Pasal 23
1
Paulus lelal tane sanhedrin sop esrak," lafun-lafun ri yau sop yahalil e yau yainon sop yatuahi fituk afo nuran sop fia mal Arpames etuihi wahetotit.
2
Saet iman dwahe Ananias ayari tamtori-tamtori mat sop rifar renon raruk se Paulus sop mori babahe ria fak Paulus warifmou.
3
Samo mat saet Paulus esrak ri ebope," Arpames sop tanifmau, hai yam men tembok saet sop caat fe pa mo. Ensanpana yam mameros sop menghakimi yau aenofe hukum taurat haet recole hukum mat ensop eyaari yau yofyak.
4
Tamtori-tamtori sop rifar enon raruk se esrak," ensanpana et be yam mihite imam duwahe Arpames.
5
Samo mat saet Paulus esrak e yau tap yomanas lafuk-lafuk ri kilo fehaet tomtues urennl fendumat.
6
Fehaet sop samo Paulus omnas haet enduen noho fa renon tamtori-tamtori Saduki haet sop rilus renon tamtori-tamtori Farisi, Paulus ila te par en warilon sanhedrin," lafuk-lafukri yau yainon tomtu farisi natuk ri tamtori Farisi, yau ri diadili haet sop yasafe sop ren rer perwar se ratetiak aha.
7
Haet Paulus esrak endumat oflar rifei mbre fi sop aenahi tit fen tamtori-tamtori mat Saduki sop rikienon tamtori-tamtori mat tit ren fia-fiahe.
8
Haet tamtori-tamtori Saduki, resrak haet tapse enon etiak aha, tapse renon malaikat, sop rima enon roh tapse fehaet sop tamtori-tamtori Farisi rabou frien penyek.
9
Saet renihi rifei senda fe saet dwahe sop rilus ahli taurat ren rikienon Farisi rifar sop rafafak orur saet some," mim tap maroem endu tes saet ehla saet tamtori matit. Endut enofa saet fanggomu hofa malaikat sop esrak ebope.
10
Sop saet rifei imbrefi itop ennofe dwahe dobri pasukan nenari rifei Paulus sop ri cabik-cabik ritamtori sefa sop saet eyaari prajurit-prajurit sop ribe srus sop rit Paulus en molmal-molmal fendumat sop ri paksa saet ritoe ren markas.
Komplotan orang-orang Yahudi
11
Saet amer pani sop Tuhan atuen Paulus tanirya sop esrak e," fitti mafo somne saet yam delyak bersaksi saet melmal-melmal se samo yau yen Yerusalem men fehaet yam ema sop bersaksi en Roma.
12
Saet wahelo molmal tamtori-tamtori Yahudi fanggomu it ri pe riafun sop rifau tendi fendumat ribema saet rifei damar rip tapse rinpan afe rismus rani sanpana et be ainon fendumat riafu Paulus.
13
Ainon sefa ri ren empat puluh tamtori rifei fat rori afo aen tehe it.
14
Fendumat rimi nar ribope imam-imam alobri sop tua-tua saet resrak," mim sop mafau tendir mim bem a tit sop rifei damar saet tap mengecap ensan pana et mim mainon mafuntare Paulus.
15
Arahap sop saet it ut rikienon san hendrin, esrak ri dobri pasukan sop ritoe rabes rus ribope yam se olah-olah ut sop ekispar wihimal saet sefa riafir aenero sop mim sop mafun pare tafun et raruksema aen pele tit.
16
Sop saet abori tamtori-tamtori ren lafun amfendi Paulus oflari aenhofa alus tit sop ecil aen markas, saet esrak e Paulus.
17
Paulus ehime ehla les perwira sop esrak e hofa abori bro mane matit bope dobri pasukan saet urenri endues haet di laporkan ebope.
18
Saet perwira mat sop ritoe rebopo dobri pasukan sop esrak," Paulus mifastau sop mihi mu sop mihimtar u sop saet titama ebori bro mane mat tit ebope saet uren ri saet endues tes saet sop esrak ebope yam.
19
Dabu pasukan tapul e abori bromane mat ma sop eyok rit ritop lifur ya sop rihintare ebori bromane mat ehak emal ensanpana et be sop yam lapor e mima.
20
Haet bou fri tamtori-tamtori Yahudi mat sop fenti tehe rihimu sop titama Paulus apon aen sandrin amer seolah-olah fendumat sop riahimtare endues fiahe fehaet e.
21
Naet baen of lari fendumat saet renon sefa ren empat puluh tamtori renon fendumat ren lelaltame Paulus sop ofeidamar sop ripak tim pama haet rames mus rani etuihi fendumat rifun pare Paulus sop arahap fendumat delyak en sop enenfanri rima bolifri."
22
Saet dobti pasukan mat ayari abori bro mane mat sop ao aen faok ri ebope baen esrak etap hanta fehaet sop yam esrake enohofa endu-enduhe tit.
Paulus dipindahkan ke Kaisarea
23
Samo mat saet dobri pasukan mat sop ehimri perwira tamto rilu sop esrak ri," afir bare amtori dua ratus sop tuju pulu penujggang kuda sop dua ratus prajurit rar farfar saparama sop riao nar aen Kaesarea samo fro afiak lul pani molmal tit.
24
Apal aen frimal rau kirya sop ri menunggangkan Paulus sop riti taoe aen pele ainon e Gubernur feliks tit.
25
Saet eter enon aiwali ainofe tit.
26
Yat Klaudius Lasias yibope Gubernur saet fia, salam.
27
Tamtori mati riedot saet tamtori-tamtori Yahudi sopriatut prari rit fendumat saet yau yama mintilut prajurit-prajurit sop mim ma fok pare fehaet sop onas ebope et enonihi tamtues warga negara Roma.
28
Saet yau waryak yohim ensanpana ofeiri fendumat fafobit i he rihoe yau mait mitaoe opor sanhendri fendumat.
29
Yau mima rome haet riaohe wihi-wihihe aenhofo hukum taurat fendumat saet tapse ainon popap ensanpana saet sop hukum aper hofa kawalimu.
30
Saet resrak e rebope yau haetaen fanggomuaen tehe sop ri fakfak orur tamtorimat yau sis ya yaari para penudunya sop ritoe saet samo pani en Antipatris.
31
Saet para prajurit dapari saet eyaari sop fendumat rit Paulus sop ritoe saet samo pani en Antipatris.
32
Saet waheto hano ero, fendumat rifok pari para penunggang kuda et ritilut do saet fendumat resris par re markas.
33
Saet fendumat haet mifar ihi men Kaisarea sop esrak ri aiwali en ebope Gubernur fendumat rima rataoe Paulus ribope.
34
Fehaet Gubernur esrak enon ai wali tit, et ehimtari ren wilayah finta Paulus berasal. Sop haetsisya et omnas haet Paulua berasal en Kilikia.
35
Et sop esrak ri," yau haet yofla yam fehaet fendu matan yama yomi samo mat et e yaar yam sesya atak aene Paulus en markas warilon dwahe Herodes.