Pasal 25
Paulus di hadapan Festus Naik banding kepada Kaisar
1
Waheto toul Festus omap en provinsi et fehaet sop ao aen Kaisarea aen Yerusalem.
2
Imam-imam dobri sop para pemimpin Yahudi ahuk fori bitiheriahue afei mbrefi Paulus sop fendumat mbla ohe afei sisya Festus.
3
Saet sop riahim e fituafo fia hofa fendumat ren nen ri yao re tamtorimat titaoe Paulus aen Yerusalem haet fanggomu rite fitrori afo aen tehe saet ria fun Paulus pare ren molmal rara mblaohe.
4
Festus boufri bope Paulus ae saet sop riafas tane aen Kaisarea sop haet ahak behe sop map sop ao sesyamalas.
5
Haet," esrak tafun para pemimpin renerer yam besrus sop ao relat tao ai none endues sop ehla haet tamtorimat sop saet tafun fendumat saet ahukfri biti heri aho ainonri fendumat.
6
Fehaet Festus tani feri re nonihi fendumat tap sefa ren limtoul afe waheto snaful et erispar en Kaisarea, saet amer waheto, et maros aen aibapo afo pengadilan sop eyaari saet Paulus rititaoe aen tanirya.
7
Saet Paulus oma tamtori-tamtori Yahudi mat sop rabesrus rifaren Yerusalem ren ri yale ren rasa hukfori sefa rasahukfri saet mafo rafafiak orur Paulus sop tap afastani fendumat afei aen ma.
8
Aenofe tsefen et Paulus esrak eror afeiero yamlo," yau tap yafe i ehla ensanpana et sop rafakfa orur fia hukum Taurat Yahudi Arpames lumu afe Kaisarea.
9
Saet sop re nohofa waryak yohim aenofefia tamtori-tamtori Yahudi Festus esrak ebope Paulus," ensanpana yam aenfane aha aen Yerusalem sop diadili saet yau yaen tamirya afo fafo biti hebe rihoe-rihoe tit.
10
Samo Paulus esrak," yau saet yotuen tendirya pengadilan Kaisar, pele mat sesya sap yam diadlu yau tap ehla ensanpana it aenofehaet tamtori-tamtori Yahudi aenofe tit sop mim lal maen syak behe sop yomnas.
11
Afei sop yau yat ehla saet yafei endues afei sop rer hukum aper, yau tap sop yadale riaho fendumat aenofeyau tap ainon sop melmal tap ainon sop melmal tap ainon tomtumat sop saet aiten aufiryam ebope fendumat saet yau yahuk fori banding ebope Kaisar.
12
Fehaet, aen sop Festus berunding saet Sanherin et esrak, yan saet aha banding ebope Kaisar sop ebope Kaisar yan sisyap ao.
Paulus di hadapan Agripa dan Bernike
13
Saet rilus wahelo itohol dabu Agripa sop Bernike enri Kaisarea saet urfri mafe ebope Festus.
14
Fehaet fen fendumat renon etito salno waheto lus, Festus esrak fermar e aen hofa wihi Paulus ebope dabumat esrak rentomtues saet tani feiri renon feliks ofastani ri.
15
Saet yau yenon Yesus a lem Imam-imam dobri sop tua-tua Yahudi esrak ri sahukri-sahukri sop rafafiak sop rihime saet ren hukum.
16
Yat yaboufri fendumat hofa baen endues tenon fehaet haet tamtori Roma et sop rurfri tamtori es tapun sahukfri ria nero saet para sahukfri, corifu-corifu saet ife samo mblamal sop afei aris parero hofa sahikfri-sahukfri ridete.
17
Samo haet fendumat ninimas rikienon hitit yau tap sahukri wihi mat tit saet amer waheto yat yima ros aen aipapo pele wihi sop eyaari sop aen tamtori mat ritoe taniya.
18
Saet sop para sahukfri sop rifar enon fendumat tap riesrak e sahuk-sahukfri kilo saet sop yau aen fituk afo.
19
Saet sop fendumat ren ribema rilus lahap riboufri saet tamtori mat sop haet agama fendumat ribema sop haet to mtumat ebe hat Yesus sop oper saet Paulus tegaskan hofa et enon.
20
21
Samo mat saet Paulus eha banding sop rifas tane saet enfanri Kaisar riakis par yau yesrak yam saet aen riafastane yau sop mengirim saet ebope Kaisarea.
22
Saet Agripa esrak e ebope Festus," yau yama waryak yahim pe yabema yitla tamtorimat saet," Amei sop Festus ut sop ofla e.
23
Saet sop waheto teslo Agripa rilat Bernike rimi sop penyek kilo etma sop recil ren ruang pengadilan tilut para bere amtori sop dobri-dobri sao mat, fe haet dapare so Festus eyaari, Paulus ritop recile.
24
Petrus esakri dabu Agripa sop penyek sehe rirenon rikienon mim renon ihitit mirome tamtori tit saet rihimu tamtori Yahudi ribope yau fia sop enon en Yerusalem boufe saet enon ihitit sop ila mbrarmare-mbrarmare fehaet tamtori tit ete ahae tapse saet ainon aen samsenanse enon.
25
Saet sop yau yorome fe haet tap yafei ensanpana sop rer nofei renon hukum pare sop saet eha banding ebope ren fia yau yakispar haet ya faok e Kaisar.
26
Samo yau tap yaur aeni endues sop melmal sop eteren ebope tuanku fehaet yau saet itoma tomtumat tit entanirya penyek sop kusus nya en tanirya ut dabu Agripa saet feyaet enofe pemeriksaan tit aenenafei yau yabema endues sop eter.
27
Enofehaet tap ehilen senam sop faok e tomtues afastan sahukfe fafo bitihe ahoe sop esrak fiahe aboaentanir ya.