Pasal 26
Pembelaan Paulus di hadapan Agripa
1
Saet Agripa esrak e ebope Paulus," yam diizinkan esrak e sop eswor tani," enofehaet, Paulus merentangkan ma sop esrak e eta kaime.
2
It ofauwe en penyek endumat sop rihoe ribope yau haet tamtori-tamtori Yahudi, yau yek natan yabe tanyak yeten dabu Agripa haet yau sop yes rak etakya en nu sop yaen ta nim erya arahap tit.
3
Wihimal fenaet ut enon ihi tamtori sop melmal-melmal yim nas penyek fe yenonse sop wihi riren rifei tamtori-tamtormal Yahudi fe haet it esensene ebope ut sop oflaen yau haet.
4
Penyek sehe tamtori Yahudi yomanas samo yenon ihi samo yao yen bro mane saet samo yen matan yofei opar yenon yau en molmal-molmalse fendumat rihop ribehe sop ren Yerusalem.
5
Fehaet delyak matan fendumat romnas aenofe tanyak saet fendumat rabou fendumat riten rabou haet yau yenon yotake saet fenti ifri rikienon saet sesya somne ren agama mimbe. Yau yenon nofe tamtori Farisi.
6
Saet arahap yau yoturnon hitit saet diadili haet yaha fenmu sop ainon fe saet aenafei Arpames ebope tapun laba sri.
7
Fiahe entit sop fanggomu fri ri dua belas fendu mat saet mim miten enduma saet aenofet se fendumat rifahi dabu. Enohofe yam ebope endu enohofa Arpames ait etiak ri tamtori rer perwar fehaet ento yau yisyak behe yek natan pehofa yau sait ya fei nar enduhe sefa sop riafe.
8
Ensan pana et yam atem aha Arpames tap aitetiak e tomte pare.
9
Haet aenofehat yau yesyak behe fenggomu it ya haet yau tafun ya feinar sefa endu yafei mbrefi ha Yesus en Nasaret.
10
Saet aenohofa sop yau yafei aen Yerusalem yau baen Baen yaur yetau tamtori-tamtori fia ren kawalimu fehaet rife tapul enri imam-imam dobri fehaet riana saet fendumat ren hukum pare, yat yiboufe.
11
Eholok yau enenma hop hukum fendumat saet ren sinagoge-sinagoge sop yo fetare yaari fendumat saet ri ahite sop saet kilomat sop afun dwahe rifei fendumat, yau ri feiri fetes fendumat haet renon en sap-sao asing.
Paulus menceriterakan pertobatan dan panggilannya
12
Feahet fanggomu sop ema yau en warilon raramblaohe o Damsyik sat tapul en sop dardar ri imam-imam dobri.
13
En molmal waheti saet dabu en molmal se rara mblaohe yau, yau yarome endutes mela en onofu sefa terang renofe fro en mela etepa ren eyale yau sop tamtori-tamtori sop retilut tao.
14
Aholok saet sop mim penyek ehuharem en wanafo yau yofla rori tes esrak ebope yau warilon fenti Ibrani," Saul, saul endut aen nohofa yam yat femori yau. Sulit haet yau sop yicok ao galah rangsang.
15
Eholok yo himtar yam, ut hanta Tuhan," Samo mat saet Tuhan yabou, feyau Yesus saet, yau yohim yam mabou.
16
Samo etiak sop etiak aha saet aim saet, yau sop taniofnau ebope yam haet ehoe tit etuihi enyam menon ihi yam menofe tamtori pelayan sop mabou tapse en nofe endu-enduhe sop fe haet yam mirome enon uma yunom ut wenon endu-endu he saet sop yau yifnau yibope yam.
17
Ayat sop obon ut fia men fendumat tit sop men fendu-fenduhe lus saet ribope fendumat yau yokis par.
18
Haet ofok fe comana fendumat haet fendumat res rispar renrar mo ribope mela saet ren kuasa foman ebope Arpames fehaet fendumat rite rahohus fe ehla mifei saet ritem fia rena fe tamtori-tamtori mat sop saet re fiahe haet sop Iman ren warilon yau.
19
Saet dabu Agripa yau tapse yaen ahi tap se pak yenen u en palialo sorgawi wt.
20
Haet matan-matan yau yesrak yan yibope fendumat sop rendam sik eholok ren Yerusalem sop ren penyek wilayah Yudea ema ebope fendu-fenduhe lus hofa fendumat sesya ap atu sop arispar aene Arpames saet afei. Afei-afeinar sop fewi fema saet afar ahi fendumat.
21
Fehaet hofa tamtori-tamtori Yahudi redot yau yem Arpames limu sop ofetare pelafun yau pare.
22
Etuihi waheti tit yau saet wifya sorok en Arpames aenofehaet yau yotuen ihitit so snanyak e fia yibope tamtori-tamtori bombane riboufe tamtori-tamtori miyori saet esrak e endu lus aenohofa ensanpana sop yesraku hofa pura mabi sop Musa afei hofa sop saet afei.
23
Hofa Kristus oflari sop haet, saet aenon afei sop matan atiak enonnihi tamtori rer per et sop esrak ri melafia ribope tamtori-tamtori Yahudi riboupe fendu-fendu he lus.
Ajakan kepada Agripa untuk percaya
24
Enofehaet fen Paulus enon nenesrakri endu-enduhe warilon etak e Festus esrak ri saet ila etepare Paulus yam tafun abet popo womnas e sop sangat sefa e ofeinar tapse warisan.
25
Samo Paulus ehimtare saet Mulia Festus yau tap vabet popo, saet yau yisrak emelmal sop esrak-esrak sop ehil senanse.
26
Haet dabumat omnas endu-endu matit sop ebope yau yama yisrak fenti saet momna haet yau melmal saet tap se aenon tehe sop ren endu-enduhe sop efok pari ren fan fanggomu eno fehae tit tapse ainon afei en pele mat en ehuk pare.
27
Dabu Agripa, ensanpana ut wasnanyak ri para nabi. yat yomnas ut wasnanyak ri.
28
Dabu Agripa esrak ebope Paulus," warilon samo itoma raruk se yam atem aha yau sop saet yanofe tamtori Kristen.
29
Eholok Paulus boufri," yau atem aha ebope Arpames saet sop sisya afe lahe baem saet ut.
30
Samo mat atabu etiak aha atu aenofehat ama Gubernur Bernike, sop penyek tamtori mat sop raneros rikien fendumat.
31
Eholok enofetse fen fendumat tendi rifei ruang mat saet fendu ren fenti tes rilusma,"tamto ri tit tapse riafei ansan aper aen kawa limu.
32
Saet Agripa esrak ebope festus tomtu tit delyak sop afot pari dentit tapse aha banding ebope Kaisar.