uren fendumat sop riafei yi fetes sop fati seri ahori para rasul saet. ⁶ Paulus rilat Barnabas ma romna rilat roflof ri u Listra sop Derbe, sop sao-sao ren Likaonia sop ren wilayah ren riyale. ⁷ Saet ren no fendumat mblohe rur fri fenti alo fia. ⁸ Sop enon Listra tomtues maros enon sop ondau eri tot ren samo entinan moli warilon sop pak tapse yihalit. ⁹ Tamtorimal sop toflae Paulus samo ent fenti, sop Paulus ecook sop erome enhofa et uren iman sop ofei ri bebu. ¹⁰ Paulus saet enom esrak, Paulus esrak fenti sop ila dwahe, etuer fereswor aemal saet yam saet sop tamtorimal la fom flaner sop ren rahe nei. ¹¹ Saet tamtormal sefa rirome ensanpana et el be sop Paulus pela fei fendu mat redia ha et rori fendumat resrak warilon fenti Likaonia, dewa-dewa saet opor ren molmal-molmal mim mifei enofe saet tamtormal. ¹² Tamtori-tamtormal sop ridete Barnabas aenofe Zeus rilat Paulus aenofe Hermis saet sop denofe peu sop esrak. ¹³ Imam dewa Zeus saet sop kuil saet ren sao melamuar rur oma lembu-lembu mono sop rangkaian bunga ren ramtan gerbang sao et sop tamtori mat sefa ren wariehimri rir matifri korban rebope Paulus rilat Barnabas ma. ¹⁴ Saet sop renon rasul Barnabas sop rasul Paulus roflae endumat sop fendu rir yaknar ma yo fendu ma sop roflof recilok enmol-mal mase tamtori mat sefa sop renon monna. ¹⁵ Sop esrak rilafun-rilafunri enohofa yam sop itoma fenti alo fia enofe yam aen yaan esris par aen endu-enduhe sop sia-sia entit rebope Arpames enenon ihi sop ofeinar melfe sop en fendu it sop matilon sop endu-endues enon en warilon. ¹⁶ Ren ara rahap-arahap sop saet afok par penyek fendumat rahenei ritaen rara-rara uhimbehe. ¹⁷ Samo etap afok paru himbehe fetap saksi fehaet afeinar sop fla saet aurfiam ribope yam mbrofi en melfe sop samo-samo aifo saet afei rifetes fitu afo ren pana saet rit mom lo. ¹⁸ Saet sop ren resrak penyek enoki enduhe en fendumat pak riafas tane tamtori sefa en nihi tapse turfri korban saet fendumat. ¹⁹ Saet sop tamtori-tamtormal Yahudi naninar ren Antiokhia sop Ikonium, sop saet edalri tamtormal sefa en fendumat fat se riho e Paulus oper delyak. ²⁰ Samo mat saet para naturi riyale Paulus sop rifar sop res rispar recul en sao mat saet waheto teslo et etiak ritilut saet Barnabas o Derbe.