¹ Enofehat ikispar haet mim sop maok rau mao Italia fendumat turfe Paulus sop rilus tahanan robope tamtues perwira pasukan agustan saet ebehat Yulius. ² Mim miha kapal tes men Adramitium saet sop sisya worau men miu pelabuhan ren wan afo mbla mal Asia. Mim woarau ataen saet Aristarkhus tamtori Makedonia men Tesalonika. ³ Haet waheti hano, man ifar ihi men Sidon Yulius ofei nane Paulus andaen dardar sop ebemfehat Paulus etiak ori tani-tani maro so ri feimar endues Paulus. ⁴ Men noto mim matetiak sop worau minyok miu nar Siprus saet moro mat eporoma arah-arah. ⁵ Fehaet mim Delyak worau miyok mecole wanafo mblamal kiukia sop pamfilia, mim mifarihi men mara men likia. ⁶ Renoto perwira mat sop rirome wo es en Aleksanderia saet sop worau ren Italia, saet moflamfe mim menwo mat. ⁷ Mim miyok worau relat lahe samo waheto luslo sop endu penyekse tap se mase mim mifar ihi men knidius maro tap salilfia men tit mao pelemat enoto mim worau miyok miunar wanafo Kreta miunar mihoen Salmone. ⁹ Fehaet mim momnas hofa ren tapse sefa samo sop nenihi arahap ma henei maho matilon en fetes haet samo puasa tamtori Yahudi delyak mecole, Paulus fenti ifri fendumat. ¹⁰ Hop esrak enon ebope fendumat lafun-lafunri yau yorom ri hofa yorau tit sop dardar mim sop rifei mbrefi sop etepar endu barsa dwahe ben enon obon sop wo pesaet oma tenelir netu mian. ¹² Fehaet tap fefya enon ren pelabuhan en samo sobre oma erer hofa dwahe tamtori mat rabou fe haet riao aok worau re noto aenohofa-aenohofa fendumat ria farahi tit aenpele pelabuhan ren Kreta saet riafar aen ahoa aen semiripu sop semitou rire noto samo sobret oma. ¹³ Fehaet mono mat momin-momin opor oma tou, fendumat fanggomu haet fendumat delyak etuhi ri hoen fendumat fehaet sop fendumat riyok jan kar sop riyok worau en wanafo mblamal kreta.

¹⁴ Saet hofa tap senam enohofa moro mat enohofa ehur oma sop ridete eurok lidom ehur oma ren nen su tit. ¹⁵ Fehaet wo mim be fone nero maro sop ren tap rifeima saet fone rihoenon, mim mifeima sop tendim mifei wo mim ehok lar-ehok lar. ¹⁶ Fehaet fen mim mases los nar munar mensu netu haet e beha kauda, enen fetap mase mim metem mesrispar sekoci womal mim be. ¹⁷ Fehaet ri ren wo mal rilos nare sekoci en wo afo fendumat reten walo-walo sorokri sop rifei somne wo mal tit fehaet fendumat somne it ehoaha ren sirtis, fendumat rirabes rus endu-endu mal ren wo afo saet tendi afei wo fendumat sohilu-sohilu nar. ¹⁸ Haet waheto nano fehaet mian-sohiu-sohiunar haet atuahi enur sop fehaet sefa tamtori-tamtori ma rifein rirampar endu ren woafe. ¹⁹ Et waheto toul, fendumat riranpar endu-endu ren wo re fendumat ribe mori afo. ²⁰ Fehaet fia fro sop rau kirya-raukirya tap riama senam se waheto lus sop ahur haet tap metu uri fil emim opar penek sehe lasma ene min saet afok par emim saet mai non. ²¹ Fehaet sefa tamtorimat saet riao ainon senam tap pana Paulus etuenon en molmal-molmal fendu mat sop esrak ri," lafuk-lafuk ri yam hofa matak ae ne esrak emim fia tapse wo rau maok maen Kreta fehaet mom nase lelel nar saet kerugian enofe tit. ²² Aen arahap yau yahak par yam tit haet aenfia hop las rene mim tap ainon sop saet