Pasal 19
Paulus di Efesus
1
Endu tit ofei aino fe haet fen Apolos enon ihi Korintus, Paulus eholok ebe fendu pedalaman sop enon ihi Efesus ento erome rilus natunri.
2
Paulus esrak ebope fendumat Ensampana yam mita fanggomu omtu saet yam saen aen nofe snanyak e. Fendumat raboufe, tap sae mim lahap taap mofale pe fanggomu omtu.
3
Saet Paulus esrak" Eten warilon ensanpan aenma yam sop baptis boufri fendumat ren warilon baptisan Yohanis.
4
Paulus esrak e,' Yohanes Baptisan ri baptis yan afar saet sop urfri momas tamtori-tamtormat rasnanyak rebope tamtormat sop riminar fena et enohofa ribope Yesus.
5
Fehaet fendumat roflae endu-endu tit, fendumat en baptisan en warilon ebe ha Tuhan Yesus.
6
Samomat saet Paulus sop mat ediaha en yat se fendumat fanggomu omtu omap en yatse fendumat re fendumat renon-renon resyak e warilon fenti-fentihe sop ribernebuat.
7
Fendumat penyek mori riyot angker-angker dua belas fendumat tamtori-tamtori.
8
Saet Paulus ehilok en sinagoge sop esrak ripe momna senam mado toul menon maben-bon fanggomu saet melmal se fendumat aen Kerajaan Arpames.
9
Saet sop samo rilus tamtori fatrori afo sonari sop rihak pare ren rasnanyak e sop ri esrak e endu-enduhe saet fetes fehaet rara tit ren tendir ya tamtori sefa, Paulus tani feiri fendumat sop wihibon ri para murid ri ao saet fifero rur fri fanggomu samo ren waheto he ren sekolah Tiranus.
10
Endumat en mblohe enam yame lu aenon penyek tamtori mal renon Asia roflae fentialo Tuhan, fia tamtormal-tamtormal Yahudi ren fe tamtori-tamtori.
11
Arpames ofeimar sefa mukjizat sop melamuar fehaet ahole Paulus bema.
12
Fehaet mayo rope saet celemek sop matan fone Paulus be tan waki ritoma ribope tamtori-tamtorimal mehan saet endu walo fendumat.
Anak-anak Skewa
13
Samo rilus rihe uri foman Yahudi mat sop afo tamtori-tamtormat sop fanggomu-fanggomu fetes sop saet esrak ri," yau yebet fiamdamar yam warilon ha Yesus sop Paulus esrak ri.
14
Limlu abori tomtu-tamtori Skewa ehla tamtormal imam dwahe Yahudi sop ri felnar.
15
Saet sop fanggomu fates mat sop boufri sop esrak ribope fendumat, yau yeilale Yesus sop yau yomnase hofa Paulus fe haet hanta yam.
16
Saet fendumat fanggomu fetes ehli sop fo mflamar en ofete fendumat ritebe dwahe en afo fendumat saet mengalahkan fendumat penyek fehat fendumat roflof tanifei ri limu sop warilon fehae en bop nohe sop et wanar.
17
Endumat tit omnase pe saet penyek fendumat Efesus fia tamtori-tamtormal Yahudi romnas tamtori-tamtoriamat Yunani sop fendumat penyek rene mari tut sop ebe ha Tuhan Yesus fehaet risnanyak e.
18
Sefa renri fendumat sop delyak ras nanya e sop oma saet boufe sop esrak rifenti ofeinar-ofei fendumat.
19
Saet sefa ren fendumat saet tap afeimar sihir akmar aiwal-aiwali fendumat so ri atun en tamirya penyek tamtormal sop fendumat mari nyot nofa aiwai-aiwali saet sop riarome nilainya aenofe lima puluh ribu rupiah keping perak.
20
Ofei fenti alo Tuhan mblaohe oboit aha sop ebema dwahe.
