¹ Waheto lim samo Imam besar Ananias opor ritilut onrilus tua-tua sop tomtu tapul fenti ebehat Tertulus. Fendumat ehuk foe riskiak Paulus tanirya ribope gubernur. ² Saet ehime, Tertulus haet foto bitihe ehoe en esrak," hofa aitao tuan, mim haet momase maen fia en ait arispar-arispar ainon fehaet it sop kebijakan tuan. ³ Mim maute en penyek sehe ofei tit et sop penyek fau saet daen omnas syukur-saet foa felik. ⁴ Sop saet fehaet tapse aopar samo yam las yau yahim yam kemurahan fitum afo ubet ofla emim aenahitit sebelas. ⁵ Saet mim haet mirome hofa tamtori tit renon ihi tamtori rifei wihi rit roflare wihi en erer tamtori-tamtori Yahudi ren penyek fendu warilon tit saet enon ihi ureni sekte Nasrani. ⁶ Et sop ofetsre menajiskan Arpames limu fehat mim wanyak ihim mengadilinya aeno fe haet hukum mim. ⁷ Saet Lisias dabu pasukan ento o map sop ofetare ren mori mim ofei feer are. ⁸ Saet eyaari tamtori-tamtori ri kiakri haet amap tanyak irya ut. Saet ahite ehak emal ut sop aiten omnas en enohofa penyek sop mim sahuk fri ebope. ⁹ Tamtori-tamtori Yahudi rima entehe ren warilon rihuk ri sop saet menugaskan haet penyek endumat sop fehaet melmal. ¹⁰ Saet Gubernur urfri isyarat ife Paulus sop esrak e, Paulus boufe fehaet yau omnas samo yame-yamehe haet ut aen ahi afo fendutit yau sop fituk afofe momlo sop es wortani. ¹¹ Ut ait omnas hofa tapse sefa ren lu serba waheto mat ahol yau yaha yaen Yerusalem haet riafei mesou. ¹² Fendumat tapse ria fei riarom yau haetri afei mbrefi saet hanta sop aen sahukfri riakin ama tamtori fia ren Arpames limu sinagoge-sinagoge riaenon sao warilon. ¹³ Fendumat rima tap riafei endues ri bope yam ensanpana sop sahuk fri ribope yau arahap. ¹⁴ Samo yau yaboufe yebope hofa fehaet ren rara mat saet sop fendumat riadebe endu sekte yau yofri mesou yibope Arpames tapun labahe mim sop masnanyak e haet penyek endutes sop tap dapare ensop hukum et sop eteren aiwali warilon para nabi. ¹⁵ ....... ¹⁶ Warilon endumat tit yau fetare haet yabon aenfia fanggomu nurani saet nurani haet fia aen Arpames tanirya waboufe. ¹⁷ Arahap fe haet yame ninei ohofa yau yomi haet yito mae sedeka et fendu yabe sop haet murfri persembahan-persembahan. ¹⁸ An nofet se fen yau saet yafei nar fendumat riarom yau haet yau yas fer inar Arpames limu pele riyale tamtori hofa rifei mbrefi samo rento menehofa tamtori Yahudi ren Asia. ¹⁹ Aenofe hat fendumat saet ainon ritanirya sop ahukfri ahoe saet hofa fendumat tur aenri afei mbre fiyau. ²⁰ Hofa aenfe tit tamtori-tamtori sop rihop ribehe sop rurfri romnas ehla ensanpana sop fendumat rirom fehaet yau yotu yenri sanhendrin tanirya. ²¹ Aenohofa tes menyatakan saet yau yam brarmare saet yau yotu yenri fendumat haet etiak aha tamtori rerper war yau yen hakim ren tanim irya waheti tit. ²² Sop haet feliks sop ebema endu penyek saet omnas sefa aen ahi fehaet rara ahukfri wihimat sop rit sop resrak saet Lesias dabu pasukan mat apor yat sop yakispar wihimat tit. ²³ Samo mat saet Feliks eyari perwira sop agar Paulus aen riafas tane, haet sop poa muen sop tapse afas tane tanimaro-tanimaro saet rilayani et. ²⁴ Fehaet wahelo lus Feliks omap rilat ehonma Drusila sop aenon en tamtori Yahudi sop riyaar e Paulus omap sop oflae Paulus esrak e haet Iman en warilon Yesus Kristus. ²⁵ Saet aenofe nena sop esrak arahap ao, saet yau ait fen yau sop yahim u. ²⁶ Samo mat aen tehe, Feliks yen fane haet Paulus sop urfi doisen, saet sop Feliks samoma sop aare Paulus amap sop esrak rihaet. ²⁷ Saet sop ainon e yame lu ait ahol Perkius Festus aenebiti fare Feliks et saet wariyak yohim aene fiahe tamtori-tamtori Yahudi, Feliks afok pare Paulus aen kawalimu warilon.