¹ Samo mim mecole haet sop menfia he, mim momna se hofa mensumat tit et ridete Malta. ² Fendumat renihi haet ribema nesu rofnawe enfia fituafoenfia-flamal se. Haet sop fendumat ritiak pare yafu sop reten emi penyek fehaet samo matit ofei mbrofi so riput opor ren sobre. ³ Ofei sisya Paulus e kinnar ai menmane-menmane sop itok obalok yafu afo matomia es beludak omrak omnas mofina sop eyalen Paulus bema. ⁴ Aenofehaet-aenofehaet aslimat rirome raukur ya mat dardari ma en enduwen Paulus bema, fenduma resrak tes sop lusma tap nenari afei ero tamtorimat renon tamtori tetut prari aenohofa et sop ainon fia ren matilon wihi it fia tap sop tani afei yam ainon. ⁵ Samo Paulus mengibas bet wima sop en yafu warilon. Sop sae tap aen fefia luka en sam pana sop. ⁶ Tamtori-tamtori sop rek natan Paulus aen erpar hofa alot sop aper saet sop ema samo haet fendumat ren matan nen renfan haet tap riarome endutes mat ehla aennenafei haet fendumat resripar fanggomu saet esrak hofa Paulus ennofe fo man. ⁷ Endues enri palemat sop enon selma lafa ebema uremi en nensu mat sop ebe ha Paulus sop itennim sahet rahmat enon waheto toul. ⁸ Samo taman publius ehuhar en pele enmoni fehaeten mehalefun endis ntri. Paulus oma ebe menjemuk sop mesou ofeiri eholok mor rifri en afo tamtori mat sop ofeiri bebu. ⁹ Fehaet endumat sop enon tamtori-tamtori lusla ren men su en sop haet femori ema oman ebope Paulus ema debu. ¹⁰ Fendumat omap enon maife mim sop saet mim mafar ahi yorau maok. Fendumat riapol ahi endu penye sehe saen mim perlu. ¹¹ Fehaet mado toul ite holok mim miyok rau me wo es warilon men Aleksandria, ren ramor soren nensu saet senan samo sobre saet sop reisor Dios kuri enofe fere bon. ¹² Fehaet eri rahes wis ren Sirakusa. Mim menoto senam waheto toul. ¹³ Renoto mim rau miyok mihyak tani sop mifar ehi men wanafo regium amer ero maro mat oporama ripu renon haet waheto ero hano mim mifar ihi ren puti oli. ¹⁴ Renmo mim mirom rilus lafukri se iman men mihi mri saet riaenon makiainon fendumat senan waheto limlu ehol mim miu nar men Roma. ¹⁵ Ren lafuk-lafukri se iman menoto mifar ihi men forum Apius sop tres taberne haet sop miromim saat Paulus miromi fendumat ren ras nanyak ebope Arpames saet fituafo aife somne. ¹⁶ Haet fen mim mi faren Roma Paulus raboufe ut aen ahi tit uhim behe ri prajurit taren radrader. ¹⁷ Waheto toul enofe haet Paulus ekinmar dobri-dobri Yahudi ren ihi haet sop haet fendumat ri kin oma en resrak ebope fendumat," lafun-lafunri rihaet yau tap mim adat istiadat tapun laba sri mim fehaet yau yaur fri aenohofa tomtues rifastanen Yerusalem ebope morim tamtori-tamtori romo. ¹⁸ Haet fen fendumat delyak rahes ris pare e fendumat weriehim afok pari yau haet tap ainon ses rispar haet hukum aper fehaet fen. ¹⁹ Sop aenon haet tamtori-tamtori Yahudi mat rifil ris kiak yoha banding robope Kaisar benfehaet yau yabema fafo biti herihoe saet ehole fendumat. ²⁰ Haet aenoho fa yau yofau enon rante en demi raha fren on Irael. ²¹ Eholok fendumat fendti rebope Paulus," mimi tap maite aiwali endud enohofa men Yudea saet sop tap ainon tes fe haet lafun-lafunri se iman sop omap en ihitit sop urfri fentialo sop fenti alo hofa esrak endutes sop fetes enofe yam. ²² Samo min weryak mihim moflae re nohofa renu ensampana et wuren u enhop sekte tit, mim momnas epe hop ren hifa-hifa tamtori-tamtori rifei wihimat. ²³ Saet fendumat rikispar ihi tes wahelo sop Paulus, fendumat rimi rebope Paulus enpele. Pele en ritilut warfu dwahe tamtor sefa ren omrarmo panimahe enon pani Paulus esrak fenti fia re bope fendumat ren ras nanyak hofa fe kerajaan Arpames sop rifetare melmal fendumat hofa Yesus fia renon hukum Taurat Musa en hofa alwali para nabi. ²⁴ Ri lusma tamtori ri feienon melmal enofe ensanpana sop esrak Paulus enonihi sop lus ma rihak pare sop rasnanyak e. ²⁵ Saet fendumat tap ribou fe tes rilus ma fendumat riao fe haet Paulus esrak ri pernyataan matit," hael melmal ensanpana sop esrak en fanggomu omtu ebope tapun laba hi haet itoma nabi Yesaya. ²⁶ Ri ao ebope fendumat tit aen sop esrak ya saet oflae ferhaet tap yam omom nase sop arome fe haet tap sop pak omnase. ²⁷ Fehaet fe trori afo fendumat tit me nepal sop tilarau mafo et sop riofla fendumat haet rikumtan cari mata haet baen fendumat arome sop haet corima na fendumat roflae et sop trorirau fendumat tap omnas ren fatroriafo fendumat sop reripar samo fehaet yau sop yabe buri fendumat. ²⁸ Fe haet afok par endu iti yam momnas menfia mene Arpames tit haet men mifar ihi ebope fendu-fenduhe lus sop fendumat rima rofla e. ²⁹ Fe haet Paulus esrak ri fenti-fenti he it tamtori-tamtori mat Yahudi riao aen sefa tes ema fentit aote-tes enr a fenti aente aen erer fendumat. ³⁰ Paulus enon senan yamelu daen en limu saet e sewanya ebema emureni penyek tamtorimal sop riminar ebope. ³¹ Arpames sop esrak ri enhofa Tuhan yesus Kristus haet daen momna sop tap aen riafer mbrefi en sanpana etma.