¹ Lafun-lafunri sop man-mam ri ofla etaane arahap ebope yam. ² Saen fendumat naflae hofa Paulus ehimri fendumat warilon fenti Inrani fendumat ren nen ramo napar sop Paulus esrak. ³ Yau yenon tamtori Yahudi ribon Tarsus, Kilikia saet enfe dwahe en sao tit di didik enfune Gamaliel rilat ketat sesuai hukum tapun labahe mim sop mainon mafei fe Arpames, rilat ainofe yam penyek samo waheto na tit. ⁴ Yau mifei fetes rara tit aunon samo terper war sop mafou sop mecil ri fendumat fia tamtori-tamtori hofafe amfendi ren warilon kawalimu. ⁵ Enofe saet yama iman dwahe sop penyek majelis penatua riten sop ras nanyak e ebope yau ren fendumat yau yaure aiwali-aiwali saet lafun-lafunri ren Damsyik sop riao saet ria fau fendumat saet ainon sop aenoto ao Yerusalem aenofe pele ri afas tane sop saet ribu kum. ⁶ Saet aenon fehaet fen yau yainon warilon rara blaohe sop naruk se ainon ihi Damsyik angker-angker samo waheto raheswis-raheswis aen mela etepar en ono tani mela etepar eyale mim. ⁷ Yau yalot ehi wanafo sop toflae rori esrak ebope mim, Saulus endu enohofa yam mifeia fetes. ⁸ Saet yau yau yaboufe hambe yau sait Tuhan saet esrak ebope yau, yau sait Yesus en Nasaret saet yam mifei ya fetes. ⁹ Tamtori-tamtori saet mim mikien miroem mela etepar sop. Saet tap riom nase rori tamtori mat sop renene srak rebope yau. ¹⁰ Sop yau yesrak esanpana saet sop yau yafeia, Tuhan sop Tuhan boufe yau," etiak sop ao aen Damsyik" sop hito yam sop yisrak yam penyek saet hofa aenahi yam nenafei. ¹¹ Sop saet mim tap ait morome saet mela etepar en yau aitao rer tamtori-tamtori sop mim miki enon sop mecil aen Damsyik. ¹² Samo maen tomtumat ebehat Ananias tamtumat fia atak aene hukum taurat sop teilale fia saet penyek sehe tamtori Yahudi saet renon ihito. ¹³ Omap ebope yau sop yitiak aha yatu aen tanirya etsop yesrak lafukri Saulus erome," Sop fehaet tit ema yau yait yarome ensop yarome et. ¹⁴ Saet esrak Arpames tapun laba mim enon emimi saet sop omnas ebe kehendak mat arome saet mel-mal sop oflae ila ren warifmou. ¹⁵ Saet yam sop aenofe saksi aryak-aryak nar penyek tamtormal omnapar ensanpana sop haet yam arome sop oflae. ¹⁶ Saet arahap aenohofa yam afeilahe-lahe etiak aha sop lurfri tanim tit sopri baptis saet sis ferinar ehla-ehla mim fehaet ehime ebeha. ¹⁷ Saet sop yau yarispar yao Yerusalem sop yaen yafei mesou Arpames be limu yau fenggomu omtu ahil ya. ¹⁸ Saet yau yarome et enfenti ebope, bergegaslah sop sisya omrak en Yerusalem saet fendumat tap sop ri tite kesaksian yau enohofa yau. ¹⁹ Saet yau yes rak," Tuhan fendumat ehak behe omnas haet yau ite ehilok kawalimu sop afau fendumat aen snanyak e ribope entehe sinagoge aen yam lus. ²⁰ Samomat saet tanihila saksut Stefanus, et apal ahi yau yisyak behe enno yotuento yabo ufe sop ya dardar mayo-mayo tamtori-tamtorimal sop ritut prari. ²¹ Saet sop Yesus esrak ri ebope yau sait yaoh. Saet yau sop yakispar yam merur ebope fendu-fendu he rilus. ²² Tamtori mat sefa roflae Paulus atuahi en fenti ene resrak," enyahkan tamtori reno fetit ren fendu warilon saet tap pantas ebema ainon. ²³ Sop enofehaet fendumat mblaohe ilambrar mar sop jubah se riho e ri fendumat sop rifiak ok tes-tes bafu ren udara. ²⁴ Dabu pasukan ri yaarri agar Paulus titaoe mar ras saet ri esrak e hofa Paulus sisya ri sesripare sop cambuk sebe tit riten alasan endut enohofa fendumat rori rambrar mar felfilpar ensop et aenfehaet. ²⁵ Samo mat saet fendumat sop merentangkannya saet wet walo-waloma walima Paulus esrak ebope perwira mat sop ri far ren raruk se," ensanpana sah haet yam saet mecambuk tamtories sop enon tomtue warga negara Roma saet tap ri adili. ²⁶ Saet perwira mat sop moflae en pelao ebope elabu pasukan sop ri esrak e oflae," ansampana saet sop kyam afeirnar sal mo tamtori tit riainon tamtormal warga negara Roma. ²⁷ Saet dobri pasukan mat sop rimi sop esrakri ebope Paulus," fenti ebope ensampana yam tamtorlus warga negara Roma," Sop Paulus esrake," ya. ²⁸ Dobri pasukan mat saet raboufe," yau iten kewarganegaraan tit ren moti riyot dwahe doisen," sop Paulus esrake,"samo yau yenofe warga negara saet ribonya. ²⁹ Haet tamtori-tamtormat saet sop sesri pare Paulus sesya tani afei ri dobri pasukan renon menari rifei saet sop omnas hofa Paulus enon tomtues warga negara Roma sop ri tit doet sop ri faue. ³⁰ Saet sop amer waheto , sop dobri pasukan ari ehim pe rima omnase ensampana et melmalses Paulus fafo bitisebe ribesop tamtori-tamtori Yahudi et sop ri fok pare Paulus sop ri yaari imam-imam dobri saet penyek sanhendrin saet rikim omae saet sop ritoe Paulus rabesrus sop ritoe tendirya ren molmal-molmal se fendumat.