Pasal 20
Dari Makedonia ke Troas
1
Fehaet afeimbre fi saet etuihi, Paulus ehimri para murit so fehaet filuafo som ne fendumat tit pelao ren fendumat omra pani mahe ritak mare o Makedonia.
2
Feahet sop wihi boni, et mi farihi men Yunani.
3
Menoto Paulus enon senanse mado toul saet tamtori-tamtori Yahudi rifei en fatrori afo fehaet ehole fehaet sop ri yok rau riu Siria sop rikispar saet res ris par re cole Makedonia.
4
Paulus rilat Sopater ren berea, natun Pirus fe Aristakus sop se kudus ren Tesalonika sop Gayus ren Derbe sop Tomotius. Saet Tikhikus sop Trofimus ren Asia.
5
Fendumal riu nar matan sop renon ren fane mim men Troas.
6
Haet mim rau miyok mi umar Filipin delyak waheto raya are ragi tapse sop oma ebope fendumat ren Troas warilon wahe to lim meno mim menon senam wahe to lim lu.
7
Samo waheto tes minggu ofei sisya mim sop makiaen mim tilut, saet maryak nar are, Paulus esrak ebape fendumat rit saet fanggomu ele etiak ao waheto sano et sop afei aen mblamal faok ri aen ahitit panimolmal.
8
Ainon sefa yafumat en ruana afa pele mim mikien.
9
Saet sop ento enon bit mane ebe hat Eutikhus maras en jendela sop el rok en warilon pece ehuhar moni. Saet aen ahitit fen Paulus mblohe enesrak warilon samo en matan et enoma el roken warilon ehunar enetot ensi mafo toul sop redit warilon feaet delyak oper.
10
Samo Paulus opor sop etepar tani en yakse sop edol sop esrakri sendafe afeitap tani netut enon nen warilon et.
11
Samo Paulsu erispar eha sop samo eryak-eryaknar aremat sop rim et esrak ebope fendumat ren warilon samo en matan etuihi panimahe saet sop et tiak o.
12
Fendumat ri tomae bromane mat ritomae en warilon enfia-enfia sop omnase enfia.
Troas ke Miletus
13
Samomat feyaet oma matan e kapal, mim rau miyok mao Asos sop fanggomu fei pe ainon saet ehak behe fanggomu fei pe ao aento sop salil ae he.
14
Et saet erome saet mim men asos mim sop marome saet mao metilene.
15
Saet sop raumi yok eno mim mifar ihi sop amer waheto maen khios waheto samo ero mim mieu raruk se samos sop waheto samo mim farihi men meletus.
16
Saet Paulus delyak ekispar saet rau riyok ehole Efesus fehae tapse afei aopar samo en asia fehat en bergegas enon ei Yerusalem saet aen nenafei afetap samo waheto Pentakosta.
Perpisahan Paulus dengan para penatua jemaat Efesus
17
Renon Miletus Paulus ekispar tomtues en Efesus sop eyaari para penatua jemaat riani ribope yam.
18
Saet sop fendumat rimi mar rebope et esrak ri rebope fendumat," Yam wihimbehe yomnas endual enohofa yau yaenon yuan molmat se sama mblamal saet waheto tes yau aik yabon aen Asia.
19
Saet melayani Tuhan saet penyek fituafo edar ini sop ren corani sop ren radel dali-deldali saet fene yau ehole persengkokolan tamtori-tamtori Yahudi.
20
Ae nohofa yau tapse yafas tan tanyak sop yesrak yibope yam penyek aen tehe sop aen fia sop esrak yam ebope penye aen tehe fia sop esrak yam aen tendirya penyeksehe sop aen limu-limuhe.
21
Melmal-melmalse yaurfian yam anyake fia ebope tamtori-tamtormal Yahudi rilus tamtori-tamtori, Yunani aen hofa peyan aenfia yibope Arpames sop ber iman yibope Tuhan rebe Yesus Kristus.
22
Saet arahap yarom u saet afau en fanggomu omtu yau yaren warilon yaha lil yao aen Yerusalem nofa yenas ensanpana sop saet aen yafei yebope yam aento.
23
Aen hofa-hofa fanggomu omtu snanyak e saet melmal-melmal se aen sao penyek yibope yau hofa kawalimu aen afei fetes fe haet aen fanne.
24
Samo yau tapse fanggomu yaite yainontit berharga fe tanyak tit tanyak yabema fehaet yau yailen yofei delyak tugasku sop pelayanan saet yau menyek yaifu en Tuhan Yesus haet ube was nanyak e sop melmal-melmal se fehaet fenti alo anugerah Arpames.
25
Sop arahap ya rom u yau yemnas enhofa tapse enon erer tit sop yibope sop re bopeyan yat yale yisrak e Kerajaan saet yarome ebe cafumal saet.
26
Saet sop yau yas nanyak ebope ut arahatit aenofe yau tap ehla afo tanian sila ut penyek.
27
Saet yau tap yafas tane tanyak sop yaur fu yibope yau penyek endu peyafei Arpames.
28
Baen tanim ubematam sop penyek kawanan saet yatse fanggomu omtu saet afei iu pengawas sop auraen jemaat Arpames, sop saet nenofei saet ebema tanisila.
29
Yat yonas pe fehaet atiak ao, serigala-serigala klori sop rimi re nener yam, tap au renni rau kir ya mat.
30
Saet en nere tit yam uhim sop etiak aha tamtori-tamtormal ren menesrak hofa endu-enduhe menyesatkan saet aok tit matun-natun ri fendumat.
31
Fe haet sop aenen dar-dar dari saet fanggo mifei nofa waheto- sop pani senanse yame taul tit yau tap yatuahi fanggomu yofei yam tes-tes riren cori rani.
32
Saet arahap yau yaur fiam yebope Tuhan sop yibope fenti alo anugerah-Nya saet etop ebe etiak aha ate sop aur frima warisan rirenon rer penyek sehe tamtormal mat sop ren fia.
33
Yau tap waryok yahim perak enho fafe emas enhofa mayo ambe eta.
34
Yam uhim behe oninas pe mim tit melayani endu yabema et a.
35
Warilon penyek endu-enduhe, yau haet ofnaw bope yam saet sop ersa mom so mal enofe ofeimatan tit yam sop sorok e saet epetnar sop fanggomu fenti Tuhan Yesus hofa et ehak behe esrak enon sefa berbahagia urfri muri yambaen urfe.
36
Saet sop delyak esrak enon endu-enduhe ettit dobri erem sop afei mesou ritilut fendumat penyek.
37
Saet renon sefa ritin ren nerema fendumat penyek sop fendumat edot Paulus be bate sop eyas tane.
38
Fendumat sop ribol enofehaet ebe fenti-fenti mat sop et e esrak saek fendumat tapse pak riarome cofuit ero sop fendumat ritaane Paulus riu.