ofilnar ot tanine tu aen ho pa ofilnar it womat. ²³ Aenofe arahap pani aenon tamtori papou ma Arpames sop uren mim saet yau sop miyak yaifu yotuen tanirya. ²⁴ Fehaet esrak aen tendirya Kaisar, sop yorome Arpames haet fituafofia. Ebope yam sop penyek tamtorimat sop riyok worau ritilut. ²⁵ Lafun-lafunri urfero ri fatorori afo yam sop mim mas nanyak en warilon Arpames hofa penyek sop nenafei aenho fa saet aenen esrak upe ebope yau. ²⁶ Samo mim mafei ahoaha aen mensu es. ²⁷ Saet aenofe en pani fau aripar aufri aenofe tit fen mim maen nen ahoklar men ahok lar ren matilon mbla mal Andria. Angker-angker pani molmal pare ren arseawo afomat ribope hofa fendumat renon en raruk se wanafo. ²⁸ Fendumat rit ramarak fati duga sop riro me fehaet ranilon mat enisio dua puluh depa haet fendumat rihuok lasma fendumat res ris par fat se rihoe duga sop romnas ranilon mat eni syo lima belas depa. ²⁹ Aene mim menari afei sop kandas enfati karang. Fendumat rit rabes rur jangkar fai tit ren wobili.sop riafei mesou pe sisya he fendut amer. ³⁰ Sop haet ainon fehaet fen rilus awak wo mat rife tare sop roflof tendi afei wo mat sop haet ritepar sekoci en matilon rafefi behe-rafefi behe ritepar jangkar-jangkar ren matalon. ³¹ Paulus esrak ebope perwira tit sop para prajurit mat haet tamtori-tamtori tap rianon wo warilon yam tap ait ainon fia. ³² Fehaet para prajurit mat rihimepe walo sekoci mat sop afok pare ebe ainon erok ao. ³³ Fehaet omrarmopanimahe oma rarukse Paulus ehimri fendumat penyek saet ritufri rilus pana saet esrak waheto matit rer tenon waheto fau belas yam mblaohe-mblaohe menon warilon ketegangan sop afas tane molyas fehaet pana tapse ensanpana et. ³⁴ Fe haet sop yau yohimu saet yait pena luri fe riai non. Hofa tapse ainon daburau te he haet sop saet ofilnar it aen fehaet fen yam. ³⁵ Fehaet esrak enon endu tit Paulus it are eryak nar are mat sop afei ero pana. ³⁶ Haet fendumat penyek diteguhkan fituafo mat sop fendumat ribema rinpana. ³⁷ Mim morimaot penyek sop ainon enwarilon wo enon dua ratus tujuh puluh enam fendumat. ³⁸ Fehaet fen pana renon melida fendumat popamuen wo ren rira ampar gandung ao matilon. ³⁹ Fehaet fendu it enon pela mer fendumat rom nas enon wanafo enhifa fendumat ri relaltane it e book womat wanafo pele fendumat ikispar pelao melabuhkan wo mat e noto haet aenohofa. ⁴⁰ Fehaet aenhofa rirarpar jangkar-jangkar fendumat tendi rifei en matilon warilon samo en fehaet rafa fokpar walo-walo nofe tit sop rediaha worau en wo matalon haet maro itori fendumat rifar ihi wanafo. ⁴¹ Haet sop wo mat firi bon karang en pele riro me matilon mat lu fehaet womat firibon wo mat matalon sop firibon tap alasnar fehaet fen ritowihi wo mat omdare afun maro beltama. ⁴² Para prajurit fanggomu it ri pe riatut prari para tahanan haet pak ainon tomtues pak eyasao sop alof ao ehak behe. ⁴³ Samo perwira mat safene ite ait aitaofia Paulus fan fanggomu eituafo fendumat et eyaari ri tamtori-tamtori ri rahes yas haet rafoniflanar sefa matan ren wo sop ritak nare wanafo. ⁴⁴ Las enon ensop papo afo enon et sop rirur endu-enduhe lus ren wo haet enhofa penyek tamtori rifar ihi en wanafo ren fia.