Demetrius menimbulkan huru-hara di Efesus
21
Fehaet endu-enduhe sop opar warilon fanggo muomtu Paulus fanggo mu ite pelao aen Yerusalem fehaet sop haet ahole Makedonia sop Akhaya sop esrak en," Fehaet yau yama sesya yarome Roma.
22
Sop fehaet ekispar tamtori lu sop ri melayani en Makedonia haet Timotius rilat erstu saet ehak behe ainon rilasma samo ren Asia.
23
Eyael samo et sop ento ofei mbrefi saet tapse netue enfone rara tit.
24
Saet enon tomtu mat ebehat Demetrius tomtues pengrajin perak sop ofei kuil-kuil perak Artemis urfri penghasilan saet menentu et ma fetapse aur fi tukang-tukang nya.
25
Para tukang nya et en rikimar ritilut sop rifei ersah ersahen bidang fe cofu sop esrak ri," lafuk-lafukri yam omnas ebope kemakmuran mim miten ri perusahan tit.
26
Saet yam aromep sop oflae ebope baen haet en Efesus enofe enlas en penyek Asia. Paulus haet om mas sop afei sefa tamtori mat riesripar sop esrak ri bope Arpames sop riafei ren mori tamtormal tap se Arpames.
27
Endumat endumat baen aen ebope uma sop ap mim sop mame rur en warilon riahite saet ema kuil Dewi Artemis sat agung en tapse aenonlas saet mori aot saet sop mori tife en Asia sop fendu dwane saet aen feta se keagungan-Nya.
28
Saet fendumat roflae endu tit fendumat renon momna kilo sop ilabrarmar-mbrarmar dwahe Artemis dewi tamtormal Efesus.
29
Samo sao mat daen rifei fetes sop fendumat bergegas ritilut-tilut ren gedung kesenian saet riyok rit Gayus Aristarkhus tamtori Makedonia sop ainon tani maro rilat rahenei Paulus.
30
Samo mat saet Paulus wari ehin pelao ahil aen merer tamtori mat sepa sop, para murit tap tendir afeie.
31
Saet rilus dobri dwahe Asian saet atitaen walo mahen sene rebope saet tapse ritur fri tendir tit.
32
Saet endut aennohofa rori tambrarmare endu tes sop aenohofa sop lus saet riakim aen sop ainon warilon afei rifetes sop aenohofa dwahe ren fendumat tapse omnas ensampana alasan fendumat sop riama akim aen.
33
Las ren tamtormal sefa sop riakinama Aleksander saet tamtori-tamtormat Yahudi saet rihak pare en lifurya sop saet Aleksander urfri isyarat saet morimat et fanggomu fei afei atak aene tedir turya fendumat sefa.
34
Samo mat saet fendumat rei lale bope Aleksander enofe tamtori Yahudi samo angkere-angker frolami ofiak lu fendumat penyek rorirar brarnar e aen tehe rorimat, dwahe Artemis dewi tamtori Efesus.
35
Fehaet panitera sao mat aenno na feiri fia tamtori sefa sop et esrak" Hai tamtori-tamtori efesus hanta pe tamtormal saet tap onnas ebape sao Efesus ennofe Darolare kuil dewi Artemis saet agung saet sop aporahi ren onotani.
36
Afei saet endu-enduhe sop tap aiten di banta, yam fehaet aenon fia sop tapse aite gegaba.
37
Saet yam sop mitomari tamtori-tamtori tit sop aitama sop tap erokaite kuil hofa riahite dewi mim.
38
Enofe haet, sop Demetrius saet tukang-tukang ritilut ritilut-tilut saet tamtori endu enhofa tamtori-tamtori pengadilan rifak sop enon prokonsul aen nofe haet fendumat riofnawe entes ainon rilus.
39
Samo en yam menghendaki denetes endulus endumat aiten afei aopar en warilon sidang rakyat aenofe hukum.
40
Fehaet sop warilon fetes sop ditudus afo afei mbrefi arahap tit saet saet tap ainon nenafei esanpana sop saet aiten mim esrak fiahe aenofe riakin ama sop kacau tit.
41
Saet ri esark e endu-enduhr tit et lelelnar riki enon.