¹ Fehaet sop mim mae manfanu en fendumat sop delayak ehak pare mim mblao he sop enyok rau enkos sop waheto hano ero ren Rodos sop reno ren Patara. ² Sop fehaet mim mirome woes peletiak ao Fenesia sop mim maha wo sop raumaok. ³ Feahet mim delyak ma fei marome Siprus mim mahole sop aen falwar maom mim sop maen malok rau mao Siria saet mabe srus tinus saet so wo mat saet rabesrus endu barsa. ⁴ Saet fehaet sop eromi ren para matun ri mim mainon mainoto samo waheto limlu sop ahole fanggomu omtu fendumat mblaohe fenti feri Paulus saet pak aha ao Yerusalem. ⁵ Faet samo mimbe me mo non delyak opar, mim matetiak sop mao rara mblaohe mim fendumat penyek mim tilut maenon sop fehaet erim dabus marem wanafo sop mafei me sou. ⁶ Mim tanon ofei mim tes malus, samo mat mim metiaha maen wo sop fendumat res ris par rerok umur ya. ⁷ Fehaet mim mafar ahi rahenei riunar Tirus mim mifar ihi men Ptolemais, sop mim ma menyapa lafum-lafum ri se iman fehaet ainon ritilut fendumat senam waheto tes. ⁸ Saet waheto teslo mim matetiak mao maen Kaisarea sop meul limu penginjil Filipus set enofe tes ren limtes tamtorimat saet ritilut ainon se. ⁹ Et ebema naturit fau perawan sop bernubuat. ¹⁰ Aen fehaet fen mim mainun ihitit samo maenon waheto mnai tamtorimat nabi ebe hat Agabus opor en Yudea. ¹¹ Aenon fehaet etak oma mim et it ofau oma fuya lifu sop Paulus ofau ma sop ae mat ebema sop esrak tit sop fanggomu omtu esrak riafei ofe tit tamtori-tamtori Yahudi ren Yerusalem saet ofau tamtori saet ebema ofau foriya lifu en sop aufri aen mari fendu-fenduhe lus. ¹² Samo mim moflae endumat sop mim en tamtori-tamtori mat sop ren non hito men rihime Paulus saet pak aha aen Yerusalem. ¹³ Samo fehaet Paulus esrak ri ensampana et yam pelafei a atin sop fitun afo omdarer yau. Fehaet yau yatu ehi baen saet sop afau saet uma aen aperanem Yerusalem saet ha Tuhan. ¹⁴ Sop samon Paulus ofei mao omnas mim mamonapar sop esrak baen hofa fen Tuhan sop ofei.